റോമഗാറാര് 3:27 - സാമി സേദി27 അദ്‌നാലെ നമാക്ക് പെരിമെപഡ്യ എന്തൊന്റു കാര്യ ഇര്‌ക്ക്‌ന്റ? ഇല്ലെഗേ ഇല്ലെ. എന്ത്‌നാലെ? മോസെ ബെത്ത സാമി സട്ടപഡി നഡാന്താദ്‌നാലേഗ? അല്ല, നമ്മ നമ്പുവ നമ്പിക്കെനാലേത്തെ. အခန်းကိုကြည့်ပါ။ |
റോമഗാറാര് 3:27
26 ပူးပေါင်းရင်းမြစ်များ
മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള് അയി സട്ട കെ്ഡേത്തവാര് അദ്‌ക്ക് കെ്ട്ട്‌പട്ട് നഡാക്ക്യ ബേ്ണ്ടിത്തെ. ആന അവാര്‌മ് അയി സട്ടപഡി നഡാക്കുവാദില്ലെ എന്റ് കാട്ട്‌ന്റ്. അത്തെ ഒന്റാള്‌ക്ക്‌മ് നാന് തപ്പ് ഗേഗാലെ എന്റ് സൊല്ല്യ മുഡ്യാമാട്ട. അത്തെ ലോഗാത്ത്‌ല എല്ലാ മന്‌സാര്‌ഗാള്‌മ് സാമി കണ്ണ്‌ക്ക് ദെ്ണ്ടണെ കെ്ഡേക്ക്യ തഗ്‌ദ്യുള്ളവാര്‌ത്തെ.
ആന മക്കാള് പ്‌റാക്കാത്ത മുന്നുക്കു താനെ, അവാര് നല്ലാദൊ കെ്ട്ടാദൊ ഗേഗാത്ത മുന്നുക്കു താനെത്തെ <<ദൊഡ്ഡ മഗാന് സ്‌ന്ന മഗാന്‌ക്ക് ഗിലാസഗാറാനായി പെ്ളേക്കുവാന്>> എന്റ് സാമി റിവേക്കാക്ക് സൊന്നാന്. ഇദ് അര്‌ത്ത മാഡുവാദ് എന്തെന്റ് സൊന്ന, സാമി ഒരുത്താന്‌ന തെരിന്തെ്ഡ്‌ക്കുവാദ് അയാള് ഗേവ കാര്യന നോഡ്യല്ല, ആന ബ്‌ളിക്കുവ സാമി ആസെ പഡിത്തെ തെരിന്തെ്ഡ്‌ക്കുവാദ്.
മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.
ကြော်ငြာတွေ