റോമഗാറാര് 3:1 - സാമി സേദി

¹ ആന എഗുദാരല്ലാത്ത ജാദിഗാള്‌ന ബ്‌ഡ എഗുദാര്‌ക്ക് എന്ത് പെരിമെ? അല്ല, പരിസേദനെ സാത്ത്‌റ ഗേന്റവാരായി ഇര്‌ക്കുവാദ്‌നാലെ എന്തൊന്റു ഉവഗര ഇര്‌ക്ക്‌ന്റ?

റോമഗാറാര് 3:1 ပူးပေါင်းရင်းမြစ်များ

ഓഗന്നാന് 4:22

സമര്യഗാറാരാന നിമ്മ നിമാക്ക് തെര്യാത്താദ്‌ന കുമ്മുഡുന്റുറു. ആന എമാക്ക് തെരിവാദ്‌ന എമ്മ കുമ്മുഡുന്റേമ്. അദ് എന്ത്‌ക്കെന്റ് സൊന്ന എഗുദാര്‌ലിന്ത്‌ത്തെ മന്‌സാന്‌ന കാപാറ്റ്‌ന്റവാന് ബരുവാദ്.

റോമഗാറാര് 3:2

ഇര്‌ക്ക്‌ന്റ്, എല്ലാ ദിന്‌സ്‌ല്‌മ് എഞ്ചോ ഉവഗരഗാള് ഇര്‌ക്ക്‌ന്റ്. അയി ഉവഗരഗാള്‌ല് ഒണ്ണാവാദ് കാര്യ എന്നുവാദ് സാമി സൊല്ലുസുലാക്കഗാള്‌ന അവാര് കയിക്ക് കൊഡുത്തിര്‌ക്കുവാദ്‌ത്തെ.

റോമഗാറാര് 3:9

അദ്‌നാലെ എന്ത്? എഗുദാര് ജാദിക്ക് പട്ട നമ്മ എഗുദാരല്ലാത്ത ജാദിഗാള്‌ന ബ്‌ഡ ഉജാന്തവാര? ഇല്ലെഗേ ഇല്ലെ, എഗുദാര് ജാദിക്ക് പട്ടവാര്‌മ് എഗുദാര് അല്ലാത്ത ജാദിഗാള്‌മ് ഒന്റേ ഒപ്പ പാവാക്ക് അഡിമെഗാള്‌ത്തെ എന്റ് നമ്മ മുദാല് താനെ കാട്ട്‌നാമല്ല.

1 കൊരിന്ത്യഗാറാര് 15:32

നാന് എപസോസുലു ബെത്ത് ബേ്ണ്ട്‌ഗാളോഡ ജുദ്ദ ഗേവ പാസെ അത്ത്‌റ പാഡ്‌പട്ടാദ് എന്ന് സൊന്ത കാര്യാക്ക് ബേ്ണ്ടി ആയിന്തദാന അദ്‌നാലെ എനാക്ക് എന്ത് ഉവഗരാറ്റ്? സത്തവാര് ഉജുര്‌ളാഗാദെ പോന <<തിന്ന്‌ന്, കുഡിന്, എന്ത്‌ക്കെന്റ് സൊന്ന നാളേക്ക് സാലാമല്ല>> എന്റ് മുന്തെലവാര് സൊല്ലുവ പാസെ പെ്ളേക്ക്‌ലാമല്ല.

എവുറായാര് 13:9

നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്.