റോമഗാറാര് 2:24 - സാമി സേദി

²⁴ <<എഗുദാരല്ലാത്ത ജാദിഗാള് പട്ട്‌ല് നിമ്മ്‌നാലെ സാമി പേര് കെ്ട്ട് പോന്റു>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല?

റോമഗാറാര് 2:24 ပူးပေါင်းရင်းမြစ်များ

മത്തായി 18:7

ആള്‌ഗാള്‌ന പാവ ഗേയ ആസെപ്‌ഡ്‌സുവാദ്‌നാലെ ഉലഗാക്ക് കജട്ടാത്തെ. അത്തവ കാര്യഗാള് ഒപ്പ നഡാക്ക്‌മ്. ആന ആര് പാവ ഗേയ ആസെപ്‌ഡ്‌സ്‌ന്റാനൊ അയാള്‌ക്ക് കജട്ട കജട്ടാത്തെ.

1 തിമിത്തോസു 5:14

അദ്‌നാലെ ബയിസ്സാഗാത്ത മ്‌ണ്ടേസ്യാര്‌ഗാള് മറിസി ആളാന് സേന്ത് മക്കാള്‌മറി പ്‌റാത്തി ബീ്ഡ്‌കാര്യഗാള് നോഡി നഡാത്തുഡൊ എന്റ് നാന് ആസെപഡ്‌ന്റെ. അത്തെ ഗേന്തദാന പോട്ടിഗാറാര്‌ക്ക് നമാന പറ്റി കുറ്റ സൊല്ല്യ എ്ഡെ കെ്ഡേക്കാദാമ്.

1 തിമിത്തോസു 6:1

സാമി പേര്‌ക്ക്‌മ് നമ്മ പഡിസി കൊഡുക്കുവ കാര്യഗാള്‌ക്ക്‌മ് മാനകേ്ഡ് ബരാദിര്‌ക്ക്യ ബേ്ണ്ടി പണ്ണ്യഗിലാസ ഗേവ ഏസ്സ്‌ഗാറാര് തമ്മ് പണ്ണാഡിഗാള്‌ന എല്ലാ കാര്യാത്ത്‌ല്‌മ് മദ്‌സുഡൊ.

തീത്തോസു 2:5

അദ്‌താനെ അല്ല, നല്ല ബുദ്ദ്യോഡ പെ്ളേക്കുഡൊ എന്റ്‌മ്, ആളാന് നമ്പ്യ മുഡ്യാത്തളാവുക്കു കണ്ടപഡിക്ക് നഡാക്കാദിര്‌ക്കുഡൊ എന്റ്‌മ്, ബീ്ഡ്‌ല കാര്യഗാള്‌ന നോഡുഡൊ എന്റ്‌മ്, അഡ്‌ത്തവാര്‌ന ഗവ പഡുഡൊ എന്റ്‌മ്, ആളാന് സൊല്ലുപഡിക്ക് നഡാക്കുഡൊ എന്റ്‌മ് ഈ പെ്ണ്ണ്‌മക്കാള്‌ന പഡിസ്യ അവാര്‌ക്ക് മുഡിമ്. അത്തെ ഗേന്തദാന സാമി സൊല്ലുസുലാക്കന ആര്‌ക്ക്‌മ് കുറ്റ സൊല്ല്യ മുഡ്യാമാട്ട.

തീത്തോസു 2:8

നീ പഡുസുവ കാര്യഗാള് നേര്‌മാനാദ്‌മ് ആര്‌ക്ക്‌മ് കുറ്റ സൊല്ല്യ മുഡ്യാത്താദ്‌മ് ആയിര്‌ക്കുഡൊ. അന്നാപ്പ് നിന്ന് പോട്ടിഗാറാര് നമാന പറ്റി കുറ്റ സൊല്ല്യ മുഡ്യാദെ നാണഗെ്ഡുവാര്.

2 പത്ത്‌റോസു 2:2

പല ആള്‌ഗാള് അവാര് ഗേവ കെ്ട്ട കാര്യഗാള്‌ന പാസെ ഗേവാര്. അവാര് അത്തെ ഗേവാദ്‌നാലെ സത്ത്യാക്ക് ബേ്ണ്ടി പെ്ളേക്കുവാദ്‌ന പറ്റി ബേ്റാള്‌ഗാള് മോസമായി സൊല്ലുവാര്.