റോമഗാറാര് 3:20 - സാമി സേദി

²⁰ അദ്‌നാലെ മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് സാമി കണ്ണ്‌ക്ക് നേര്‌മെഗാറാര് ആവാദില്ലെ. ആന പാവാന പറ്റ്യുള്ള അറുവു കെ്ഡേക്ക്‌ന്റ്.

റോമഗാറാര് 3:20 ပူးပေါင်းရင်းမြစ်များ

റോമഗാറാര് 2:13

എന്ത്‌ക്കെന്റ് സൊന്ന മോസെ ബെത്ത സാമിസട്ടന കേ്ള്‌ക്ക്‌ന്റവാരല്ല സാമി കണ്ണ്‌ക്ക് നേര്‌മെഗാറാര് ആവാദ്, മോസെ ബെത്ത സാമി സട്ടപഡി നഡാക്ക്‌ന്റവാര്‌ത്തെ സാമി കണ്ണ്‌ക്ക് നേര്‌മെഗാറാര് ആവാദ്.

റോമഗാറാര് 3:28

അത്തെ മോസെ ബെത്ത സാമി സട്ടപഡി നഡാക്കുവാദ്‌നാലെ അല്ല നമ്മ നമ്പുവ നമ്പിക്കെനാലേത്തെ സാമി നമാന നേര്‌മെഗാറാര് മാഡുവാദ് എന്റ് നമ്മ കണാക്ക് മാഡ്‌ന്റാമ്.

റോമഗാറാര് 4:13

അവുറഗാമ്‌മ് അയാള് കാല്‌കെ്ളേമ് ഈ ഉലഗാക്ക് ഉരിമെഗാറാര് ആവുറു എന്നുവ ബാക്ക് അവുറഗാമ്‌ക്ക് കെ്ഡേത്താദ് മോസെ ബെത്ത സാമിസട്ടനാലെ അല്ല, അയാള് സാമിന നമ്പി സാമി അയാള്‌ന നേര്‌മെഗാറാന് മാഡ്‌നാദ്‌നാലെത്തെ കെ്ഡേത്താദ്.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

റോമഗാറാര് 5:13

മോസെ ബെത്ത സാമിസട്ട കെ്ഡേക്കാത്ത മുദാല് താനെ ഉലഗാത്ത്‌ല മന്‌സാന് പാവ ഗേന്തിന്താന്. ആന അയി ഗളിഗെ മാട്ട്‌ക്ക് ഗേന്തിന്ത പാവാന കണാക്ക് ബെക്കാലെ. എന്ത്‌ക്കെന്റ് സൊന്ന അയി ഗളിഗേല് സട്ട ഇല്ലാദിന്ത്‌ദ്.

റോമഗാറാര് 5:20

മോസെ ബെത്ത സാമിസട്ട ബന്താദോഡത്തെ സാമി സട്ടപഡി നഡാക്കാദെ ഗേവ കാര്യഗാള്‌മ് പെര്‌ഗ്‌നാദ്. ആന പാവ ഗേവ കാര്യഗാള് പെരിഗി ഗുഡി സാമി മന്‌സാന്‌ക്ക് സേത്തി സേത്തി പ്‌ണ്ണ്യ ഗേന്താന്.

റോമഗാറാര് 7:11

എന്ത്‌ക്കെന്റ് സൊന്ന മോസെ ബെത്ത സാമിസട്ടന ബെത്ത് എന്ന് പെ്ളേപ്പ്‌ല പാവ എനാന സദിത്ത് സാവുക്കാള് മാഡ്‌റ്റ്.

റോമഗാറാര് 9:32

അദ് എന്ത്‌ക്കെന്റ് സൊന്ന, നമ്പുവ നമ്പിക്കേന ബെത്തല്ല, അവാര് ഗേവ കാര്യഗാള്‌ന ബെത്ത് നേര്‌മെഗാറാര് ആയ ഓരാഡ്‌നാര്. അദ്‌നാലെ അവാര് <<ബെജ്‌ക്കുവ കല്ല്‌ന>> മെ്ട്ടി ബെജിക്കി ബ്‌ന്താര്:

1 കൊരിന്ത്യഗാറാര് 15:56

പാവ ഗേവാദ്‌നാലെത്തെ നമാക്ക് സാവു ബരുവാദ്, മോസെ ബെത്ത സാമിസട്ട നമാക്ക് ഇര്‌ക്കുവാദ്‌നാലെത്തെ പാവ എന്തെന്റ് നമാക്ക് തെരിവാദ്.

ഗലാത്ത്യഗാറാര് 2:16

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.

ഗലാത്ത്യഗാറാര് 2:19

ക്‌റ്‌സ്‌ത്തോഡൊപ്പ നാന് കുരുസുലു സത്തവാനായി എനാന കണാക്ക് മാഡ്‌ന്റെ. അദ്‌നാലെ മോസെ ബെത്ത സാമി സട്ടപഡി സാവാദ്‌ക്കുള്ള ദെ്ണ്ടണെ കെ്ഡേത്ത്‌ദെന്റ്‌മ് നാന് ഇന്നി ഈ സട്ടാക്ക് അഡിമ്യല്ല എന്റ്‌മ് എനാക്ക് തെരിന്റ്. അത്തെ എനാക്കിന്നി സാമി ആസെപഡി പെ്ളേക്ക്യ മുഡിമ്.

ഗലാത്ത്യഗാറാര് 5:4

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേന്ത് സാമി തമാന നേര്‌മെഗാറാര് മാഡ്യ ബേ്ണ്ടി ആസെപഡുവ നിമ്മ ക്‌റ്‌സ്‌ത്തോഡിന്ത് ഒന്റേപെ്ട്ട് പ്‌റ്‌ന്ത്‌റ്‌ന്റ്‌റ്. സാമി നിമാക്ക് ഗേന്ത പ്‌ണ്ണ്യന നിമ്മ ബേ്ഡെന്റ്‌മ് ബെത്ത്‌റ്‌ന്റ്‌റ്.

എവുറായാര് 7:19

എന്ത്‌ക്കെന്റ് സൊന്ന സാമി ആസെപട്ടാദ്‌ന ഒട്ടുക്കു നഡാത്തി മുഡിക്ക്യ മോസെ ബെത്ത സാമി സട്ടാക്ക് മുഡ്യാലെ. ആന അദ്‌ന ബ്‌ഡ മ്‌ഗ്‌ന്ത നെഞ്ചഡെ ഇന്നാല് നമാക്ക് കെ്ഡേത്ത്‌റ്‌ക്ക്‌ന്റ്. അയി നെഞ്ചഡെനാലെ നമ്മ സാമി പട്ട്‌ക്ക് പോന്റാമ്.