റോമഗാറാര് 4:16 - സാമി സേദി

¹⁶ അദ്‌നാലെ സാമി കൊഡുക്കുവെ എന്റ് സൊല്ലിന്താദ്‌ന കൊഡുക്കുവാദ് നമ്പിക്കെനാലേത്തെ. അദ്‌ന ബെ്റ്‌ദേത്തെ സാമി കൊഡുക്കുവാദ്. മോസെ ബെത്ത സാമി സട്ടപഡി നഡാക്കുവ അവുറഗാമ് കാല്‌കെ്ളേക്ക് താന്യല്ല, അവുറഗാമ്‌ക്കിന്ത അദേ നമ്പിക്കോഡ പെ്ളേക്കുവ കാല്‌കെ്ളെഗാള്‌ക്ക് ഗുഡിത്തെ അദ് ഒറേപ്പ് മാഡിര്‌ക്കുവാദ്. എന്ത്‌ക്കെന്റ് സൊന്ന അവുറഗാമ് എല്ലാവാര്‌ക്ക്‌മ് പാട്ടാന് ആയിര്‌ക്ക്‌ന്റാനല്ല?

റോമഗാറാര് 4:16 ပူးပေါင်းရင်းမြစ်များ

ലൂക്കോസു 19:9

അദുക്കുള ഏസ്സ്: <<ഇവാന്‌മ് അവുറഗാമ് കാല്‌കെ്ളേക്ക് പട്ടാദ്‌നാലെ ഇന്റ് ഈ ബീ്ഡ്‌ലവാര് തപ്പിസി കഡാന്ത്‌റ്‌ന്റാര്.

റോമഗാറാര് 15:8

ക്‌റ്‌സ്‌ത്ത് എഗുദാര് ജാദിഗാള്‌ക്ക് ഗിലാസഗാറാന് ആയി ബന്താദ് അവാര് പാട്ടനാമ്‌ക്ക് സാമി താന് കൊഡുത്ത ബാക്ക്‌ന തവാറ്‌സത്തവാന് എന്റ്‌മ് അയി ബാക്ക് സത്ത്യ എന്റ് കാട്ട്യ ബേ്ണ്ടിമ്‌ത്തെ എന്നുവാദ്‌ന മറാക്കദേന്.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

റോമഗാറാര് 3:30

സാമി ഒരുത്താന്‌ത്തെ. അദ്‌നാലെ എഗുദാരാഡൊ എഗുദാരല്ലാത്തവാരാഡൊ അവാര് ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി അവാര്‌ന നേര്‌മെഗാറാര് മാഡുവാദ്.

റോമഗാറാര് 4:11

പരിസേദനെ സാത്ത്‌റ ഗേഗാത്ത മുദാല് അവുറഗാമ്‌ക്കിന്ത നമ്പിക്കെനാലെ സാമി അയാള്‌ന നേര്‌മെഗാറാന് മാഡ്‌നാദ്‌ക്ക് ബെത്ത മുദ്ദുറെത്തെ പരിസേദനെ സാത്ത്‌റ എന്നുവ അഡ്യാള. അത്തെ പരിസേദനെ സാത്ത്‌റ ഗേഗാദെ നമ്പിക്കെനാലെ സാമി നേര്‌മെഗാറാര് മാഡ്‌ന്റവാര്‌ക്ക് അവുറഗാമ് പാട്ടാനാനാന്.

റോമഗാറാര് 5:1

ഏസ്സ് ക്‌റ്‌സ്‌ത്ത്‌ന നമ്പ്‌നാദ്‌നാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്തെ നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് ഗേന്ത കാര്യനാലെ സാമിമ് നമ്മാമ് രാജി കൂഡിര്‌ന്റാമ്.

റോമഗാറാര് 9:8

അദുക്കുള്ള അര്‌ത്ത എന്തെന്റ് സൊന്ന, അവുറഗാമ് ആസെപഡി പ്‌റാന്തവാരല്ല സാമിപ്‌ള്ളെഗാള്, സാമി ബാക്ക് കൊഡുത്ത പഡി പ്‌റാന്ത പ്‌ള്ളെഗാള്‌നത്തെ കാല്‌കെ്ളെ എന്റ് കണാക്ക് മാഡുവാദ്.

ഗലാത്ത്യഗാറാര് 3:14

സാമി അവുറഗാമ്‌ക്ക് കൊഡുത്ത ബാക്ക്‌വരഗാള്‌ന ക്‌റ്‌സ്‌ത്ത് ഏസ്സ്‌നാലെ എല്ലാ ജാദിഗാള്‌ക്ക് കെ്ഡേക്ക്യ ബേ്ണ്ടിമ് സാമി കൊഡുക്കുന്റെ എന്റ് സൊല്ലിന്ത തന്ന് നിഗാല്‌ന നമ്മ നമ്പുവാദ്‌നാലെ കെ്ഡേസ്‌നവാരായ ബേ്ണ്ടിമ്‌ത്തെ ക്‌റ്‌സ്‌ത്ത് ഇത്തെ ഗേന്താദ്.

ഗലാത്ത്യഗാറാര് 3:16

സാമി അവുറഗാമ്‌ക്ക്‌മ് അയാള് കാല്‌ക്ക് പട്ടവാന്‌ക്ക്‌മ് ബാക്ക് കൊഡുത്താന്. മൊത്തന ആള്‌ഗാള് എന്റ് അര്‌ത്ത ബരുവ കാല്‌ക്ക് പട്ടവാര് എന്റല്ല, ഒന്റേ ഒരുത്താന് എന്റ് അര്‌ത്ത ബരുവ <<കാല്‌ക്ക് പട്ടവാന്>> എന്റ്‌ത്തെ സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവാദ്. അദ് ക്‌റ്‌സ്‌ത്ത്‌ത്തെ.

ഗലാത്ത്യഗാറാര് 3:22

ആന ഉലഗാത്ത്‌ലിര്‌ക്കുവ ആള്‌ഗാളൊട്ടുക്കു പാവാക്ക് സിക്കിര്‌ന്റാര് എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്. അദ്‌നാലെ നമ്പ്‌ന്റവാര്‌ക്ക് ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ സാമി തന്റെന്റ് ബാക്ക് കൊഡുത്ത തന്ന് നിഗാല് കെ്ഡേക്ക്‌ന്റ്.

എപസോസുഗാറാര് 2:8

സാമി നിമ്മോഡ ബെത്തിന്ത മൊനേലിന്ത് നിമാന കാപാറ്റ്‌നാദ് നിമ്മ നല്ല കാര്യഗാള് ഗേന്താദ്‌നാലെ അല്ല. അദ്‌ക്ക് ബദ്‌ല നിമ്മ ഏസ്സ്‌ന നമ്പി പെ്ളേക്ക്യ നെനേക്കാട്ടി സാമി നിമാക്ക് പ്‌ണ്ണ്യ ഗേന്താദ്‌നാലെത്തെ സാമി നിമാന കാപാറ്റ്‌നാദ്. അദ്‌നാലെ നിമ്മ ഇന്നാല് പെ്ളേക്കുവ പുദ്യ പെ്ളേപ്പ് സാമി നിമാക്ക് തന്ത്‌റ്‌ക്കുവ സമ്മാനത്തെ.

തീത്തോസു 3:7

ഇത്തെ ബേ്റ്‌വായിവെന്ത് സാമി നമാന തന്നോഡൊപ്പ നേര്‌മെഗാറാന് മാഡിബെത്താന്. അദ്‌താനേമല്ല നമ്മ നെഞ്ചഡെബെത്ത് കാത്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ഉരിമെഗാറാര്‌മ് മാഡ്‌നാന്.

2 പത്ത്‌റോസു 1:10

അദ്‌നാലെ ഏസ്സ്‌ഗാറാരെ, നിമ്മ സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് എന്റ് ഒറേപ്പ് മാഡ്യ ബേ്ണ്ടി മ്‌ഗ്‌ന്ത ഓരട്ട ഓരാഡ്‌ന്. അത്തെ ഗേന്തദാന നിമ്മ എന്നാല്‌ക്ക്‌മ് നമ്പിക്കേലിന്ത് തപ്പിപോഗമാട്ട്‌റ്.