റോമഗാറാര് 5:10 - സാമി സേദി

¹⁰ നമ്മ സാമിക്ക് പോട്ടിഗാറാര് ആയിര്‌ക്കാട്ടി താനെ സാമി തന്ന് മഗാന്‌ന സായ ബെത്താദ്‌നാലെ സാമിമ് നമ്മാമ് രാജി കൂഡുനാമ്. അത്തെ സാമ്യോഡ രാജി കൂഡുന പ്‌റ ക്‌റ്‌സ്‌ത്ത്‌ക്കിര്‌ക്കുവ ഉജുരുനാലെ നമ്മ തപ്പിസി കഡാക്കുവാദ് എത്ത്‌റാഗോ ഒറേപ്പുള്ള കാര്യത്തെ.

റോമഗാറാര് 5:10 ပူးပေါင်းရင်းမြစ်များ

ഓഗന്നാന് 14:19

സെറ്റെ കളിന്തദാന ഉലഗാത്ത്‌ല ആള്‌ഗാള് എനാന കാണമാട്ടാര്. ആന നിമ്മാഗൊ എനാന കാണുവുറു, നാന് പെ്ളേക്കുവാദ്‌നാലെ നിമ്മാമ് പെ്ളേക്കുവുറു.

ഓഗന്നാന് 5:26

അപ്പാന് സാമിക്ക് അയാള്‌ല് താനെ ഉജുരു ഇര്‌ക്കുവ പാസെ മഗാന്‌ക്ക്‌മ് അയാള്‌ല് താനെ ഉജുരു ഇര്‌ക്ക്യ ബെത്ത്‌റ്‌ക്ക്‌ന്റാന്.

ഓഗന്നാന് 6:40

മഗാന്‌ന നോഡി നെപ്പ്‌കെ്ഡേസി അയാള്‌ന നമ്പ്‌ന്റവാന്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കുഡൊ എന്നുവാദ്‌ത്തെ എന്നപ്പാന്‌ക്ക് പ്‌ഡിത്ത കാര്യ. നാന് അയാള്‌ന കഡേസി നാള്‌ല് ഉജുര്‌ളാക്കുവെ.>>

ഓഗന്നാന് 6:57

ഉജുരുള്ള അപ്പാന് സാമി എനാന സൊല്ലി ബ്‌ട്ട് നാന് അപ്പാന്‌നാലെ പെ്ളേക്കുവ പാസെ എനാന തിന്ന്‌ന്റവാന് എന്ന്‌നാലെ പെ്ളേക്കുവാന്.

റോമഗാറാര് 11:28

എഗുദാര് നല്ല സേദിന നമ്പാദെ ബേ്ഡ എന്റ് ബെത്താര്. ആന നിമാക്ക് അദ് ഉവഗരപട്ട്‌ദ്. അത്തെ നിമ്മ അയി സേദിന നമ്പ്‌ന്‌റ്. അത്തെ അവാര് സാമിക്ക് പോട്ടിഗാറാര് ആനാര്. ആന സാമി അവാര് പാട്ടാനാമ്‌നാമ് അവാര്‌നാമ് തെരിന്തെ്ഡ്‌ത്താദ്‌നാലെ അവാര് സാമിക്ക് മെച്ച്‌പ്‌ഡിത്തവാര്‌ത്തെ.

റോമഗാറാര് 5:11

അദ്‌താനേമല്ല, നമ്മ ഇന്നാല് സാമിന പറ്റി പെരിമെപഡ്‌ന്റാമ്, എന്ത്‌ക്കെന്റ് സൊന്ന, സാമി നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌ന ബെത്ത് നമാന തന്നോഡ രാജി കൂഡുസുനാന്.

റോമഗാറാര് 5:6

സാമി ആസെപഡി നഡാക്ക്യ മുഡ്യാദെ നമ്മ കുറ്റകൊറേവുള്ളവാര് ആയിര്‌ക്കാട്ടി താനെ ക്‌റ്‌സ്‌ത്ത് നമാക്ക് ബേ്ണ്ടി സാമി സൊന്ന ഗളിഗേല് താനെ സത്താന്.

റോമഗാറാര് 8:32

തന്ന് സൊന്തമഗാന് എന്റ്‌ഗുഡി നോഡാദെ അയാള്‌ന നമാക്ക് എല്ലാവാര്‌ക്ക് ബേ്ണ്ടി ഒപ്പിസി കൊഡുത്ത സാമി അയാളോഡൊപ്പ തനാക്കിര്‌ക്കുവാദ് എന്ത്‌നാമ് നമാക്ക് തരാദിര്‌ക്കുവാന?

റോമഗാറാര് 8:34

അന്നാപ്പ് ആര്‌ക്ക് അവാര്‌ന കുറ്റഗാറാര് എന്റ് ബിദിക്ക്യ മുഡിമ്? ക്‌റ്‌സ്‌ത്ത് ഏസ്സ് സത്തവാന്, സത്തിന്ത് ഉജുര്‌ളാഗി ഇര്‌ക്ക്‌ന്റവാന്‌ത്തെ. അയാള് സാമി ബല സാരി ഇന്ത്‌കൊണ്ടു നമാക്ക് ബേ്ണ്ടി ബേ്ണ്ട്‌ന്റാന്.

റോമഗാറാര് 8:7

മന്‌സാന്‌ക്ക് ഇര്‌ക്കുവ പാവ പളാക്ക സാമിക്ക് പോട്ടി നില്ല്ന്റ്. അദ് സാമി സട്ടാക്ക് കെ്ട്ട്‌പഡുവാദില്ലെ. സാമി സട്ടാക്ക് കെ്ട്ട്‌പഡ്യ മുഡ്യാമ്‌മാട്ട.

2 കൊരിന്ത്യഗാറാര് 5:20

അത്തെ ക്‌റ്‌സ്‌ത്ത്‌ക്ക് ബേ്ണ്ടി നായ സൊല്ല്യ ക്‌റ്‌സ്‌ത്ത് തനാക്ക് ബദ്‌ലായി എമാന എ്ഡ്‌ത്ത് ബെത്ത്‌റ്‌ന്റാന്. അദ്‌നാലെ സാമ്യോഡ രാജി കൂഡുനു എന്റ് എമ്മ ക്‌റ്‌സ്‌ത്ത്‌ക്ക് ബേ്ണ്ടി നിമാന ബേ്ണ്ടി കൊള്ളുന്റേമ്.

2 കൊരിന്ത്യഗാറാര് 5:21

ക്‌റ്‌സ്‌ത്ത് പാവ ഇല്ലത്തവാന് ആയിന്താന്. നമ്മ ഗേന്ത പാവഗാള്‌നെല്ല സാമി അയാള് തലേക്ക് ഏ്റ്‌സ്‌നാന്. അത്തെ അയാളോഡ രാജി കൂഡിര്‌ക്കുവ പേര്‌ല് സാമി നമാന നേര്‌മെ ഉള്ളവാര് ആയി സേത്തി ബെക്ക്‌ന്റാന്.

എപസോസുഗാറാര് 2:16

അത്തെ സാമി സട്ടാക്ക് കെ്ട്ട്‌പട്ട് നഡാക്കുവ ജാദിഗാള് സാമി സട്ടാക്ക് കെ്ട്ട്‌പട്ട് നഡാക്കാത്ത അന്ന്യ ജാദിഗാള് എന്റ് പ്‌റ്‌ത്ത് ബെത്തിന്ത മന്‌സാന് ജാദിക്കിര്‌ക്കുവ പഗെന, ഏസ്സ് കുരുസുലു സത്താദ്‌നാലെ ഇല്ലാദെമാഡി സാമിപ്‌ള്ളെഗാള് എന്നുവ പുദ്യ ഒന്റു മന്‌സാന് ജാദിന മാഡ്‌നാന്.

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.

എവുറായാര് 2:17

അദ്‌നാലെ അയാള് ജനഗാള് പാവഗാള്‌ന തീര്‌ക്ക്യ ബേ്ണ്ടി ഗവഗാറാന്‌മ് സാമിക്ക് ബേ്ണ്ടി ഗിലാസ ഗേവാദ്‌ല് നമ്പ്യ മുഡിവ ദൊഡ്ഡ പൂസാരിമ് ആഡൊ. അദ്‌ക്ക് ബേ്ണ്ടി അയാള്‌ക്ക് എല്ലാ ദിന്‌സ്‌ല്‌മ് തന്ന് ജനഗാള്‌ന പാസെ ആവ തേവി ബന്ത്‌ദ്.

എവുറായാര് 7:25

അത്തെ ഏസ്സ്‌നാലെ സാമി പട്ട്‌ക്ക് ബന്റവാര്‌ന എന്നാല്‌ക്ക്‌മ് കാപാറ്റ്യ തനാക്ക് മുഡിമ്. എന്ത്‌ക്കെന്റ് സൊന്ന അവാര്‌ക്ക് ബേ്ണ്ടി സാമ്യോഡ ഉദാവി കേ്ള്‌ക്ക്യ അയാള് എന്നാല്‌ക്ക്‌മ് പെ്ളേക്ക്‌ന്റാന്.

1 ഓഗന്നാന് 2:1

ഏസ്സ്‌ഗാറാരെ, നിമ്മ പാവ ഗേഗാദിരിക്ക്യ നാന് നിമാക്ക് ഇദ് എ്ള്‌ദ്‌ന്റെ. നമ്മ പാവ ഗേന്തദാന നമാക്ക് പൊറിമെ കെ്ഡേക്ക്യ ബേ്ണ്ടി നമ്മ് അപ്പാന് സാമ്യോഡ ബാദാഡ്യ ഏസ്സ് ക്‌റ്‌സ്‌ത്ത് നമാക്ക് ഇര്‌ക്ക്‌ന്റാന്. എന്ത്‌ക്കെന്റ് സൊന്ന അയാള് ഒരുത്താന്‌ത്തെ നേര്‌മെഗാറാന്.

1 ഓഗന്നാന് 4:10

നമ്മ സാമ്യോഡ സീവാന്‌ബെത്ത്‌റ്‌ക്കാലെ. ആന സാമി നമ്മോഡ സീവാന്‌ബെത്തിന്താദ്‌നാലെ നമ്മ ഗേന്ത പാവാക്ക് പൊറിമെ കെ്ഡേക്ക്യ ബേ്ണ്ടി തന്ന് മഗാന്‌ന സൊല്ലി ബ്‌ട്ടാന്. ഇദ്‌ത്തെ നേര്‌മാന സീവാന്.

ബെ്ളിപട്ട കാര്യ 1:18

നാന് ഉജുരോഡ ഇന്തവാന്‌ത്തെ. നാന് സത്തേന്, ആന ഇന്നാല് നാന് കാലകാല ഉജുരോഡ പെ്ളേത്ത്‌റ്‌ന്റേന്. സാവുന ആള്യാമ് നരഗ ലോഗന ആള്യാമ് എനാക്ക് അദിഗര ഇര്‌ക്ക്‌ന്റ്.