റോമഗാറാര് 14:1 - സാമി സേദി

¹ നിമ്മ് കൂട്ടാത്ത്‌ല് നമ്പിക്കേല് ഒറേക്കത്തവാന്‌ന തള്ളാദേന്. അയാള്‌ക്ക് സൊല്ല്യ ഇര്‌ക്കുവ നായന പറ്റി നിമ്മ അയാളോഡ തറ്‌ക്കദേന്.

റോമഗാറാര് 14:1 ပူးပေါင်းရင်းမြစ်များ

മത്തായി 12:20

അയാള് സദേന്ത ഓഡെന മുറുത്തു തള്ളമാട്ടാന്, കത്തി തീന്ത് പൊഗേന്ത് കൊണ്ടു ഇര്‌ക്കുവ തിരിന കെ്ഡ്‌സാമ്‌മാട്ടാന്, നീദ്യുള്ള കാര്യ ഗേന്ത് ഗെല്‌സ മാട്ട്‌ക്ക് അയാള് ഇത്തെ ഗേന്ത് കൊണ്ട്‌റ്‌ക്കുവാന്.

മത്തായി 14:31

അദുക്കുള ഏസ്സ് അന്നാല് താനെ കയി നീ്ട്ടി പത്ത്‌റോസുന പ്‌ഡിത്ത്: <<അരെഗൊറ്യ നമ്പ്‌ന്റവാനെ, നീ എന്ത്‌ക്ക് സന്തേഗ പട്ടാദ്?>> എന്റ് സൊന്നാന്.

മത്തായി 18:10

<<ഈ താന്തവാര്‌ല് ഒരുത്താന്‌ന മാനഗെ്ഡ്‌സാദിര്‌ക്ക്യ സൂസാരിത്തിര്‌ന്. എന്ത്‌ക്കെന്റ് സൊന്ന മേലോഗാത്ത്‌ലിര്‌ക്കുവ അവാര് ദൂദാര്‌ഗാള് മേലോഗാത്ത്‌ലിര്‌ക്കുവ എന്നപ്പാന് സാമിന ഒപ്പ കണ്ട് കൊണ്ട്‌റ്‌ക്ക്‌ന്റാര് എന്റ് നാന് നിമാക്ക് സൊന്റെ.

മര്‌ക്കോസു 7:19

തിന്നുവ തീനി മന്‌സാന് ബേ്റ് കുളാക്ക് പോന്റു, പ്‌റ അദ് ബെ്ളിഗെ പോയി തള്ള്‌ന്റ്. മനേസ്സ്‌കുളാക്ക് പോവാദില്ലെ.>> (ഏസ്സ് ഇത്തെ സൊന്നാദ്‌നാലെ തിന്നുവ തീന്യെല്ല നല്ലാദ്‌ത്തെ എന്റ് അര്‌ത്ത മാഡ്‌നാന്.)

ലൂക്കോസു 17:2

സ്‌ന്നവാര്‌ല് ഒരുത്താന്‌ന പാവ ഗേയ ബെക്ക്‌ന്റവാന്‌ക്ക് മ്‌ഗ്‌ന്ത ദെ്ണ്ടണെ കെ്ഡേക്ക്‌മ്. അദ്‌ന ബ്‌ഡ അയാള് കവുത്തുക്കു ദൊഡ്ഡ ഒന്റു ബീസ്‌ങ്കല്ല്‌ന കെ്ട്ടി കഡാല്‌ക്ക് എ്റിവാദ്‌ത്തെ നല്ലാദ്.

ഓഗന്നാന് 13:20

നാന് സത്ത്യമായിമ് നിമാക്ക് സൊന്റെ, നാന് സൊല്ലി ബ്‌ഡ്‌ന്റവാന്‌ന തങ്കാരിക്ക്‌ന്റവാന് എനാന തങ്കാരിക്ക്‌ന്റാന്, എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്>> എന്റ് സൊന്നാന്.

അപ്പോസുത്തലാര് 28:2

അദ്‌ലിന്തവാര്‌ക്ക് എമാന കാണ്‌ഗാട്ടി തീയായി ബേ്റ്‌വെന്ത്‌ദ്. അയി ഗളിഗെ മഗെ കാല ആയിന്താദ്‌നാലെ എമാക്ക് നല്ല സളി പ്‌ഡിത്തിന്ത്‌ദ്. അദ്‌നാലെ അവാര് എമാന ബ്‌ളിത്ത് തീബെ്ണ്ടിക്കി കുക്കാസ്‌നാര്.

റോമഗാറാര് 11:15

അവാര്‌ന തള്ള്‌നാദ്‌നാലെ ഉലഗാത്ത്‌ല ജനഗാള്‌ക്ക്‌മ് സാമിക്ക്‌മ് രാജി കൂഡ്യ മുഡിന്ത്‌ദ്. അത്ത്യായിന്ത സാമി ഇസ്‌റവേല്‌ഗാറാര്‌ന ഇന്നി സേത്തി ബെത്തദാന അദ് സത്തവാര് ഉജുര്‌ളാഗുവാദ്‌ക്ക് സമ എന്റല്ലാദെ ബേ്റെന്തെന്റ് സൊല്ല്യാമ്?

റോമഗാറാര് 14:2

ഒന്റൊന്റാള്‌ഗാള് ഏദ് തീനിനാമ് തിന്ന്‌ല എന്റ് നമ്പ്‌ന്റാര്. ആന നമ്പിക്കേല് ഒറേക്കത്തവാന് സൊപ്പുസുണ്ടെ കായികറിഗാള്‌ന താനെ തിന്റാന്.

റോമഗാറാര് 14:21

കറി തിന്നുവാദ്‌നാലേമ് ഊറബെത്ത മുന്തിരി സാര കുഡിക്കുവാദ്‌നാലേമ് ഇദേപാസെ ബേ്റെ എന്താറ്റ ഗേവാദ്‌നാലേമ് നിമ്മ് കൂട്ടാത്ത്‌ലവാന് നമ്പിക്കേന ഇല്ലാദെ മാഡുവദാന അത്തെ ഗേഗാദിര്‌ക്കുവാദ്‌ത്തെ നല്ലാദ്.

റോമഗാറാര് 14:3

എല്ലാദ്‌നാമ് തിന്റവാന് എല്ലാദ്‌നാമ് തിന്നത്തവാന്‌ന ബെലെ ഇല്ലത്തവനായി കാണദേന്. എല്ലാദ്‌നാമ് തിന്നത്തവാന് എല്ലാദ്‌നാമ് തിന്റവാന്‌ന കുറ്റ ബിദിക്ക ബേ്ഡ. എന്ത്‌ക്കെന്റ് സൊന്ന സാമി അയാള്‌നാമ് തങ്കാരിത്തിര്‌ക്ക്‌ന്റാനല്ല.

റോമഗാറാര് 15:1

നമ്പിക്കേല് നല്ല ഒറേപ്പുള്ളവാര് ആയിര്‌ക്കുവ നമ്മ നമ്പിക്കേല് ഒറേപ്പില്ലാദെ പെ്ളേക്ക്‌ന്റവാര്‌ന കയിതാങ്കുഡൊ. നമാക്ക് പിര്യ ബരുസ്സുവ കാര്യഗാള്‌ന താനെ ഗേഗാദേന്.

റോമഗാറാര് 15:7

അദ്‌നാലെ സാമിക്ക് മദ്‌പ്പ് കെ്ഡേക്ക്യ ബേ്ണ്ടി ക്‌റ്‌സ്‌ത്ത് നിമാന സേത്തി ബെത്ത പാസെ നിമ്മാമ് ആങ്കീങ്ക് സേത്തി ബെക്കുഡൊ.

റോമഗാറാര് 4:19

ഒപ്പതപ്പ തനാക്ക് നൂറു ബയിസ്സ് ആനാദ്‌നാമ് തന്ന് സരിഗല സോറ്റു പോനാദ്‌നാമ് സാറാക്ക് പ്‌ള്ളെ ഇക്കുവാദ് നിന്റാദ്‌നാമ് അയാള്‌ക്ക് തെരിന്ത്‌ദ്. എന്റിന്ത് ഗുഡി അയാള് നമ്പിക്കേന ബ്‌ഡാദിന്താന്.

1 കൊരിന്ത്യഗാറാര് 9:22

മനേസ്സ്‌ല് ഒറേപ്പില്ലത്തവാര്‌ന കെ്ഡേസ്യ ബേ്ണ്ടി അവാര് പട്ട്‌ല് നാന് അവാര്‌ന പാസെ ആനേന്. എത്തെന്റാല് മാഡി ലേസ ആള്‌ഗാള്‌ന കാപാറ്റ്യ ബേ്ണ്ടി നാന് എല്ലാ ആള്‌ഗാള്‌ക്ക് ബേ്ണ്ടി എല്ലാ ആള്‌ഗാള്‌ന പാസെ ആനേന്.

പിലിപ്പ്യഗാറാര് 2:29

ആണ്ടവാന്‌ക്ക് മെച്ച്‌പ്‌ഡിത്ത ഇവാന്‌ന പിര്യപിര്യാത്തോഡ നിമ്മ തങ്കാരിക്കുഡൊ. ഇത്തവാള്‌ഗാള്‌ന നിമ്മ മദ്‌സുഡൊ.

1 തെസെലോനിക്ക്യഗാറാര് 5:14

ഏസ്സ്‌ഗാറാരെ, കള്ള ബ്‌ന്ത് നഡാക്ക്‌ന്റവാര്‌ന നിമ്മ മെ്റ്‌ട്ട്‌ന്, ദയിരില്ലത്തവാര്‌ന ദയിരപഡ്‌സ്‌ന്, കുറ്റകൊറേവു ഇര്‌ക്ക്‌ന്റവാര്‌ന കയിതാങ്ക്‌ന്, എല്ലാ ആള്‌ഗാളോഡാമ് മ്‌ഗ്‌ന്ത പൊറിമോഡ ഇര്‌ന്.

എവുറായാര് 5:14

ആന ദൊഡ്ഡവാര് തിന്നുവ തീനി ദൊഡ്ഡുനവാര്‌ക്ക്‌ത്തെ. അവാര് നല്ലാദ് കെ്ട്ടാദ് എന്തെന്റ് നെപ്പ്‌കെ്ഡേസ്യ പഡിത്ത് പളാഗ്‌നവാര്‌ത്തെ.

2 ഓഗന്നാന് 1:10

ക്‌റ്‌സ്‌ത്ത് പഡ്‌സ്‌ന കാര്യഗാള്‌ക്ക് കെ്ട്ട്‌പട്ട് നഡാക്കുവാദ് പറ്റാദെ ബേ്റെ കാര്യഗാള്‌മ് ഗേഡൊ എന്റ് പഡിസ്യ ബന്റവാര്‌ന നിമ്മ ബിനാത്താമ് ബേ്ഡ, ബീ്ഡ്‌ക്ക് സേത്താമ് ബേ്ഡ.