റോമഗാറാര് 3:2 - സാമി സേദി2 ഇര്‌ക്ക്‌ന്റ്, എല്ലാ ദിന്‌സ്‌ല്‌മ് എഞ്ചോ ഉവഗരഗാള് ഇര്‌ക്ക്‌ന്റ്. അയി ഉവഗരഗാള്‌ല് ഒണ്ണാവാദ് കാര്യ എന്നുവാദ് സാമി സൊല്ലുസുലാക്കഗാള്‌ന അവാര് കയിക്ക് കൊഡുത്തിര്‌ക്കുവാദ്‌ത്തെ. အခန်းကိုကြည့်ပါ။ |
റോമഗാറാര് 3:2
29 ပူးပေါင်းရင်းမြစ်များ
നിമ്മ നമ്പിക്കേക്ക് ബന്ത് കാല എഞ്ച്‌ക്കൊ ആറ്റ്. ഇന്നാക്കെല്ലെ നിമ്മ പഡ്‌സ്‌ന്റവാര് ആയിന്ത്‌റ്‌ക്കുഡൊ. ആന ഇന്നാല്‌മ് നിമാക്ക് സാമി സൊല്ലുസുലാക്കാത്ത്‌ലിന്ത് മുദാല് പഡിത്ത കാര്യഗാള്‌ന താനെ ആരാറ്റ മറിസിമ് പഡിസി തരുവ തേവി ബന്ത്‌റ്‌ക്ക്‌ന്റ്. ദൊഡ്ഡവാര് തിന്നുവ തീന്യല്ല, പാല് കുഡിക്കുവ തേവിത്തെ നിമാക്ക് ബന്ത്‌റ്‌ക്ക്‌ന്റ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
അദുക്കുള നാന് അയാള്‌ന കുമ്മുഡ്യ അയാള് കാല്‌ക്ക് ബ്‌ന്തെ. ആന ദൂദാന് എനാക്ക് <<നീ അത്തെ ഗേഗാദെ, നിനാന പാസേമ് ഏസ്സ്‌ന പറ്റ്യുള്ള സത്ത്യന സൊല്ലുവ ബേ്റെ ഏസ്സ്‌ഗാറാര്‌ന പാസേമ് ഇര്‌ക്കുവ ഗിലാസഗാറാന്‌ത്തെ നാന്. സാമിന താനെത്തെ കുമ്മുഡുഡൊ. എന്ത്‌ക്കെന്റ് സൊന്ന ഏസ്സ്‌ന പറ്റ്യുള്ള സത്ത്യന ആള്‌ഗാള്‌ക്ക് സൊല്ല്യ ബെക്കുവാദ് സാമിനിഗാല്‌ത്തെ>> എന്റ് സൊന്നാന്.
ကြော်ငြာတွေ