റോമഗാറാര് 2:1 - സാമി സേദി

¹ അദ്‌നാലെ അഡ്‌ത്തവാര്‌ന കുറ്റ ബിദിക്കുവ നീ ആരാനാല്‌മ് സെരി, നിനാക്ക് എന്തൊന്റു നായ സൊല്ലി തപ്പിസി കഡാക്ക്യ മുഡ്യാമാട്ട. അഡ്‌ത്തവാര്‌ന കുറ്റ ബിദിക്കാട്ടി നീ നിനാന താനെത്തെ കുറ്റ ബിദിക്ക്‌ന്റായി. എന്ത്‌ക്കെന്റ് സൊന്ന അഡ്‌ത്തവാര് ഗേന്ത അദേ കുറ്റനത്തെ നീയിമ് ഗേന്റായല്ല.

റോമഗാറാര് 2:1 ပူးပေါင်းရင်းမြစ်များ

ലൂക്കോസു 12:14

ആന ഏസ്സ് അയാള്‌ക്ക്: <<പൊന്നാ, നിമ്മ് പട്ട്‌ക്ക് നായഗാറാന്‌മ് സൊത്തുന പങ്കി കൊഡുക്കുന്റവാന്‌മായി എനാന ആരാറ്റ എ്ഡ്‌ത്ത് ബെത്ത്‌റ്‌ന്റാര?>> എന്റ് സൊന്നാന്.

ലൂക്കോസു 19:22

അദുക്കുള അയി പണ്ണാഡി അയി ഗിലാസഗാറാന്‌ക്ക്: <കേ്ഡ്‌ഗെ്ട്ട ഗിലാസഗാറാ, നിന്ന് ബായില് സൊല്ലുവ നായാത്ത്‌ല് താനെ നാന് നിനാന ബിദിക്കുവെ, നാന് എനാത്തല്ലത്താദ്‌ന എ്ഡ്‌ക്ക്‌ന്റവാന്‌മ് നാന് ബെ്ളേക്കത്താദ്‌ന അറ്‌ത്തെ്ഡ്‌ക്ക്‌ന്റവാന്‌മ് ആയിര്‌ക്കുവ മര നെഞ്ച്‌ഗാറാന് എന്റ് നിനാക്ക് തെരിന്തിന്ത്‌ദല്ല.

ലൂക്കോസു 6:37

<<നിമ്മ ആര്‌നാമ് കുറ്റ സൊല്ലി ബിദിക്കാദേന്. അന്നാപ്പ് സാമി നിമാനാമ് ബിദിക്കമാട്ടാന്. ആര്‌നാമ് ദെ്ണ്ടിക്കാദേന്, അന്നാപ്പ് സാമി നിമാനാമ് ദെ്ണ്ടിക്കമാട്ടാന്. അഡ്‌ത്തവാര് കുറ്റ ഗേഗാട്ടി നിമ്മ പൊറുത്തിര്‌ന്. അന്നാപ്പ് സാമിമ് നിമ്മ കുറ്റ ഗേഗാട്ടി പൊറുക്കുവാന്.

റോമഗാറാര് 14:22

ഈ കാര്യന പറ്റി നിനാക്കിര്‌ക്കുവ നമ്പിക്കെ നിനാക്ക്‌മ് സാമിക്ക് താനെ തെരിന്തിന്തദാന മദി. ഒരുത്താന് താന് നല്ലാദെന്റ് നെനേത്ത് ഗേവ കാര്യാത്ത്‌ല് തനാന പറ്റി താനെ കുറ്റ ബിദിക്കാത്തവാന് ബാഗ്യഗാറാന്.

റോമഗാറാര് 2:2

ആന അത്തവ കാര്യഗാള് ഗേന്റവാര്‌ന ബിദിക്കുവ സാമി ബിദി നേരുള്ള ബിദിത്തെന്റ് നമാക്ക് തെരിമ്.

റോമഗാറാര് 2:3

അത്തവ കാര്യഗാള് ഗേന്റവാര്‌ന കുറ്റാമ് ബിദിത്ത് അദേ കാര്യനത്തെ നീയിമ് ഗേന്റായി, അത്തെ ഗേവ നീ സാമി കുറ്റ ബിദിക്കുവ ബിദിലിന്ത് തപ്പിസി കഡാക്കുവായി എന്റ് നീ നെനേക്ക്‌ന്റായ?

റോമഗാറാര് 3:9

അദ്‌നാലെ എന്ത്? എഗുദാര് ജാദിക്ക് പട്ട നമ്മ എഗുദാരല്ലാത്ത ജാദിഗാള്‌ന ബ്‌ഡ ഉജാന്തവാര? ഇല്ലെഗേ ഇല്ലെ, എഗുദാര് ജാദിക്ക് പട്ടവാര്‌മ് എഗുദാര് അല്ലാത്ത ജാദിഗാള്‌മ് ഒന്റേ ഒപ്പ പാവാക്ക് അഡിമെഗാള്‌ത്തെ എന്റ് നമ്മ മുദാല് താനെ കാട്ട്‌നാമല്ല.

റോമഗാറാര് 9:20

ഇവ്യാവോ, മന്‌സാ, സാമ്യോഡ ബാദാഡ്യ നീയാര്? << <നീ എന്ത്‌ക്ക് എനാന ഇത്തെ ഉണ്ടാക്ക്‌നാദ്> എന്റ് ഉണ്ടാക്ക്‌ന ജാദി ഉണ്ടാക്ക്‌നവാന്‌ന കേ്ള്‌ക്ക്‌മ?>>

1 കൊരിന്ത്യഗാറാര് 4:5

അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.

1 കൊരിന്ത്യഗാറാര് 7:16

പെ്ണ്ണെ, നിന്ന്‌നാലെ നിന്ന് ആളാന് ഏസ്സ്‌ന നമ്പ്‌നാലൊ? ആര്‌ക്ക് തെരിമ്? അദേപാസെ ആളാനെ, നിന്ന്‌നാലെ നിന്ന് പെ്ണ്ട് ഏസ്സ്‌ന നമ്പ്‌നാലൊ? ആര്‌ക്ക് തെരിമ്?

ആക്കോവു 2:20

നിനാക്കിര്‌ക്കുവ നമ്പിക്കേക്ക് തഗ്‌ന്ത കാര്യഗാള് ഗേഗാദെ പോന നിന്ന് നമ്പിക്കെ ഒന്റുക്കുമു ഉവഗരില്ലാത്താദ് ആന്റെന്റ് നിനാക്ക് തെരിവാദില്ലേഗ ബുദ്ദില്ലാത്ത മന്‌സാനെ?

ആക്കോവു 4:11

ഏസ്സ്‌ഗാറാരെ, സാമി നമാക്ക് സട്ട ബെത്താദ് നമ്മ സാമി സട്ടപഡി പെ്ളേക്ക്യത്തെ. ആന അയി സട്ടാന ബെത്ത് നമ്മ അഡ്‌ത്തവാര്‌ന കുറ്റ ബിദിക്കുവദാന അയി സട്ടാന ബ്‌ഡ നമാന ദൊഡ്ഡവാന് മാഡ്‌ന്റാമ്. എന്ത്‌ക്കെന്റ് സൊന്ന സാമി ഒരുത്താന്‌ത്തെ സട്ട ബെത്ത്‌റ്‌ക്കുവാദ്‌മ് കുറ്റ ബിദിക്കുവാദ്‌മ്. സാമി ഒരുത്താന്‌ക്ക്‌ത്തെ ഒരുത്താന്‌ന കാപാറ്റ്യാമ് കൊല്ല്യാമ് അദിഗര ഇര്‌ക്കുവാദ്. അദ്‌നാലെ ആങ്കീങ്ക് കുറ്റ സൊല്ലി സാമി ഗേവ കാര്യന ഗേയ നീ ആര്?