റോമഗാറാര് 12:7 - സാമി സേദി7 ഉദാവി ഗേവാദ്‌ക്കുള്ള ബര കെ്ഡേത്തവാന് ഉദാവി ഗേഡൊ. പഡുസുവ ബര കെ്ഡേത്തവാന് പഡുസുഡൊ. အခန်းကိုကြည့်ပါ။ |
റോമഗാറാര് 12:7
31 ပူးပေါင်းရင်းမြစ်များ
ക്‌റ്‌സ്‌ത്ത് സരിഗല ആയിര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂട്ടുമുറിഗാളായി സാമി മുദാല് അപ്പോസുത്തലാര്‌നാമ്, റണ്ടാവാദ് സാമി സാമിദാസ്‌ഗാള്‌നാമ്, മൂണാവാദ് ബേദബാത്ത്യനാമ്‌ഗാള്‌നാമ് എ്ഡ്‌ത്ത് ബെത്തറ്‌ന്റാന്. പിന്നെ അദിസ്യുള്ള കാര്യഗാള് ഗേന്റവാര്‌നാമ്, നോയി തെ്ള്‌സുവ ബര ഇര്‌ക്ക്‌ന്റവാര്‌നാമ്, ഉദാവി ഗേവ ബര ഇര്‌ക്ക്‌ന്റവാര്‌നാമ്, ഏസ്സ്‌ഗാറാര് കൂട്ടന നഡാത്തുവ ബര ഇര്‌ക്ക്‌ന്റവാര്‌നാമ്, പല ദിന്‌സ് നായഗാള്‌ല് നായനൊഡിവ ബര ഇര്‌ക്ക്‌ന്റവാര്‌നാമ് എ്ഡ്‌ത്ത് ബെത്ത്‌റ്‌ന്റാന്.
അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.
അദ്‌താനേമല്ല, പെരിഗി കൊണ്ട്‌റ്‌ക്കുവ തന്ന് സരിഗലായിര്‌ക്കുവ ഏസ്സ്‌ഗാറാര് കൂട്ടാത്ത്‌ല ആള്‌ഗാള് സാമി മഗാനായിര്‌ക്കുവ ഏസ്സ്‌ന പറ്റി നലമായി തെരിന്ത്, സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ന്റവാരായി പെ്ളേക്കുവ പെ്ളേപ്പ്‌ല് ഒറേപ്പിര്‌ക്ക്‌ന്റവാരായിമ്, സാമിന നമ്പി നഡാക്കുവ പെ്ളേപ്പ്‌ല് ഒത്തിമോഡ ഇര്‌ക്ക്‌ന്റവാരായിമ്, ഏസ്സ് ക്‌റ്‌സ്‌ത്ത്‌ന പാസെ ആഗമാട്ട്‌ക്ക് നമ്മ് കൂട്ടാത്ത്‌ല് ലേസ ആള്‌ഗാള്‌ന ഏസ്സ് ക്‌റ്‌സ്‌ത്ത്‌ന തെര്യാദിര്‌ക്കുവ എ്ഡെഗാള്‌ക്ക് പോയി അപ്പോസുത്തലാര് ഗിലാസ ഗേയാമ്, ബേ്റെ ലേസ ആള്‌ഗാള്‌ന സാമി സൊല്ലുവാദ്‌ന സൊല്ലുവ സാമിദാസ്‌ഗാള് ഗിലാസ ഗേയാമ്, ബേ്റെ ലേസ ആള്‌ഗാള്‌ന ഏസ്സ്‌ന പറ്റി സൊല്ലുവ നല്ല സേദിന സൊല്ലുവ ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ഗാറാര് കൂട്ടന നഡാത്തുവ മാട്ട്യാന് ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ന പറ്റ്യുള്ള സത്ത്യാന ഏസ്സ്‌ഗാറാര് കൂട്ടാക്ക് പഡിസി കൊഡുക്കുവ ഗിലാസ ഗേയാമ് എ്ഡ്‌ത്ത് ബെത്ത്‌റ്‌ന്റാന്.
ကြော်ငြာတွေ