റോമഗാറാര് 5:1 - സാമി സേദി1 ഏസ്സ് ക്‌റ്‌സ്‌ത്ത്‌ന നമ്പ്‌നാദ്‌നാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് ഗേന്ത കാര്യനാലെ സാമിമ് നമ്മാമ് രാജി കൂഡിര്‌ന്റാമ്. အခန်းကိုကြည့်ပါ။ |
റോമഗാറാര് 5:1
53 ပူးပေါင်းရင်းမြစ်များ
മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.
സാമി ആസെപഡുവാദ്‌ന നിമ്മ ഗേയ ബേ്ണ്ടി നിമാക്ക് ബേ്ഡ്‌മാന എല്ലാ നല്ല കാര്യഗാള്‌നാമ് നിമ്മ്‌ദ്യായി ബെക്കുവ സാമി നിമാക്ക് തരുഡൊ എന്റ് നാന് പരേസ്‌ന്റെ. കൊറ്യാഡ്‌ഗാള്‌ത്ത് മുക്ക്യമാന മാട്ട്യാനാന നമ്മ് ആണ്ടവാന് ഏസ്സ്‌ന താന് സൂസുന സോരെനാലെ സാമി സത്തവാര് പട്ട്‌ലിന്ത് ഉജുര്‌ളാക്ക്‌നാന്. സാമി മന്‌സാരോഡ ബെത്ത എന്നാല്‌ക്ക്‌മ് ഇര്‌ക്കുവ ഒപ്പന്ത അയി സോരെന ബെത്ത്‌ത്തെ നഡാക്ക്യ പ്‌ഡിത്താദ്. അയി സാമി ഏസ്സ് ക്‌റ്‌സ്‌ത്ത്‌ന ബെത്ത് തനാക്ക് മെച്ച്‌പ്‌ഡിത്താദ്‌ന നിമ്മ് മനേസ്സ്‌കുള്ളുക്കു ഗേഡൊ എന്റ്‌മ് നാന് പരേസ്‌ന്റെ. അയാള്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.
ကြော်ငြာတွေ