റോമഗാറാര് 16:14 - സാമി സേദി

¹⁴ അസികിരിതോസുനാമ്, പ്‌ളേഗോനാമ്, എര്‌മോസ്‌നാമ്, പത്ത്‌റൊവാസ്‌നാമ് ഗെര്‌മാസ്‌നാമ് അദേപാസെ അവാരൊപ്പ ഇര്‌ക്കുവ ഏസ്സ്‌ഗാറാര്‌നാമ് നാന് കേ്ട്ടേനെന്റ് സൊല്ലു.

റോമഗാറാര് 16:14 ပူးပေါင်းရင်းမြစ်များ

എവുറായാര് 3:1

അദ്‌നാലെ സാമി ബ്‌ളിത്ത്‌റ്‌ക്ക്‌ന്റവാര്‌മ് സാമിക്ക് പട്ടവാര്‌മ് ആന ഏസ്സ്‌ഗാറാരെ, സാമി സൊല്ലി ബ്‌ട്ടവാന് എന്റ്‌മ് ദൊഡ്ഡ പൂസാരി എന്റ്‌മ് നമ്മ സൊല്ലുവ ഏസ്സ്‌ന പറ്റി നെനേത്ത് നോഡുനു.

റോമഗാറാര് 8:29

എന്ത്‌ക്കെന്റ് സൊന്ന, സാമി താന് മുന്നുക്കെ തെരിന്തിന്തവാര്‌ന തന്ന് മഗാന്‌ക്ക് ഇര്‌ക്കുവ ഉരുവാന പാസെ ആയ ബേ്ണ്ടി സാമി അവാര്‌ന അലാക്ക പ്‌റ്‌ത്ത് ബെത്ത് അവാര്‌ക്ക് തന്ന് മഗാന്‌ന തലെകോഡി അണ്ണാന് മാഡ്‌നാന്.

മത്തായി 5:47

എ്ണേവുഗാറാര്‌ന താനെ നിമ്മ ബിനാത്തി നായനൊഡിന്ത് നഡാന്തദാന അഡ്‌ത്തവാര് ഗേവാദ്‌ക്ക് അദിഗ നിമ്മ എന്ത് ഗേന്റ്‌റ്? സാമിന തെര്യാത്ത ആള്‌ഗാള്‌മ് അത്തേത്തെ ഗേന്റാരല്ല?

റോമഗാറാര് 16:13

ആണ്ടവാന്‌ക്ക് ഗിലാസ ഗേവാദ്‌ല് പേര്‌കേ്ട്ട രൂപാസ്‌നാമ് നാന് എന്ന് അവ്വേന പാസെ നെനേക്കുവ അവാന് അവ്വേസിനാമ് നാന് കേ്ട്ടേനെന്റ് സൊല്ലു.

റോമഗാറാര് 16:15

പിലെലെഗോസുനാമ്, ജൂല്യനാമ്, നരെയോസുനാമ്, അയാള് തങ്കെനാമ്, ഒലുമ്പാസ്‌നാമ് അദേപാസെ അവാരൊപ്പ ഇര്‌ക്കുവ സാമിക്ക് പട്ടവാര്‌നാമ് എല്ലാ സാമി പ്‌ള്ളെഗാള്‌നാമ് കേ്ട്ടേനെന്റ് സൊല്ലു.