റോമഗാറാര് 15:12 - സാമി സേദി

¹² <<എഗുദാരല്ലാത്ത ജാദിഗാള്‌ന ആള്യ ബേ്ണ്ടി, ഇസ്സായി കാല്‌ലിന്ത് പ്‌റാക്കുവ ഒരുത്താന്‌ന എ്ഡ്‌ത്ത് ബെക്കുവാന്. അവാര് അയാള്‌ന നെഞ്ചഡെ ബെക്കുവാര്>> എന്റ് ഏസ്സയ്യ സാമിദാസ് സൊല്ലിര്‌ക്ക്‌ന്റാന്.

റോമഗാറാര് 15:12 ပူးပေါင်းရင်းမြစ်များ

മത്തായി 12:21

അദ്‌നാലെ ജാദിഗാള്‌മ് അയാള് പേര്‌ല് നെഞ്ചഡെ ബെക്കുവാര്.>>

ബെ്ളിപട്ട കാര്യ 22:16

ഏസ്സ്‌ഗാറാര് കൂട്ടഗാള് ആയിര്‌ക്കുവ നിമാക്ക് ഈ കാര്യഗാള്‌ന സൊല്ല്യ ബേ്ണ്ടി ഏസ്സ് എന്നുവ നാന് എന്ന് ദൂദാന്‌ന നിന്ന് പട്ട്‌ക്ക് സൊല്ലി ബ്‌ട്ട്‌റ്‌ന്റെ. നാന് ദാവീദ് കാല്‌ക്ക് പട്ടവാന്‌മ് ദഗദഗാത്ത് എരേവ ബെ്ഡിബെ്ള്ളിമ്‌ത്തെ.>>

ബെ്ളിപട്ട കാര്യ 5:5

അദുക്കുള ഇരുവത്തിനാല് മൂപ്പനാമ്‌ഗാള്‌ല് ഒരുത്താന് എനാക്ക്, <<കേ്യാദെ, എഗുദ കുലാത്ത്‌ല സിങ്ക എന്റ് പേര് ഇര്‌ക്ക്‌ന്റവാന്‌മ് ദാവീദ് കാല്‌ക്ക് പട്ടവാന്‌മ് ആനവാന് ബൊക്കുന ത്‌റാക്ക്യാമ് അയി ഏ്ള് മുദ്ദുറെഗാള്‌ന പൊട്ടിസ്യാമ് ബേ്ണ്ടി ഗെലിസി ഇര്‌ക്ക്‌ന്റാന്>> എന്റ് സൊന്നാന്.

1 കൊരിന്ത്യഗാറാര് 15:19

നമ്മ ഈ ബൂമില പെ്ളേപ്പ്‌ക്ക് ബേ്ണ്ടിത്തെ ക്‌റ്‌സ്‌ത്ത്‌ന നെഞ്ചഡെ ബെത്ത്‌റ്‌ക്കുവദാന ക്‌റ്‌സ്‌ത്ത്‌ന നമ്പാത്തവാര്‌ന ബ്‌ഡ നമ്മ എത്ത്‌റാഗോ അറങ്കെ്ട്ടവാര്‌ത്തെ.

1 പത്ത്‌റോസു 1:21

അയാള്‌നാലെത്തെ നിമ്മ സാമിന നമ്പ്‌ന്റ്‌റ്. സാമി ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്കി അയാള്‌ക്ക് മദ്‌പ്പ് കൊഡുത്ത്‌റ്‌ന്റാന്. അദ്‌നാലെ നിമ്മ സാമിന നമ്പ്‌ന്റവാര്‌മ് നെഞ്ചഡെ ബെത്ത്‌റ്‌ക്ക്‌ന്റവാര്‌മ് ആയിര്‌ക്ക്‌ന്റ്‌റ്.

2 തിമിത്തോസു 1:12

അദ്‌നാലെത്തെ നാന് ഇന്നാലീ കജട്ട പഡുവാദ്. എന്റാല്‌മ് അത്തെ കജട്ട പഡുവാദ്‌ല് നാന് നാണപഡുവാദില്ലെ. എന്ത്‌ക്കെന്റ് സൊന്ന നാന് ആര്‌ന നമ്പിര്‌ന്റേന് എന്റ് എനാക്ക് തെരിമ്. ആണ്ടവാന് തിരിഗി ബരമാട്ട്‌ക്ക്, എനാക്ക് ഒപ്പിസി തന്ത്‌റ്‌ക്കുവ ഈ കാര്യന പാദ്‌ഗാത്ത് ബെക്ക്യ അയാള്‌ക്ക് മുഡിമെന്റ് എനാക്ക് ഒറേപ്പിര്‌ക്ക്‌ന്റ്.

1 ഓഗന്നാന് 3:3

അയാള് തനി ഉരുവാന കാണ്‌ല എന്റ്‌മ് അയാള്‌ന പാസെ ആവാമെന്റ്‌മ് നെഞ്ചഡെ ബെത്ത്‌റ്‌ന്റവാനെല്ല ക്‌റ്‌സ്‌ത്ത് കുറ്റകൊറേവു ഇല്ലത്തവാന് ആയിര്‌ക്കുവ പാസെ തനാന താനെ കുറ്റകൊറേവു ഇല്ലത്തവാന് മാഡികൊണ്ട്‌റ്‌ന്റാന്.