റോമഗാറാര് 2:12 - സാമി സേദി

¹² മോസെ ബെത്ത സാമിസട്ട ഇര്‌ക്കുവ ആള്‌ഗാള് പാവ ഗേന്തദാന അവാര് അയി സട്ടപഡി അളിന്ത് പോവാര്. മോസെ ബെത്ത സാമിസട്ട ഇല്ലത്തവാര് പാവ ഗേന്തദാന ഈ സട്ട ഇല്ലാദെ പോനാല്‌മ് അവാര് അളിന്ത് പോവാര്.

റോമഗാറാര് 2:12 ပူးပေါင်းရင်းမြစ်များ

1 കൊരിന്ത്യഗാറാര് 9:21

അദേപാസെ സാമിസട്ട കെ്ഡേക്കാത്ത ജാദിഗാള്‌ന ക്‌റ്‌സ്‌ത്ത്‌ക്ക് കെ്ഡേസ്യ ബേ്ണ്ടി അവാര് പട്ട്‌ല് സാമിസട്ട കെ്ഡേക്കാത്തവാന്‌ന പാസെ പെ്ളേത്തെ. ഇദ്‌ക്ക് അര്‌ത്ത നാന് സാമി സട്ടപഡി നഡാക്കാത്തവാന് എന്റല്ല, നേര്‌മായിമ് നാന് ക്‌റ്‌സ്‌ത്ത് സട്ടപഡി പെ്ളേക്ക്‌ന്റവാന്‌ത്തെ.

ഗലാത്ത്യഗാറാര് 3:10

<<മോസെ ബെത്ത സാമി സട്ടാത്ത്‌ല് എ്ള്‌ദിര്‌ക്കുവ കല്‌പനെഗാള്‌ന ഒട്ടുക്കു ഗേഗാദേമ് അദ്‌ക്ക് കെ്ട്ട്‌പട്ട് നഡാക്കാദേമ് ഇര്‌ക്ക്‌ന്റവാരെല്ല സാപ്പ പ്‌ഡിത്തവാര്‌ത്തെ>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്. അദ്‌നാലെ മോസെ ബെത്ത സാമി സട്ടപഡി നഡാന്ത് നേര്‌മെഗാറാരായ നോഡുന്റവാരെല്ല സാമി സാപ്പാക്ക് അഡിമെഗാള്‌ത്തെ.

റോമഗാറാര് 8:3

ആന സാമി സട്ടപഡി നഡാന്ത് പാവാത്ത്‌ലിന്ത് തപ്പിസി കഡാക്ക്യ നമാക്ക് ആവാദില്ലെ. എന്ത്‌ക്കെന്റ് സൊന്ന മന്‌സാരാന നമ്മ കുറ്റകൊറേവുള്ളവാര് ആനാദ്‌നാലെ സാമി സട്ടപഡി നഡാക്ക്യ മുഡിവാദില്ലെ. അദ്‌നാലെ നമ്മ് പാവാന തീര്‌ക്ക്യ ബേ്ണ്ടി നമ്മ് ഉരുവാത്ത്‌ല് നമാന പാസെ ഇര്‌ക്കുവ ഒന്റു മന്‌സാനായി സാമി തന്ന് മഗാന്‌ന ഉലഗാക്ക് സൊല്ലി ബ്‌ട്ടാന്. നമ്മ് പാവാക്ക് കെ്ഡേക്കുവ ദെ്ണ്ടണെന അയാള് ഏറ്റെഡ്‌ത്താന്.

റോമഗാറാര് 1:32

ഇത്തവ കാര്യഗാള് ഗേവ ഇത്തവാള്‌ഗാള് സാവുക്കു തഗ്‌ദ്യുള്ളവാര്‌ത്തെ എന്നുവ സാമിസട്ടന തെരിന്തിന്ത് ഗുഡി അവാര് ഇത്തവ കാര്യഗാള്‌ന ഗേവാദ് താനേമല്ല, ഇത്തവ കാര്യഗാള് ഗേന്റവാര്‌ന പിര്യാമ് പഡ്‌ന്റാര്.

മത്തായി 11:24

ആന സോദോമുഗാറാര്‌ക്ക് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് നിമാക്ക് കെ്ഡേക്ക്‌മ് എന്റ് നാന് നിമാക്ക് സൊന്റെ.>>

ആക്കോവു 2:10

ഒരുത്താന് സാമി സട്ടാക്കൊട്ടുക്കു കെ്ട്ട്‌പട്ട് നഡാന്താല്‌മ് ഏദാറ്റൊന്റു സട്ടപഡി നഡാക്കാദിന്തദാന അയാള് കുറ്റഗാറാന് ആയിര്‌ക്കുവാന്.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

മത്തായി 11:22

ആന സോരുഗാറാര്‌ക്ക്‌മ് സീദോനുഗാറാര്‌ക്ക്‌മ് കെ്ഡേത്ത ദെ്ണ്ടണെന ബ്‌ഡ ദൊഡ്ഡ ദെ്ണ്ടണെ ബിദി സൊല്ലുവ നാള്‌ല് നിമാക്ക് കെ്ഡേക്ക്‌മ് എന്റ് നാന് നിമാക്ക് സൊന്റെ.

ഗലാത്ത്യഗാറാര് 3:22

ആന ഉലഗാത്ത്‌ലിര്‌ക്കുവ ആള്‌ഗാളൊട്ടുക്കു പാവാക്ക് സിക്കിര്‌ന്റാര് എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്. അദ്‌നാലെ നമ്പ്‌ന്റവാര്‌ക്ക് ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലെ സാമി തന്റെന്റ് ബാക്ക് കൊഡുത്ത തന്ന് നിഗാല് കെ്ഡേക്ക്‌ന്റ്.

ഓഗന്നാന് 19:11

അദ്‌ക്ക് ഏസ്സ്: <<സാമിലിന്ത് നിനാക്ക് അദിഗര കെ്ഡേക്കാദെ ഇന്തിന്തദാന നിനാക്ക് എനാന ഒന്റുമു ഗേയ മുഡ്യമാട്ടായിന്ത്‌ദ്. അദ്‌നാലെ എനാന നിന്ന് കയിക്ക് തന്തവാന് അദിഗ പാവ ഗേന്തവാന്‌ത്തെ>> എന്റ് സൊന്നാന്.

അപ്പോസുത്തലാര് 2:23

സാമി ഏസ്സ്‌ന എന്ത് ഗേഡൊ എന്റ് മുദാല് താനെ മുഡിവെ്ഡ്‌ത്ത് ഒറേപ്പ് മാഡി ബെത്തിന്ത പാസെ അയാള്‌ന നിമ്മ് കയിക്ക് ഒപ്പുസുനാന്. നിമ്മ അയാള്‌ന കേ്ഡ്‌ഗെ്ട്ടവാര് കയിക്ക് കൊഡുത്തുറു. അവാര് ഏസ്സ്‌ന കുരുസുക്കു ആണി അഡിത്ത് കൊന്റു തള്ള്‌നാര്.