റോമഗാറാര് 12:3 - സാമി സേദി3 നിമ്മ എത്തവാള്‌ഗാള് എന്റ് നിമാക്കെ തെരിമ്. ആന അദ്‌ന ബ്‌ഡ നിമ്മ ദൊഡ്ഡവാര് എന്റ് നെനേക്കാദെ സാമി ഒന്റൊന്റാള്‌ക്ക് തന്ത്‌റ്‌ക്കുവ നമ്പിക്കേക്ക് തഗ്‌ന്ത പാസെ ബുദ്ദ്യുള്ളവാരായി നെനേക്കുഡൊ എന്റ് സാമി എനാക്ക് ഗേന്ത പ്‌ണ്ണ്യാത്ത്‌ല് നിമാക്ക് സൊന്റെ. အခန်းကိုကြည့်ပါ။ |
റോമഗാറാര് 12:3
47 ပူးပေါင်းရင်းမြစ်များ
അദല്ലാദെ താനെ ഒന്റു സരിഗലാത്ത്‌ല് ഇര്‌ക്കുവ ഒന്റൊന്റു മൂട്ടുമുറിഗാള് ഒന്റുക്കൊന്റു മൂണ്ടു അദാദ് ഗിലാസ ഗേന്ത് അയി സരിഗലന എത്തെ ദൊഡ്ഡുസുന്റൊ അദേപാസെ ഏസ്സ്‌ഗാറാര് കൂട്ടാത്ത്‌ല് ഇര്‌ക്കുവ നമ്മൊട്ടുക്കുമു ആങ്കീങ്ക് സീവാന്‌ബെത്ത് അവനവാന് ഗിലാസഗാള്‌ന ഗേന്ത് നമ്മൊട്ടുക്കു സാമിക്കിര്‌ക്കുവ ഗുണ ഉള്ളവാരായി തീരുഡൊ.
എന്ത്‌ക്കെന്റ് സൊന്ന നിമ്മ ഗേവ പാവഗാള്‌ന അഡ്യോഡ പ്‌ഡിങ്കി തള്ളാദെ പെ്ളേത്ത പെ്ളേപ്പ്‌ല് സാമി കണ്ണ്‌ക്ക് നിമ്മ സത്തവാര്‌ന പാസെ ഇന്ത്‌റ്. ആന നിമ്മ ഗേവ പാവഗാള്‌ക്ക് ബേ്ണ്ടി ഏസ്സ് തന്ന് സാവുനാലെ ഗേന്താദ്‌ന നിമ്മ നമ്പ്‌ഗാട്ടി നിമ്മ ഗേവ പാവഗാള്‌ക്ക് പൊറിമെ കെ്ഡേത്ത് ക്‌റ്‌സ്‌ത്തോഡ നിമ്മ ഉജുര്‌ളാഗ്‌ന്റ്‌റ്.
നമ്മ് ആണ്ടവാന് എന്നാല്‌ക്ക്‌മ് എനാന അളാവുക്കു മീ്റി ഗവപഡ്‌ന്റാന്. അദേപാസെ അളാവുക്കു മീ്റി എന്നോഡ സീവാന്‌മ് ബെത്ത്‌റ്‌ന്റാന്. അത്തെ തനാന നമ്പ്യാമ്, അഡ്‌ത്തവാരോഡ സീവാന്‌ബെത്ത് നഡാക്ക്യാമ് എനാന കയിതാങ്ക്‌ന്റാന്. ഇദൊട്ടുക്കു നമാക്ക് കെ്ഡേത്താദ് എത്തെന്റ് സൊന്നദാന, ക്‌റ്‌സ്‌ത്ത് ഏസ്സോഡ ഒന്റായിര്‌ക്കുവാദ്‌നാലെത്തെ കെ്ഡേത്താദ്.
അദേപാസെ പെ്ണ്ണ്‌മക്കാള്‌മ് ബുദ്ദില്ലാത്ത ദിന്‌സ്‌ല് ഉഡുപ്പുസഡ്‌പ്പിക്ക്യ പാങ്കില്ലെ. നാണമാനാക്ക് എ്ണേന്ത ദിന്‌സ്‌ല് ഇക്കി നഡാക്കുഡൊ. തലേന പല ദിന്‌സ്‌ല് കൊണ്ടെ കെ്ട്ടി കൊണ്ടൊ, പൊന്നുലൊ ബെലെപെറ്റ മുത്തുലൊ മാഡിര്‌ക്കുവ തൊനെവര ജാദിഗാള്‌ന ഇക്കി കൊണ്ടൊ, ബെലെപെറ്റ ഉഡുപ്പുസഡ്‌പ്പിക്കി കൊണ്ടൊ അല്ല പെ്ണ്ണ്‌മക്കാള് തൊട്ടു തൊനേന്ത് നഡാക്കുവാദ്.
ഇത്തെ സാമി ഗവ പട്ടാദ്‌നാലെ സാമിന മദിസ്യ ഉവഗരപഡാത്ത കാര്യഗാള്‌ന ഗേഗാദിര്‌ക്കുഡൊ എന്റ്‌മ്, ഉലഗാത്ത്‌ല ജനഗാള് പെ്ളേക്കുവ പാസെ പെ്ളേക്ക്യ ആസെപഡാദിര്‌ക്കുഡൊ എന്റ്‌മ് നമാന പഡ്‌സ്‌ന്റ്. അദ്‌താനേമല്ല ഈ ഉലഗാത്ത്‌ല് ബുദ്ദ്യുള്ളവാര് ആയിര്‌ക്ക്യാമ്, നേര്‌മെഗാറാര് ആയിര്‌ക്ക്യാമ്, സാമിക്ക് മെച്ച്‌പ്‌ഡിത്ത ദിന്‌സ്‌ല് പെ്ളേക്ക്‌ന്റവാര് ആയിര്‌ക്ക്യാമ് നമാന പഡ്‌സ്‌ന്റ്.
അച്ചനാമ്‌ഗാള് കെ്ട്ട ആസെഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ആളാഗാത്തവാര്‌മ്, ആള്‌ഗാള് മദ്‌സ്‌ന്റവാര്‌മ്, നല്ല ബുദ്ദ്യോഡ പെ്ളേക്ക്‌ന്റവാര്‌മ് ആയിര്‌ക്ക്യ അച്ചനാമ്‌ഗാള്‌ക്ക് സൊല്ലു. അവാര് ഏസ്സ്‌ന ഒറേപ്പോഡ നമ്പിര്‌ക്ക്‌ന്റവാര്‌മ്, നല്ല സീവാന്‌ബെത്ത് നഡാക്ക്‌ന്റവാര്‌മ്, കജട്ട താങ്ക്യ മുഡിന്റവാര്‌മ് ആയിര്‌ക്കുഡൊ.
അദ്‌നാലെ സാമിന ബ്‌ട്ട് പ്‌റ്‌ന്ത് പോഗാദിര്‌ക്ക്യ ആസെപഡ്‌ന്റവാര്‌ന സാമി അപ്പാര ഗവപഡ്‌ന്റാന്. എന്ത്‌ക്കെന്റ് സൊന്ന <<പെരിമെനായ സൊല്ലിനഡാക്ക്‌ന്റവാര്‌ന സാമി പോട്ടിഗാറാരായി കണാക്ക് മാഡ്‌ന്റാന്. സാമി കണ്ണ്‌ക്ക് തണിന്ത് പെ്ളേക്ക്‌ന്റവാര്‌ന സാമി അപ്പാര ഗവപഡ്‌ന്റാന്>> എന്റ് സാമി ബൊക്കുലു എ്ള്‌ദിര്‌ക്കുവാദ്‌നാലെത്തെ.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
ကြော်ငြာတွေ