റോമഗാറാര് 15:8 - സാമി സേദി8 ക്‌റ്‌സ്‌ത്ത് എഗുദാര് ജാദിഗാള്‌ക്ക് ഗിലാസഗാറാന് ആയി ബന്താദ് അവാര് പാട്ടനാമ്‌ക്ക് സാമി താന് കൊഡുത്ത ബാക്ക്‌ന തവാറ്‌സത്തവാന് എന്റ്‌മ് അയി ബാക്ക് സത്ത്യ എന്റ് കാട്ട്യ ബേ്ണ്ടിമ്‌ത്തെ എന്നുവാദ്‌ന മറാക്കദേന്. အခန်းကိုကြည့်ပါ။ |
റോമഗാറാര് 15:8
29 ပူးပေါင်းရင်းမြစ်များ
ആന പവുലോസുമു, ബറ്‌ണവാസ്‌മ് ഒന്റു ഗുഡി ദയിരത്തോഡ എഗുദാര്‌ക്ക് ഇത്തെ സൊന്നാര്: <<മുദാല് സാമി സൊല്ലുസുലാക്കാന നിമാക്ക് സൊല്ലി തന്തിന്ത്‌റ്‌ക്കുഡൊ. എമ്മ അദ്‌ന നിമാക്ക് സൊല്ലി തന്തേമ്. ആന നിമ്മ അദ്‌ന തെ്റിന്ത്‌റ്. എന്നാല്‌ക്ക്‌മ് ഇര്‌ക്കുവ ഉജുരുക്കു നിമ്മ നിമാന താനെ തഗ്‌ദി ഇല്ലത്തവാര് മാഡ്‌ന്റ്‌റ്. അദ്‌നാലെ നിമാന തെ്റിന്ത് തള്ളി എമ്മ എഗുദാര് അല്ലാത്ത ജാദിഗാള് പട്ട്‌ക്ക് പോന്റേമ്.
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
അദ്‌നാലെ സാമി കൊഡുക്കുവെ എന്റ് സൊല്ലിന്താദ്‌ന കൊഡുക്കുവാദ് നമ്പിക്കെനാലേത്തെ. അദ്‌ന ബെ്റ്‌ദേത്തെ സാമി കൊഡുക്കുവാദ്. മോസെ ബെത്ത സാമി സട്ടപഡി നഡാക്കുവ അവുറഗാമ് കാല്‌കെ്ളേക്ക് താന്യല്ല, അവുറഗാമ്‌ക്കിന്ത അദേ നമ്പിക്കോഡ പെ്ളേക്കുവ കാല്‌കെ്ളെഗാള്‌ക്ക് ഗുഡിത്തെ അദ് ഒറേപ്പ് മാഡിര്‌ക്കുവാദ്. എന്ത്‌ക്കെന്റ് സൊന്ന അവുറഗാമ് എല്ലാവാര്‌ക്ക്‌മ് പാട്ടാന് ആയിര്‌ക്ക്‌ന്റാനല്ല?
നിമ്മ് കൂട്ടാത്ത്‌ല് ലേസ ആള്‌ഗാള്: <<എമ്മ പവുലോസു സാരി ഇര്‌ക്ക്‌ന്റവാര്>> എന്റ്‌മ് ബേ്റെ ലേസ ആള്‌ഗാള്: <<എമ്മ അപ്പലോസു സാരി ഇര്‌ക്ക്‌ന്റവാര്>> എന്റ്‌മ് ബേ്റെ ലേസ ആള്‌ഗാള്: <<എമ്മ പത്ത്‌റോസു സാരി ഇര്‌ക്ക്‌ന്റവാര്>> എന്റ്‌മ് ബേ്റെ ലേസ ആള്‌ഗാള്: <<എമ്മ ക്‌റ്‌സ്‌ത്ത് സാരി ഇര്‌ക്ക്‌ന്റവാര്>> എന്റ്‌മ് സൊന്റുറു എന്റ് നാന് കേ്ട്ട്‌റ്‌ക്ക്‌ന്റെ.
അദേപാസെ നിമ്മ സാമി സൊല്ലുപഡിക്ക് പെ്ളേക്കാദിന്ത കാലാത്ത്‌ല് നിമ്മ് പെ്ളേപ്പ്‌ല് ക്‌റ്‌സ്‌ത്ത് ഇര്‌ക്കാലെ. അദ്‌നാലെ സാമിപ്‌ള്ളെഗാള് എന്നുവ മദ്‌പ്പിര്‌ക്കുവ ഇസ്‌റവേല്‌ഗാറാര്‌ക്ക് എ്ണേയ മുഡ്യാദെ അന്ന്യ ജാദിഗാളായി ഇന്ത്‌റ്. അയി ഗളിഗേല് സാമി ഇസ്‌റവേല്‌ഗാറാരൊപ്പ ബെത്ത ഒപ്പന്തനാമ് സാമി കൊഡുത്ത ബാക്ക്‌നാമ് നിമ്മ നമ്പാലെ. സാമിക്ക്‌മ് നിമാക്ക്‌മ് എ്ണേവില്ലാദേമ് ഇന്ത്‌ദ്.
ကြော်ငြာတွေ