റോമഗാറാര് 2:7 - സാമി സേദി

⁷ സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

റോമഗാറാര് 2:7 ပူးပေါင်းရင်းမြစ်များ

മത്തായി 25:46

അത്തെ ഇത്തവാള്‌ഗാള്‌ക്ക് തീരാത്ത ദെ്ണ്ടണെ കെ്ഡേക്ക്‌മ്. ആന നേര്‌മെഗാറാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ്‌മ് കെ്ഡേക്ക്‌മ്.>>

ലൂക്കോസു 21:19

എന്റാല്‌മ് ഇദ്‌നെല്ല താങ്കി നിന്റദാന നിമ്മ് ഉജുരുന കെ്ഡേസുവുറു.>>

ലൂക്കോസു 8:15

ആന നല്ല മണ്ണ്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന നല്ല മനേസ്സോഡ കേ്ട്ട് അദേപാസെ നഡാക്കുവാദ്‌ത്തെ. അത്തെ അവാര് പൊറിമോഡിന്ത് സാമി സൊല്ലുസുലാക്ക പഡി പെ്ളേക്ക്‌ന്റാര്.>>

ഓഗന്നാന് 4:36

ബിത്ത്‌ന്റവാന്‌മ് അറ്‌ക്ക്‌ന്റവാന്‌മ് ഒന്റേ ഒപ്പ പിര്യപഡ്യ ബേ്ണ്ടി അറ്‌ക്ക്‌ന്റവാന് കൊഡുക്കുവ കൂലിന കൊഡുത്തു അന്നാന എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ക്ക് ബേ്ണ്ടി സേത്തി ബെക്ക്‌ന്റാന്.

ഓഗന്നാന് 5:44

നിമാക്ക് താനെ ആങ്കീങ്ക് മദ്‌പ്പ് കെ്ഡേക്കുവാദ്‌ല് നിമ്മ പിര്യപഡ്‌ന്റ്‌റ്. ആന ഒന്റേ ഒന്റു സാമിലിന്ത് മദ്‌പ്പ് കെ്ഡേസ്യ നിമ്മ ഓരാഡുവാദില്ലെ. ഇത്തവാള്‌ഗാളെല്ല പിന്നെ എനാന എത്തെ നമ്പുവുറു?

റോമഗാറാര് 2:10

ആന നല്ല കാര്യ ഗേവ ഏദ് മന്‌സാന്‌ക്ക്‌മ് സാമി മാനാമ് മദ്‌പ്പ്‌മ് നിമ്മ്‌ദി കൊഡുക്കുവാന്. അയി കാര്യാത്ത്‌ല് ആദ്യ എഗുദാര് ജാദിക്ക് പട്ടവാര്‌ക്ക്‌മ് പ്‌റ എഗുദാര് അല്ലാത്ത ജാദിക്ക് പട്ടവാര്‌ക്ക്‌മ് കൊഡുക്കുവാന്.

റോമഗാറാര് 6:23

പാവ ഗേവാദ്‌ക്ക് കെ്ഡേക്കുവ കൂലി സാവുത്തെ, സാമി ഗേവ ദാന എന്നുവാദ് നമ്മ് ആണ്ടവാനാന ഏസ്സ് ക്‌റ്‌സ്‌ത്ത്‌ല് കെ്ഡേക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ത്തെ.

റോമഗാറാര് 8:18

നമാക്ക് തര്യ പോവ സാമി മദ്‌പ്പ്‌നാമ് പേര്‌പെരിമെനാമ് നെനേത്തദാന ഈ കാലാത്ത്‌ല കജട്ടഗാള് ദൊഡ്ഡ കജട്ടഗാളല്ല എന്റ് നാന് കണാക്ക് മാഡ്‌ന്റെ.

റോമഗാറാര് 9:23

അദ്‌താനേമല്ല, സാമി തന്ന് ദൊഡ്ഡ മദ്‌പ്പ്‌ന കാട്ടി കൊഡുക്ക്യ ബേ്ണ്ടി ആസെപട്ടാന്. തന്ന് ദൊഡ്ഡ മദ്‌പ്പ്‌ക്ക് പങ്ക്‌ഗാറാരായ ബേ്ണ്ടി മുന്നുക്കു താനെ തെരിന്തെ്ഡ്‌ത്തവാര്‌മ് താന് ഗവ പട്ടവാര്‌മാന നമാക്ക്‌ത്തെ സാമി അയി മദ്‌പ്പ്‌ന കാട്ട്‌നാദ്.

1 കൊരിന്ത്യഗാറാര് 15:42

അദ്‌നാലെ സത്തവാര് ഉജുര്‌ളാഗുവാദ്‌മ് ഇദേപാസെത്തെ ആയിര്‌ക്ക്‌മ്. അളിവ സരിഗലന മണ്ണ്‌ക്ക് പാത്ത്‌ന്റാമ്, അദ് അളിവില്ലാത്ത സരിഗലായി ഉജുര്‌ളാഗ്‌ന്റ്.

1 കൊരിന്ത്യഗാറാര് 15:50

ഏസ്സ്‌ഗാറാരെ, കറിസദേല്‌മ് സോരേല്‌മ് ഉണ്ടാക്കിര്‌ക്കുവ സരിഗലാക്ക് സാമി ആള്യ പോവ നാഡ്‌ല് പങ്ക് കെ്ഡേക്കമാട്ട. അളിവില്ലാത്ത പെ്ളേപ്പ്‌ന സൊന്ത മാഡ്യ ഈ അളിന്ത് പോവ സരിഗലാക്ക് മുഡ്യാമ്‌മാട്ട എന്റ് നാന് നിമാക്ക് സൊന്റെ.

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

ഗലാത്ത്യഗാറാര് 6:9

അദ്‌നാലെ നിമ്മ നല്ല കാര്യഗാള് ഗേവാദ്‌ല് സോറ്റു പോഗാദേന്. അത്തെ സോറ്റു പോഗാദിന്ത സാമി ബെത്ത്‌റ്‌ക്കുവ ഗളിഗേക്ക് അദുക്കുള്ള കൂലി നിമാക്ക് കെ്ഡേക്ക്‌മ്.

എപസോസുഗാറാര് 6:24

നമ്മ് ആണ്ടവാന് ഏസ്സ് ക്‌റ്‌സ്‌ത്തോഡ തീരാത്ത സീവാന്‌ബെത്ത് നഡാക്കുവ നിമാക്ക് സാമി പ്‌ണ്ണ്യ ഗേഡൊ.

കൊലേസ്യഗാറാര് 1:27

ഏസ്സ് ക്‌റ്‌സ്‌ത്ത്‌നാലെ സാമ്യോഡ എ്ണേവ ബാഗ്യ ഈ ഉലഗാത്ത്‌ലിര്‌ക്കുവ എല്ലാ ജാദിഗാള്‌ക്ക്‌മ് കെ്ഡേക്കുവ ഈ സേദി ഇന്നമാട്ട്‌ക്ക് തെര്യാദിന്ത്‌ദ്. ആന ഏസ്സ്‌ഗാറാര് കൂട്ടാക്ക് അദ്‌ന ഇന്നാല് സൊല്ലി കൊഡുക്ക്യ സാമി ആസെപട്ടാന്. അദ്‌നാലെ ഏസ്സ്‌ന നമ്പി സാമിക്ക് എ്ണേവാദ് നിമാക്ക് കെ്ഡേത്ത ദൊഡ്ഡ ബാഗ്യത്തെ.

1 തിമിത്തോസു 1:17

എല്ലാ കാലാക്ക് ആളുവ രാജാവുമു, എല്ലാ കാലാക്ക് അളിവില്ലാത്തവാന്‌മ്, ആര്‌ക്ക്‌മ് കാണ്യ മുഡ്യാത്തവാന്‌മ് ആയിര്‌ക്കുവ ഒന്റേ ഒന്റു സാമി എന്നാല്‌ക്ക്‌മ് ദൊഡ്ഡവാന്‌മ് പേര്‌പെരിമെ ഇര്‌ക്ക്‌ന്റവാന്‌മ് ആയിര്‌ക്കുഡൊ. ആമേന്.

2 തിമിത്തോസു 1:10

ആന ഇന്നാല് നമാന കാപാറ്റുവ ക്‌റ്‌സ്‌ത്ത് ഏസ്സ് ബന്ത് ഇദ്‌ന നമാക്ക് ബെ്ളിപഡിസി തന്ത്‌റ്‌ക്ക്‌ന്റാന്. അയാള് സാവുക്കു ആള്‌മാഡുവ അദിഗരാന ഇല്ലാദെ മാഡിമ് നല്ല സേദിനാലെ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന ബെ്ളിപഡിസിമ് തന്താന്.

എവുറായാര് 2:7

ലേസ കാല മാട്ട്‌ക്ക് ദൂദാര്‌ഗാള്‌ന ബ്‌ഡ താന്തവാനായി നീ അയാള്‌ന ഉണ്ടാക്കിര്‌ക്ക്‌ന്റായി. നീ അയാള്‌ക്ക് മാനനാമ് മദ്‌പ്പ്‌നാമ് ഗിര്യാഡായി കൊഡുത്ത്‌റ്‌ന്റായി.

എവുറായാര് 6:12

അത്തെ നിമ്മ കള്ള ബീ്ഗാത്തവാര് ആഗാദെ നമ്പിക്കെനാലേമ് പൊറിമെനാലേമ് സാമി തന്റെ എന്റ് സൊല്ലി ബാക്ക് തന്ത്‌റ്‌ക്കുവാദ്‌ന കെ്ഡേസ്‌ന്റവാര്‌ന പാസെ ആഡൊ എന്റ്‌ത്തെ എമ്മ് ആസെ.

എവുറായാര് 6:15

അത്തെ അവുറഗാമ് പൊറിമോഡ കാത്തിന്ത് സാമി ബാക്ക് കൊഡുത്താദ്‌ന കെ്ഡേസ്‌നാന്.

1 ഓഗന്നാന് 2:25

എന്ത്‌ക്കെന്റ് സൊന്ന ക്‌റ്‌സ്‌ത്ത്‌ന പാസെ എന്നാല്‌ക്ക്‌മ് ഇര്‌ക്കുവ പെ്ളേപ്പ് പെ്ളേക്കുവുറു എന്റ്‌ത്തെ സാമി നമാക്ക് ബാക്ക് തന്ത്‌റ്‌ക്കുവാദ്.