റോമഗാറാര് 4:3 - സാമി സേദി

³ എന്ത്‌ക്കെന്റ് സൊന്ന, സാമി ബൊക്കുലു <<അവുറഗാമ് സാമിന നമ്പ്‌നാന്. അദ്‌നാലെ അയാള്‌ന നേര്‌മെഗാറാനായി സാമി കണാക്കാക്ക്‌നാന്>> എന്റ്‌ത്തെ എ്ള്‌ദിര്‌ക്ക്‌ന്റ്.

റോമഗാറാര് 4:3 ပူးပေါင်းရင်းမြစ်များ

മത്തായി 20:9

അത്തെ അയിദ് മണിക്ക് ബന്തവാര് പോയി ഒന്റൊന്റു ബെ്ള്ളി പണ ബാങ്ക്‌നാര്.

മര്‌ക്കോസു 12:10

<ബീ്ഡ് ഗിലാസ ഗേന്റവാര് മോസ എന്റ് തെ്റിന്ത് തള്ള്‌ന കല്ല്‌ത്തെ ബീ്ഡ് എ്ഡ്‌ക്കാട്ടി എല്ലാ കല്ല്‌ഗാള്‌ന ബ്‌ഡ മുക്ക്യമാന കല്ല് ആയി തള്ള്‌ട്ട്.

റോമഗാറാര് 10:11

<<അയാള്‌ന നമ്പ്‌ന്റവാന് ആര്‌മ് നാണഗെ്ട്ട് പോഗമാട്ടാര്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

റോമഗാറാര് 11:2

സാമി മുന്നുക്കെ തെരിന്തിന്ത തന്ന് ജനഗാള്‌ന തെ്റ്യാലെ. സാമി സൊല്ലുസുലാക്കാത്ത്‌ല് ഏല്യാവുന പറ്റി സൊല്ലിര്‌ക്കുവാദ് എന്തെന്റ് നിമാക്ക് തെരിവാദില്ലേഗ? ഏല്യാവു ഇസ്‌റവേല്‌ഗാറാര്‌ക്ക് ബണങ്കാത്തവാനയി സാമിക്ക് സൊന്നാദ്:

റോമഗാറാര് 4:11

പരിസേദനെ സാത്ത്‌റ ഗേഗാത്ത മുദാല് അവുറഗാമ്‌ക്കിന്ത നമ്പിക്കെനാലെ സാമി അയാള്‌ന നേര്‌മെഗാറാന് മാഡ്‌നാദ്‌ക്ക് ബെത്ത മുദ്ദുറെത്തെ പരിസേദനെ സാത്ത്‌റ എന്നുവ അഡ്യാള. അത്തെ പരിസേദനെ സാത്ത്‌റ ഗേഗാദെ നമ്പിക്കെനാലെ സാമി നേര്‌മെഗാറാര് മാഡ്‌ന്റവാര്‌ക്ക് അവുറഗാമ് പാട്ടാനാനാന്.

റോമഗാറാര് 4:5

ആന താന് നേര്‌മെഗാറാനായ ബേ്ണ്ടി ഒരുത്താന് ഒന്റു കാര്യാമ് ഗേവാദില്ലെ. ആന അയാള് പാവ ഗേന്റവാര്‌ന നേര്‌മെഗാറാന് മാഡുവ സാമിന നമ്പ്‌ന്റാന്. അത്തെ അയാള് നമ്പ്‌നാദ്‌നാലെ അയി നമ്പിക്കേന ബെത്ത് സാമി അയാള്‌ന നേര്‌മെഗാറാന് മാഡ്‌ന്റാന്.

റോമഗാറാര് 4:9

ഇത്തെ കെ്ഡേക്കുവ ബാഗ്യന പറ്റി സൊല്ലുവ ഈ നായ പരിസേദനെ സാത്ത്‌റ ഗേന്ത എഗുദാര്‌ക്ക് താനെത്തേഗ? ഇല്ലെ, എഗുദാരല്ലാത്ത ജാദിഗാള്‌ക്ക്‌മ് ഗുഡിത്തേഗ? അവുറഗാമ് സാമിന നമ്പ്‌നാന് അദ്‌നാലെ സാമി അയാള്‌ന നേര്‌മെഗാറാനായി കണാക്കാക്ക്‌നാന് എന്റല്ല നമ്മ സൊല്ലി ബന്താദ്.

റോമഗാറാര് 9:17

<<എന്ന് സക്‌തിന നിനാക്ക് കാട്ട്യ ബേ്ണ്ടിമ് ബൂമിലൊട്ടുക്കു എന്ന് പേര്‌ന തെര്യബേ്ണ്ടിമ്‌ത്തെ നിനാന നാന് രാജാവു മാഡ്‌നാദ്>> എന്റ് സാമി സൊല്ലുസുലാക്കാത്ത്‌ല് മിസ്‌റേമ് രാജാവുക്കു സാമി സൊന്റാന്.

ആക്കോവു 2:23

<<അവുറഗാമ് സാമിന നമ്പ്‌നാന്. അദ്‌നാലെ അയാള്‌ന നേര്‌മെഗാറാനായി സാമി കണാക്കാക്ക്‌നാന്>> എന്റ് സാമി ബൊക്കുലു എ്ള്‌ദിന്താദ് അദേപാസെ താനെ നഡാന്ത്‌ദ്. അയാള് സാമിക്ക് എ്ണേവുഗാറാനെന്റ് പേര് കെ്ഡേത്താദ്‌മ് അത്തേത്തെ.

ആക്കോവു 4:5

അല്ല പോന നിമ്മ സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ് ബെ്റ്‌ദേത്തെന്റ് നെനേക്ക്‌ന്റ്‌റ? അദ് ഇത്തേത്തെ: <<സാമി നമാക്ക് തന്ന് നിഗാല്‌ന തന്ത്‌റ്‌ക്ക്‌ന്റാന്. അയി നിഗാല് നമ്മ സാമിന ബ്‌ട്ട് പ്‌റ്‌ന്ത് പോഗാഗേ ബേ്ഡ എന്റ് ആസെപഡ്‌ന്റ്.>>