റോമഗാറാര് 3:29 - സാമി സേദി

²⁹ അല്ല, ഈ സാമി എഗുദാര്‌ക്ക് താനെത്തെ സാമ്യ? എഗുദാരല്ലാത്ത ജാദിഗാള്‌ക്ക്‌മ് സാമ്യല്ലാഗ? സെരിത്തെ, എഗുദാര് അല്ലത്തവാര്‌ത്ത്‌മ് സാമിത്തെ.

റോമഗാറാര് 3:29 ပူးပေါင်းရင်းမြစ်များ

കൊലേസ്യഗാറാര് 3:11

അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.

ഗലാത്ത്യഗാറാര് 3:14

സാമി അവുറഗാമ്‌ക്ക് കൊഡുത്ത ബാക്ക്‌വരഗാള്‌ന ക്‌റ്‌സ്‌ത്ത് ഏസ്സ്‌നാലെ എല്ലാ ജാദിഗാള്‌ക്ക് കെ്ഡേക്ക്യ ബേ്ണ്ടിമ് സാമി കൊഡുക്കുന്റെ എന്റ് സൊല്ലിന്ത തന്ന് നിഗാല്‌ന നമ്മ നമ്പുവാദ്‌നാലെ കെ്ഡേസ്‌നവാരായ ബേ്ണ്ടിമ്‌ത്തെ ക്‌റ്‌സ്‌ത്ത് ഇത്തെ ഗേന്താദ്.

റോമഗാറാര് 15:16

അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.

റോമഗാറാര് 10:12

ഈ കാര്യാത്ത്‌ല് എഗുദാരെന്റൊ എഗുദാര് അല്ലാത്ത ജാദിഗാളെന്റൊ ബിത്ത്യാസില്ലെ, എല്ലാവാര്‌ക്ക്‌മ് ആണ്ടവാന് ഒരുത്താന്‌ത്തെ. തനാന ബേ്ണ്ട്‌വ ഏവാന്‌ക്ക്‌മ് കൊഡുക്ക്യ ആണ്ടവാനായിര്‌ക്കുവ സാമി സമ്പോത്ത ബെത്ത്‌റ്‌ന്റവാന്‌ത്തെ.

റോമഗാറാര് 1:16

നല്ല സേദിന പറ്റി നാന് നാണപഡുവാദില്ലെ, പെരിമെത്തെ പഡ്‌ന്റെ. എന്ത്‌ക്കെന്റ് സൊന്ന നല്ല സേദിന നമ്പുവ ഏവാര്‌ക്ക്‌മ് ആദ്യ എഗുദാര്‌ക്ക് പ്‌റ എഗുദാര് അല്ലാത്ത ജാദിഗാള്‌ക്ക്‌മ് തപ്പിസി കഡാക്കുവാദ്‌ക്കുള്ള സാമി സക്‌തി അദ്‌ലിര്‌ക്ക്‌ന്റ്.

അപ്പോസുത്തലാര് 26:17

എഗുദാര് പട്ട്‌ക്ക്‌മ് എഗുദാരല്ലാത്ത ജാദിഗാള് പട്ട്‌ക്ക്‌മ് നാന് നിനാന സൊല്ലി ബ്‌ഡ്‌ന്റെ. അവാര് കയിലിന്ത് നാന് നിനാന കാപാറ്റുവെ.

അപ്പോസുത്തലാര് 22:21

ആന ആണ്ടവാന് എനാക്ക്: <പൊ! നാന് നിനാന ദൂരാത്ത്‌ല് ഇര്‌ക്കുവ എഗുദാരല്ലാത്ത ജാദിഗാള് പട്ട്‌ക്ക് സൊല്ലി ബ്‌ഡ്‌വെ> എന്റ് സൊന്നാന്.>>

അപ്പോസുത്തലാര് 9:15

ആണ്ടവാന് അനനാസ്‌ക്ക് ഇത്തെ സൊന്നാന്. <<എന്റാല്‌മ് നീ പോഡൊ, സവുലുന നാന് എനാക്ക് ബേ്ണ്ടി ഗിലാസ ഗേയ തെരിന്തെ്ഡ്‌ത്ത്‌റ്‌ന്റേന്. നാന് ആര് എന്റ് രാജാവുഗാള്‌ക്ക്‌മ്, ബേ്റെ ജാദിഗാള്‌ക്ക്‌മ്, ഇസ്‌റവേല്‌ഗാറാര്‌ക്ക്‌മ് അയാള് സൊല്ലുവാന്.

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

മത്തായി 22:32

<നാന് അവുറഗാമ്‌ത്ത്‌മ് ഇസഗാക്ക്‌ത്ത്‌മ് ആക്കോവുത്തുമു സാമിത്തെ> എന്റ് സാമി സൊല്ലിര്‌ക്ക്‌ന്റാന്. ഈ മൂറു പാട്ടനാമ് സത്തിന്താല്‌മ് അവാര് സാമിക്ക് ഉജുരോഡാത്തെ ഇര്‌ക്ക്‌ന്റാര്. ആന സാമി സത്തവാര് സാമ്യല്ല, ഉജുരു ഇര്‌ക്ക്‌ന്റവാര് സാമിത്തെ>> എന്റ് സൊന്നാന്.

അപ്പോസുത്തലാര് 10:34

പത്ത്‌റോസു നായ സൊല്ല്യ പ്‌ഡിത്താന്: <<സാമിക്ക് ആള്‌ഗാള് ഒട്ടുക്കു ഒന്റേ പാസെത്തെ എന്റ് എനാക്ക് തെരിന്ത്‌ദ്.