റോമഗാറാര് 3:31 - സാമി സേദി

³¹ അദ്‌നാലെ ഈ സൊല്ലുവ നമ്പിക്കേന ബെത്ത് നമ്മ മോസെ ബെത്ത സാമിസട്ടന ബെലെ ഇല്ലത്താദ് മാഡ്‌ന്റാമ? ഇല്ലെഗേ ഇല്ലെ. ഈ നമ്പിക്കെനാലെ നമ്മ അയി സട്ടന ഒറേപ്പുള്ളാദ്‌ത്തെ മാഡ്‌ന്റാമ്.

റോമഗാറാര് 3:31 ပူးပေါင်းရင်းမြစ်များ

മത്തായി 15:6

അയാള് അപ്പാന്‌ന മദ്‌സ് ബേ്ഡ എന്റ് സൊല്ലുന്റുറു. ഇത്തെ നിമ്മ് സട്ട്‌മെ്ട്ട്‌പഡി നഡാക്ക്യ ബേ്ണ്ടി സാമി ബെത്ത സട്ടന ബെലെ ഇല്ലത്താദ് മാഡ്‌ന്റ്‌റ്.

മത്തായി 3:15

ആന ഏസ്സ് അയാള്‌ക്ക്: <<ഇന്നാല് ഇത്തേത്തെ ഗേഡൊ. നമ്മ ഗേഡൊ എന്റ് സാമി ആസെപഡുവാദെല്ല നഡാക്ക്യ ബേ്ണ്ടി ഇത്തെ ഗേവാദ്‌ത്തെ നല്ലാദ്>> എന്റ് സൊന്നാന്. അദുക്കുള ഓഗന്നാന് ഏസ്സ് സൊന്ന പാസെ ഗേന്താന്.

മത്തായി 5:17

<<മോസെ ബെത്ത സട്ടനാഗൊ സാമിദാസ്‌ഗാള് സൊന്ന നായഗാള്‌നാഗൊ ഇല്ലാദെ മാഡ്യ നാന് ബന്തേനെന്റ് നിമ്മ നെനേക്കാദേന്. ഇല്ലാദെ മാഡ്യല്ല, അദ്‌ല് സൊല്ലിര്‌ക്കുവാദ്‌ന പാസെ ഗേന്ത് മുഡിക്ക്യ ബേ്ണ്ടിത്തെ നാന് ബന്ത്‌റ്‌ക്കുവാദ്.

മത്തായി 5:20

സാമി ഗേയ സൊല്ലിര്‌ക്കുവ കാര്യഗാള്‌ന ഗേവാദ്‌ല് പരിസാര്‌ഗാള്‌ക്ക്‌മ് ബേദബാത്ത്യനാമ്‌ഗാള്‌ക്ക്‌മ് ബ്‌ഡ നിമ്മ നമ്പ്യ മുഡിന്റവാരാഗാദെ പോന സാമി ആളുവ കാലാക്ക് എജ്ജാഗേ മാട്ട്‌റ് എന്റ് നാന് നിമാക്ക് സൊന്റെ.>>

ലൂക്കോസു 20:16

അയാള് പോയി അയി ഗുത്തഗെഗാറാര്‌ന കൊന്റു തള്ളി മുന്തിരി ദോട്ടന ബേ്റെ ആള്‌ഗാള്‌ക്ക് കൊഡുക്കുവാന്.>> ഈ കദെന കേ്ട്ട് ആള്‌ഗാള്: <<ഇത്തെ നഡാക്കാദിര്‌ക്കുഡൊ>> എന്റ് സൊന്നാര്.

റോമഗാറാര് 10:4

എന്ത്‌ക്കെന്റ് സൊന്ന, ക്‌റ്‌സ്‌ത്ത് ബന്താദ്‌നാലെ മോസെ ബെത്ത സാമി സട്ടപഡിക്കല്ല സാമി ഒന്റു മന്‌സാന്‌ന നേര്‌മെഗാറാര് മാഡുവാദ്. ക്‌റ്‌സ്‌ത്ത്‌ന നമ്പുവ ഏവാന്‌നാമ് സാമി നേര്‌മെഗാറാര് മാഡുവാന്.

റോമഗാറാര് 2:20

ബുദ്ദില്ലത്തവാര്‌ക്ക് ബുദ്ദി സൊല്ലി കൊഡുക്കുന്റവാന് എന്റ്‌മ് അറുവില്ലത്തവാര്‌ന പഡ്‌സ്‌ന്റവാനെന്റ്‌മ് ഒറേപ്പോഡ നെനേക്ക്‌ന്റവാനെ,

റോമഗാറാര് 3:4

ഇല്ലെഗേ ഇല്ലെ. എല്ലാ മന്‌സാര്‌ഗാള്‌മ് ഉറുട്ടു സൊന്റവാര് ആനാല്‌മ് സാമി സത്ത്യമുള്ളവാന്‌ത്തെ. <<നീ സൊല്ലുവ നായാത്ത്‌ല് താനെ നീ നേര്‌മെഗാറാന് എന്റ് കാട്ടുവായി, ആര്‌മ് നിന്നോഡ ബാദിത്ത് ഗെലിസി കഡാക്കമാട്ടാര്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്കുവ പാസെ സാമി സത്ത്യഗാറാന്‌ത്തെ.

റോമഗാറാര് 3:6

ഇല്ലെഗേ ഇല്ലെ, സാമി നീദില്ലത്തവാനാന സാമിക്ക് ഉലഗാന എത്തെ ബിദിക്ക്യ മുഡിമ്?

റോമഗാറാര് 4:14

മോസെ ബെത്ത സാമി സട്ടപഡി പെ്ളേക്ക്‌ന്റവാര്‌ത്തെ ഉലഗാക്ക് ഉരിമെഗാറാര് ആവദാന നമ്പിക്കെ ഉവഗര ഇല്ലത്താദ്‌മ് ബാക്ക് കൊഡുത്താദ് ബെലെ ഇല്ലത്താദ്‌മ് ആന്റ്.

റോമഗാറാര് 7:22

എന്ന് മനേസ്സ്‌ല് നാന് സാമിസട്ടന പിര്യപൊങ്കുന്റെ.

റോമഗാറാര് 7:25

ഇത്തെ നാന് എന്ന് മനേസ്സ്‌ല് സാമി തന്ത സട്ട നല്ലാദെന്റ് കണാക്ക് മാഡി നഡാക്ക്‌ന്റെ. ആന സരിഗലാത്ത്‌ല് നാന് പാവ ഗേവ സട്ടപഡി നഡാക്ക്‌ന്റെ. ആന നമ്മ് ആണ്ടവാന് ഏസ്സ് ക്‌റ്‌സ്‌ത്ത്‌നാലെ നാന് സാമിക്ക് നണ്ണി സൊന്റെ.

റോമഗാറാര് 8:4

അത്തെ നമ്മോഡിര്‌ക്കുവ പാവ പളാക്കാക്ക് കെ്ട്ട്‌പട്ട് നഡാക്കാദെ സാമിനിഗാല്‌ക്ക് കെ്ട്ട്‌പട്ട് നഡാക്കുവ നമാക്ക് സാമി സട്ടാത്ത്‌ല് സൊല്ലിര്‌ക്കുവ നേര്‌മെ ഉള്ള കാര്യഗാള്‌ന ഗേയ മുഡിമ്.

1 കൊരിന്ത്യഗാറാര് 9:21

അദേപാസെ സാമിസട്ട കെ്ഡേക്കാത്ത ജാദിഗാള്‌ന ക്‌റ്‌സ്‌ത്ത്‌ക്ക് കെ്ഡേസ്യ ബേ്ണ്ടി അവാര് പട്ട്‌ല് സാമിസട്ട കെ്ഡേക്കാത്തവാന്‌ന പാസെ പെ്ളേത്തെ. ഇദ്‌ക്ക് അര്‌ത്ത നാന് സാമി സട്ടപഡി നഡാക്കാത്തവാന് എന്റല്ല, നേര്‌മായിമ് നാന് ക്‌റ്‌സ്‌ത്ത് സട്ടപഡി പെ്ളേക്ക്‌ന്റവാന്‌ത്തെ.

ഗലാത്ത്യഗാറാര് 2:19

ക്‌റ്‌സ്‌ത്തോഡൊപ്പ നാന് കുരുസുലു സത്തവാനായി എനാന കണാക്ക് മാഡ്‌ന്റെ. അദ്‌നാലെ മോസെ ബെത്ത സാമി സട്ടപഡി സാവാദ്‌ക്കുള്ള ദെ്ണ്ടണെ കെ്ഡേത്ത്‌ദെന്റ്‌മ് നാന് ഇന്നി ഈ സട്ടാക്ക് അഡിമ്യല്ല എന്റ്‌മ് എനാക്ക് തെരിന്റ്. അത്തെ എനാക്കിന്നി സാമി ആസെപഡി പെ്ളേക്ക്യ മുഡിമ്.

ഗലാത്ത്യഗാറാര് 2:21

നമാന നേര്‌മെഗാറാര് മാഡ്യ ബേ്ണ്ടി സാമി പട്ട ഗവാന നാന് ബേ്ഡ എന്റ് തള്ളാഗേ മാട്ടെ. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ഒരുത്താന്‌ന നേര്‌മെഗാറാനായി തങ്കാരിക്കുവദാന ക്‌റ്‌സ്‌ത്ത് സത്താദ് ബെ്റ്‌ദ്യാന്റല്ല.>>