റോമഗാറാര് 14:2 - സാമി സേദി

² ഒന്റൊന്റാള്‌ഗാള് ഏദ് തീനിനാമ് തിന്ന്‌ല എന്റ് നമ്പ്‌ന്റാര്. ആന നമ്പിക്കേല് ഒറേക്കത്തവാന് സൊപ്പുസുണ്ടെ കായികറിഗാള്‌ന താനെ തിന്റാന്.

റോമഗാറാര് 14:2 ပူးပေါင်းရင်းမြစ်များ

റോമഗാറാര് 14:1

നിമ്മ് കൂട്ടാത്ത്‌ല് നമ്പിക്കേല് ഒറേക്കത്തവാന്‌ന തള്ളാദേന്. അയാള്‌ക്ക് സൊല്ല്യ ഇര്‌ക്കുവ നായന പറ്റി നിമ്മ അയാളോഡ തറ്‌ക്കദേന്.

റോമഗാറാര് 14:14

നാന് ആണ്ടവാന് ഏസ്സോഡ ഒന്റായി ഇര്‌ക്കുവാദ്‌നാലെ തിന്നുവ ഏദ് ജാദിമ് ആഗ അല്ല എന്റ് എനാക്ക് ഒറേപ്പിര്‌ക്ക്‌ന്റ്. ആന തിന്നുവ ഏദൊന്റു ജാദിമ് ആഗ എന്റ് ആരാറ്റ നെനേത്തദാന അദ് അയാള്‌ക്ക് ആഗാത്തെ.

റോമഗാറാര് 14:20

തീനി തിന്നുവ പേര്‌ല് സാമി ഗേവ കാര്യന കെ്ഡ്‌സാദേന്. തിന്നുവ ഏദ് ജാദിമ് ആഗല്ല. ആന നീ തിന്നുവ ഏദൊന്റു തീനില് നിമ്മ് കൂട്ടാത്ത്‌ലവാന് നമ്പിക്കേന ഇല്ലാദെ മാഡ്‌ന അത്തെ തിന്നുവാദ് തപ്പ്‌ത്തെ.

റോമഗാറാര് 15:1

നമ്പിക്കേല് നല്ല ഒറേപ്പുള്ളവാര് ആയിര്‌ക്കുവ നമ്മ നമ്പിക്കേല് ഒറേപ്പില്ലാദെ പെ്ളേക്ക്‌ന്റവാര്‌ന കയിതാങ്കുഡൊ. നമാക്ക് പിര്യ ബരുസ്സുവ കാര്യഗാള്‌ന താനെ ഗേഗാദേന്.

1 കൊരിന്ത്യഗാറാര് 10:25

സന്തെകഡേക്ക്‌റാഗ ബാങ്ക്യ കെ്ഡേക്കുവ ഏദ് തീനിനാമ് നിമ്മ തിന്ന്‌ല. അദ് മേല്‌സ ബെത്താദൊ അല്ലാത്താദൊ എന്റ് സന്തേഗപഡബേ്ഡ.

1 കൊരിന്ത്യഗാറാര് 8:9

ഈ കാര്യഗാള്‌ല് എന്ത് മുഡിവു എ്ഡ്‌ക്കുഡൊ എന്നുവ ഉരിമെ നിനാക്ക് ഇര്‌ക്ക്‌ന്റ്. ആന ഈ ഉരിമെ സെരി ഏദ് തപ്പ് ഏദ് എന്റ് ഒറേപ്പില്ലാത്ത ബേ്റൊന്റു ഏസ്സ്‌ഗാറാന്‌ന പാവാക്ക് സിക്ക്‌സുവ ബട്ടെ ആയ പാങ്കില്ലെ.

1 കൊരിന്ത്യഗാറാര് 9:22

മനേസ്സ്‌ല് ഒറേപ്പില്ലത്തവാര്‌ന കെ്ഡേസ്യ ബേ്ണ്ടി അവാര് പട്ട്‌ല് നാന് അവാര്‌ന പാസെ ആനേന്. എത്തെന്റാല് മാഡി ലേസ ആള്‌ഗാള്‌ന കാപാറ്റ്യ ബേ്ണ്ടി നാന് എല്ലാ ആള്‌ഗാള്‌ക്ക് ബേ്ണ്ടി എല്ലാ ആള്‌ഗാള്‌ന പാസെ ആനേന്.

1 തിമിത്തോസു 4:4

സാമി ദ്‌ട്ട്‌സ്‌നാദെല്ല നല്ലാദ്‌ത്തെ. നമ്മ നണ്ണി സൊല്ലി എ്ഡ്‌ക്കുവദാന ഒന്റുനാമ് തെ്റിവ തേവില്ലെ.

തീത്തോസു 1:15

കവാഡില്ലാത്തവാര്‌ക്ക് എല്ലാദ്‌മ് സുത്താപ്പ്‌ത്തെ. കെ്ട്ടവാര്‌ക്ക്‌മ് ഏസ്സ്‌ഗാറാരല്ലത്തവാര്‌ക്ക്‌മ് എല്ലാദ്‌മ് കെ്ട്ടാദ്‌ത്തെ. എന്ത്‌ക്കെന്റ് സൊന്ന നേര്‌മായി അവാര് മനേസ്സ്‌ല എ്ണ്ണാമ് കെ്ട്ട്‌തള്ള്‌റ്റ്. നല്ലാദ് എന്തെന്റ്‌മ് കെ്ട്ടാദ് എന്തെന്റ്‌മ് അവാര്‌ക്ക് തെരിവാദേ ഇല്ലെ.

എവുറായാര് 13:9

നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്.

എവുറായാര് 9:10

ഇദ്‌ഗാളെല്ല തിന്നുവാദ്‌നാമ് കുഡിക്കുവാദ്‌നാമ് സട്ട്‌മെ്ട്ട്‌പഡി സുത്താപ്പ് മാഡുവാദ്‌ന പറ്റിമ് താനെത്തെ. സാമി ബെക്കുവ പുദ്യ ഒപ്പന്താത്ത്‌ല കാര്യഗാള് ഗേയ പ്‌ഡിക്കമാട്ട്‌ക്ക് ഗേയ ഉള്ള സരിഗലന പറ്റ്യുള്ള സട്ടഗാള് മാട്ട്‌ത്തെ ഇദ്‌ഗാള്.