റോമഗാറാര് 15:3 - സാമി സേദി

³ ക്‌റ്‌സ്‌ത്ത് ഗുഡി തനാന പിര്യപഡുസുവ കാര്യഗാളല്ല ഗേയ നോഡുനാദ്. സാമി സൊല്ലുസുലാക്കാത്ത്‌ല് ഇത്തേമ് എ്ള്‌ദിര്‌ക്ക്‌ന്റല്ല: <<നിമാന മാനഗെ്ഡ്‌സ്‌നവാര് എനാനത്തെ മാനഗെ്ഡ്‌സ്‌നാദ്.>>

റോമഗാറാര് 15:3 ပူးပေါင်းရင်းမြစ်များ

മത്തായി 10:25

പഡിക്ക്‌ന്റവാന് പഡുസുവ ബാത്ത്യാന്‌ന പാസെ ആവാദ് മദി. അദേപാസെ അഡിമ്യായിര്‌ന്റവാന് പണ്ണാഡിന പാസെ ആവാദ് മദി. അവാര് ബീ്ഡ്‌ഗാറാന്‌നാഗെ ബേല്‌സെവൂലു എന്റ് ബ്‌ളിത്ത്‌റ്‌ക്കുവദാന ബീ്ഡ്‌ഗാറാര്‌ന എന്തെല്ല സൊല്ലി ബ്‌ളിക്കുവാര്?>>

മത്തായി 26:39

പ്‌റ ഏസ്സ് ലേസ അത്തഗ പോയി മണ്ണ്‌ക്ക് സഡങ്ക ബ്‌ന്ത്: <<അപ്പാ എന്ന് അപ്പാ, മുഡിന്തദാന, എനാക്ക് ബര്യ പോവ കജട്ട എന്നുവ ഈ സെമ്പ്‌ന എന്നോഡിന്ത് ബിലാക്കി തരുഡോമെ. ആന എന്ന് ആസെപഡ്യല്ല, നിന്ന് ആസെപഡി താനെ നഡാക്കുഡൊ>> എന്റ് പരേസ്‌നാന്.

മത്തായി 26:42

പ്‌റ ഏസ്സ് റണ്ടാവാദ്‌മ് അത്തഗ പോയി: <<അപ്പാ, നാന് അയി കജട്ട സെമ്പ്‌ന കുഡിക്കാദെ ഈ കജട്ട തീരമാട്ടെന്റദാന നീ ആസെപഡുവ പാസെ താനെ നഡാക്കുഡൊ>> എന്റ് പരേസ്‌നാന്.

മത്തായി 27:44

അദേപാസെ ഏസ്സോഡൊപ്പ കുരുസുക്കു സേത്തി ആണി അഡിത്ത ത്‌റ്‌ട്ടാര്‌മ് അയാള്‌ന നാണഗെ്ഡ്‌സ്‌നാര്.

ഓഗന്നാന് 15:10

എന്ന് അപ്പാന് എനാന ഗേയ സൊന്ന കാര്യഗാള്‌ന അദേപാസെ നാന് ഗേന്ത് അയാള് എന്നോഡ ബെത്ത്‌റ്‌ക്കുവ സീവാന്‌ല് നാന് ഇര്‌ക്കുവ പാസെ നിമ്മാമ് നാന് ഗേയ സൊന്ന കാര്യഗാള്‌ന അദേപാസെ ഗേന്തദാന നാന് നിമ്മോഡ ബെത്ത്‌റ്‌ക്കുവ സീവാന്‌ല് നിമ്മ ഇര്‌ക്കുവുറു.

ഓഗന്നാന് 15:24

ബേ്റെ ആര്‌മ് ഗേഗാത്ത കാര്യഗാള്‌ന അവാര് പട്ട്‌ല് നാന് ഗേഗാദിന്തിന്തദാന അവാര്‌ക്ക് പാവ ഇല്ലാദിന്ത്‌റ്‌ക്ക്‌മ്. ആന ഇന്നാല് ഈ കാര്യഗാള്‌നെല്ല അവാര് കണ്ട്‌മ് ഇര്‌ന്റാര്, എനനാമ് എന്നപ്പാന് സാമിനാമ് തൊറേന്ത്‌മ് ഇര്‌ന്റാര്.

ഓഗന്നാന് 4:34

ഏസ്സ് അവാര്‌ക്ക് ഇത്തെ സൊന്നാന്: <<എനാന സൊല്ലി ബ്‌ട്ടവാന്‌ക്ക് പ്‌ഡിത്ത കാര്യ ഗേവാദ്‌മ് അയാള് എനാക്ക് ഗേയ തന്ത്‌റ്‌ക്കുവ ഗിലാസാന ഗേന്ത് മുഡിക്കുവാദ്‌മ്‌ത്തെ എന്ന് തീനി

ഓഗന്നാന് 5:30

<<എനാക്ക് സൊന്തായി ഒന്റുമു ഗേയ മുഡ്യാമാട്ട. സാമി എനാക്ക് സൊല്ലുവ പാസെത്തെ നാന് നായ ബിദിക്ക്‌ന്റെ. നാന് എന്ന് പിര്യാക്കല്ല, എനാന സൊല്ലി ബ്‌ട്ടവാന് പിര്യാക്ക്‌ത്തെ ബിദിക്കുവാദ്‌നാലെ നാന് ബിദിക്കുവ ബിദി നേര്‌മെ ഉള്ളാദ്‌ത്തെ.

ഓഗന്നാന് 6:38

എന്ത്‌ക്കെന്റ് സൊന്ന എനാക്ക് പ്‌ഡിത്ത കാര്യഗാള്‌നല്ല നാന് ഗേയ ബന്താദ്. എനാന സൊല്ലി ബ്‌ട്ട എന്നപ്പാന്‌ക്ക് പ്‌ഡിത്ത കാര്യഗാള്‌ന ഗേയാത്തെ നാന് മേലോഗാത്ത്‌ലിന്ത് ഇ്റാഗി ബന്ത്‌റ്‌ക്കുവാദ്.

ഓഗന്നാന് 8:29

എനാന സൊല്ലി ബ്‌ട്ടവാന് എന്നോഡ ഇര്‌ക്ക്‌ന്റാന്, നാന് ഒപ്പ അയാള്‌ന പിര്യപഡ്‌സുവ കാര്യഗാള് ഗേന്റെ, അദ്‌നാലെ അയാള് എനാന കയി ബ്‌ഡാലെ>> എന്റ് സൊന്നാന്.

2 കൊരിന്ത്യഗാറാര് 8:9

നമ്മ് ആണ്ടവാന് ഏസ്സ് ക്‌റ്‌സ്‌ത്ത് നമാക്ക് എത്ത്‌റ പ്‌ണ്ണ്യ ഗേന്താന് എന്റ് നിമാക്ക് തെരിമ്. ക്‌റ്‌സ്‌ത്ത് സൊത്തുഗാറാന് ആയിന്താന്. എന്റിന്ത് ഗുഡി നിമാന സൊത്തുഗാറാര് മാഡ്യ ബേ്ണ്ടി അയാള് ഏ്ളെ ആനാന്.

പിലിപ്പ്യഗാറാര് 2:5

ക്‌റ്‌സ്‌ത്ത് ഏസ്സ്‌ക്കിര്‌ക്കുവ മനേസ്സ്‌ത്തെ നിമാക്ക്‌മ് ഇര്‌ക്കുഡൊ.

പിലിപ്പ്യഗാറാര് 2:8

ക്‌റ്‌സ്‌ത്ത് ഏസ്സ് മന്‌സാനായി പെ്ളേക്കാട്ടി താനെ സാമി സൊല്ലുപഡിക്ക് ഇര്‌ക്ക്യ ബേ്ണ്ടി, താന് താനെ തണിന്ത് കൊഡുത്തു കുരുസുക്കു സേത്തി ആണി അഡിത്ത് കൊല്ല്യ ബ്‌ട്ടാന്.