റോമഗാറാര് 2:25 - സാമി സേദി

²⁵ നീ മോസെ ബെത്ത സാമി സട്ടാക്ക് കെ്ട്ട്‌പട്ട് നഡാക്കുവദാന പരിസേദനെ സാത്ത്‌റ ഗേവാദ് നല്ലാദ്‌ത്തെ. ആന അയി സട്ടപഡി നഡാക്കാദെ പോന പരിസേദനെ സാത്ത്‌റ ഗേന്ത നീമ് സാമിന തെര്യാത്ത എഗുദാരല്ലാത്ത ജാദിഗാള്‌ന പാസെത്തെ.

റോമഗാറാര് 2:25 ပူးပေါင်းရင်းမြစ်များ

അപ്പോസുത്തലാര് 7:51

തെപാനോസു പിന്നേമ് ഇത്തെ സൊന്നാന്. <<നിമ്മ സില്ലറെ പ്‌ഡിവാദഗാറാരല്ല, നിമ്മ് മനേസ്സ് സാമി നെനേവു ഒന്റുമില്ലാദെ അപ്പാര കെ്ട്ട് തള്ളിര്‌ന്റ്‌, സാമി സേദി നിമ്മ് കാദ്‌ക്ക് ഏ്റ്‌വാദ്‌മ് ഇല്ലെ. നിമ്മ് പാട്ടനാമ്‌ന പാസെ നിമ്മാമ് എന്നാല്‌ക്ക്‌മ് സാമിനിഗാല് ഗേവാദ്‌ന ഗേയ ബ്‌ഡുവാദില്ലെ.

റോമഗാറാര് 2:13

എന്ത്‌ക്കെന്റ് സൊന്ന മോസെ ബെത്ത സാമിസട്ടന കേ്ള്‌ക്ക്‌ന്റവാരല്ല സാമി കണ്ണ്‌ക്ക് നേര്‌മെഗാറാര് ആവാദ്, മോസെ ബെത്ത സാമി സട്ടപഡി നഡാക്ക്‌ന്റവാര്‌ത്തെ സാമി കണ്ണ്‌ക്ക് നേര്‌മെഗാറാര് ആവാദ്.

റോമഗാറാര് 2:23

മോസെ ബെത്ത സാമി സട്ടാത്ത്‌ല് പെരിമെപഡ്‌വ നീ അയി സട്ടപഡി നഡാക്കാദെ സാമിന നാണഗെ്ഡ്‌സ്‌ന്റായ?

റോമഗാറാര് 2:26

പരിസേദനെ സാത്ത്‌റ ഗേഗാത്തവാന് സാമി സട്ടപഡി നഡാക്കുവദാന അയാള്‌ന പരിസേദനെ സാത്ത്‌റ ഗേന്തവാനായി കണാക്കാക്ക്യാമല്ല?

റോമഗാറാര് 2:27

പരിസേദനെ സാത്ത്‌റ ഗേഗാത്തവാന് സാമി സട്ടപഡി നഡാക്ക്‌ന്റാന്. ആന സാമിസട്ട പഡി കെ്ഡേസിര്‌ന്റവാന്‌മ് പരിസേദനെ സാത്ത്‌റ ഗേന്തിര്‌ന്റവാന്‌മ് ആന നീ സാമിസട്ട പഡി നഡാക്കുവാദില്ലെ. അത്ത്യാന പരിസേദനെ സാത്ത്‌റ ഗേഗാത്ത എഗുദനല്ലാത്ത അയാള് നിനാന കുറ്റ ബിദിക്കാദെ ഇര്‌ക്കുവാന?

റോമഗാറാര് 2:28

എന്ത്‌ക്കെന്റ് സൊന്ന, പ്‌റാവില് എഗുദാര് ജാദിക്ക് പട്ടവാനായി പ്‌റാക്ക്‌ന്റവാന് സത്ത്യാത്ത്‌ല് എഗുദാനല്ല. സരിഗലാത്ത്‌ലൊ ഉദ്ദാക്കൊ ഗേവാദ് പരിസേദനെ സാത്ത്‌റാമല്ല.

1 കൊരിന്ത്യഗാറാര് 7:19

ഒരുത്താന് പരിസേദനെ സാത്ത്‌റ ഗേന്താനൊ ഗേഗാദിന്താനൊ എന്നുവാദല്ല മുക്ക്യമാന കാര്യ, സാമി സട്ടപഡി നഡാക്കുവാദ്‌ത്തെ മുക്ക്യമാന കാര്യ.

ഗലാത്ത്യഗാറാര് 6:13

പരിസേദനെ സാത്ത്‌റ ഗേഡൊ എന്റ് പഡ്‌സ്‌ന്റവാര് താനെ മോസെ ബെത്ത സാമി സട്ടപഡി നഡാക്കുവാദ്‌മില്ലെ. നിമാന പരിസേദനെ സാത്ത്‌റ ഗേസുവാദ്‌ല് പെരിമെപഡ്യ ബേ്ണ്ടി നിമാന പരിസേദനെ സാത്ത്‌റ ഗേസുഡൊ എന്റ് ഇവാര് ആസെപഡ്‌ന്റാര്.

ഗലാത്ത്യഗാറാര് 6:15

ഒരുത്താന് പരിസേദനെ സാത്ത്‌റ ഗേവാദൊ ഗേഗാദിര്‌ക്കുവാദൊ അല്ല ദൊഡ്ഡ കാര്യ. അദ്‌ക്ക് ബദ്‌ല സാമി പുദ്യ പെ്ളേപ്പ്‌ന അവാന്‌ക്ക് കൊഡുത്താദ്‌ത്തെ ദൊഡ്ഡ കാര്യ.