റോമഗാറാര് 12:2 - സാമി സേദി

² ബേ്റെ ആള്‌ഗാള്‌ന പാസെ നിമ്മ പെ്ളേക്കാദെ സാമി കണ്ണ്‌ക്ക് നല്ലാദ്‌മ് മെച്ച്‌പ്‌ഡിത്താദ്‌മ് നേര്‌മെ ഉള്ളാദ്‌മാന കാര്യഗാള് എന്തെന്റ് നെപ്പ്‌കെ്ഡേസ്യ ബേ്ണ്ടി നിമ്മ് മനേസ്സ്‌ന മാറ്റ്യ നിമാന സാമി കയിക്ക് ഒപ്പിസി കൊഡുനു.

റോമഗാറാര് 12:2 ပူးပေါင်းရင်းမြစ်များ

മത്തായി 13:22

മുള്ളു ഗുമ്പു പട്ട്‌ക്ക് അലേന്ത ബെദെ അര്‌ത്ത മാഡുവാദ് സാമി സൊല്ലുസുലാക്കന കേ്ട്ട് തങ്കാരിക്ക്‌ന്റവാന്‌നത്തെ. എന്റാല്‌മ് ഈ ഉലഗാത്ത്‌ല് ബരുവ കജട്ടനജട്ടഗാള്‌മ് പണാസേമ് കേ്ട്ട സാമി സൊല്ലുസുലാക്കന നെജിക്കി ഉവഗര ഇല്ലത്താദ് മാഡ്‌ന്റ്.

മര്‌ക്കോസു 4:19

ഈ ഉലഗാത്ത്‌ല് ബരുവ കജട്ടനജട്ടഗാള്‌മ്, പണാസേമ്, ബേ്റെ പല കെ്ട്ട ആസെഗാള്‌മ് സാമി സൊല്ലുസുലാക്കന നെജിക്കി ഇല്ലാദെ മാഡ്‌ന്റ്. അവാര് ഒന്റുക്കുമു ഉവഗരപഡമാട്ടാര്.

ഓഗന്നാന് 14:30

നാന് ഇന്നി നിമ്മോഡ എഞ്ചോ ഗളിഗെ നായനൊഡ്യമാട്ടെ, എന്ത്‌ക്കെന്റ് സൊന്ന ഈ ഉലഗാന ആള്‌ന്റവാന് ബന്റാന്, ആന അയാള്‌ക്ക് എനാന ആള്യ ഒന്റു അദിഗരാമ് ഇല്ലെ.

ഓഗന്നാന് 15:19

നിമ്മ ഉലഗാക്ക് പട്ടവാര് ആയിന്തദാന അവാര് നിമാന തമാക്ക് സൊന്ത എന്റ് സൊല്ലി സീവാന്‌ബെത്തിന്ത്‌റ്‌ക്കുവാര്. ആന നിമ്മ ഉലഗാക്ക് പട്ടവാര് അല്ലത്താദ്‌നലേമ് നാന് നിമാന ഉലഗാത്ത്‌ലിന്ത് തെരിന്തെ്ഡ്‌ത്താദ്‌നാലേമ് അവാര് നിമാന തൊറേന്ത് തള്ള്‌ന്റാര്.

ഓഗന്നാന് 17:14

നീ എനാക്ക് സൊന്ന സേദിന നാന് അവാര്‌ക്ക് സൊല്ലി കൊഡുത്ത്‌റ്‌ക്ക്‌ന്റെ. നാന് ഉലഗാക്ക് പട്ടവാന് അല്ലാത്ത പാസെ ഇവാര്‌മ് ഉലഗാക്ക് പട്ടവാര് അല്ലാത്തനാലെ ഉലഗാത്ത്‌ലവാര് അവാര്‌ന തൊറേന്ത് തള്ള്‌നാര്.

ഓഗന്നാന് 7:7

ഉലഗാത്ത്‌ല ആള്‌ഗാള്‌ക്ക് നിമാന തൊറേയ മുഡ്യാമാട്ട. ആന അവാര് ഗേവ കാര്യഗാള് കെ്ട്ട കാര്യഗാള് എന്റ് നാന് സൊല്ലുവാദ്‌നാലെ അവാര് എനാന തൊറേന്റാര്.

റോമഗാറാര് 12:1

അദ്‌നാലെ ഏസ്സ്‌ഗാറാരെ, സാമിക്ക് നമ്മോഡിര്‌ക്കുവ ഗവാന ബെത്ത് നോഡി നാന് നിമാക്ക് ബുദ്ദി സൊല്ലി പഡുസുവാദ് എന്തെന്റ് സൊന്ന: സാമിക്ക് മെച്ച്‌പ്ഡിത്ത്‌റ്‌ക്കുവാദ്‌മ് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവാദ്‌മാന ഉജുരുള്ള പലി മാഡി നിമാന സാമിക്ക് ഒപ്പിസി കൊഡുനു. ഇദ്‌ത്തെ നേര്‌മാന സാമി കുമ്മുഡ.

റോമഗാറാര് 13:14

ആണ്ടവാന് ഏസ്സ് ക്‌റ്‌സ്‌ത്ത്‌ക്ക് ഇര്‌ക്കുവ ഗുണഗാള് താനെ ഉള്ളവാരായി നഡാന്. സരിഗല ആസെപഡുവ കെ്ട്ട ആസെഗാള്‌ന ഗേയ ബേ്ണ്ടി അദ്‌ക്കായി നെനേക്കാദേന്.

റോമഗാറാര് 7:12

അദ്‌നാലെ സാമിസട്ട സുത്താപ്പുള്ളാദ്‌മ് കല്‌പനെ സുത്താപ്പുള്ളാദ്‌മ് നേര്‌മ് നല്ലാദ്‌മ്‌ത്തെ.

റോമഗാറാര് 7:14

സാമി പട്ട്‌ലിന്ത് കെ്ഡേത്താദ്‌ത്തെ സാമിസട്ട എന്റ് നമാക്ക് തെരിന്റ്. ആന നാന് ബേ്റാള്‌ഗാള്‌ന പാസെ പാവ ഗേവ പളാക്ക ഉള്ളവാന്‌ത്തെ, പാവാക്ക് ആളായിര്‌ക്ക്‌ന്റവാന്‌മ്‌ത്തെ.

റോമഗാറാര് 7:22

എന്ന് മനേസ്സ്‌ല് നാന് സാമിസട്ടന പിര്യപൊങ്കുന്റെ.

1 കൊരിന്ത്യഗാറാര് 3:19

എന്ത്‌ക്കെന്റ് സൊന്ന മന്‌സാന് കണ്ണ്‌മുന്നുക്കു ബുദ്ദി എന്റ് നെനേക്കുവാദ് സാമി കണ്ണ്‌ക്ക് ബുദ്ദിഗെ്ട്ടാദ്‌ത്തെ. സാമി സൊല്ലുസുലാക്കാത്ത്‌ല്: <<അറിവാള്‌ഗാള്‌ന അവാര് ഗേവ തന്ത്‌റാത്ത്‌ല് സാമി സിക്ക്‌സ്‌ന്റാന്.>>

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

2 കൊരിന്ത്യഗാറാര് 5:17

ഒരുത്താന് ക്‌റ്‌സ്‌ത്തോഡ ഒന്റായി എ്ണേന്ത അയാള് പുദ്യാദായി ദ്‌ട്ട്‌സ്‌നവാന് ആയിര്‌ക്ക്‌ന്റാന്. പള്യാദെല്ല ഒയിന്ത് പോയി പുദ്യ പെ്ളേപ്പ് തുഡാങ്കിര്‌ക്ക്‌ന്റ്.

ഗലാത്ത്യഗാറാര് 1:4

നമ്മ് പാവാന തീത്ത് ഈ കേ്ഡ്‌ഗെ്ട്ട ഉലഗാത്ത്‌ലിന്ത് നമാന കാപാറ്റ്യ ബേ്ണ്ടി ക്‌റ്‌സ്‌ത്ത് തനാന താനെ പലി കൊഡുത്താന്. ഇദ്‌ത്തെ അപ്പാനാന സാമി ആസെപട്ടിന്ത കാര്യ.

എപസോസുഗാറാര് 1:18

സാമി നമാന തന്ന് പ്‌ള്ളെഗാളായി തെരിന്തെ്ഡ്‌ത്ത ഉരിമേക്കിര്‌ക്കുവ മദ്‌പ്പ്‌ന പറ്റിമ് സാമി തന്ന് പ്‌ള്ളെഗാള്‌ക്ക് കൊഡുത്ത്‌റ്‌ക്കുവ ബാക്ക്‌വരഗാള്‌ക്ക് നമാന പങ്ക്‌ഗാറാര് മാഡിര്‌ക്കുവ മദ്‌പ്പ്‌ന പറ്റിമ് നിമാക്ക് സൊക്കാന തെരിവ ബുദ്ദി ബര്യ ബേ്ണ്ടി നാന് പരേസ്‌ന്റെ.

എപസോസുഗാറാര് 2:2

അയി ഗളിഗേല് നിമ്മ ഉലഗാത്ത്‌ല് ബേ്റെ ആള്‌ഗാള്‌ന പാസെ സാമി സൊല്ലുപഡിക്ക് നഡാക്കാദെ പെ്ളേത്തിന്ത്‌റ്. എന്ത്‌ക്കെന്റ് സൊന്ന സാമി സൊല്ലുപഡിക്ക് നഡാക്കാത്തവാര്‌ന ഇന്നാല്‌മ് നഡാത്തുവാദ് മാഗെലോഗന ആണ്ട്‌റ്‌ക്കുവ ഗരഗഗാള്‌ത്തെ. ഈ ഗരഗഗാള്‌ത്തെ മുന്നുക്കു നിമ്മ് പെ്ളേപ്പ്‌നാമ് നഡാത്തിന്താദ്.

എപസോസുഗാറാര് 5:17

ഇല്ലെന്റ് കണ്ട നിമ്മ് പെ്ളേപ്പ് അറുവില്ലാത്ത പെ്ളേപ്പായി പോമു. ആന നിമ്മ് മനേസ്സ്‌ക്ക് സാമിനിഗാല് തരുവ നെനേവുലേ ഇന്ത് നിമ്മ പെ്ളേത്തദാന സാമി മനേസ്സിലിര്‌ക്കുവാദ്‌ന തെരിന്ത് നിമ്മ അറുവിര്‌ക്കുവ പെ്ളേപ്പ് പെ്ളേക്ക്‌ന്റവാരാവുറു. അദ്‌ന തള്ളി കുഡിക്കുവ പളാക്കാക്ക് അഡിമ്യാന സേത്തി സേത്തി കെ്ട്ട കാര്യഗാള് ഗേന്ത് പെ്ളേക്കുവുറു.

കൊലേസ്യഗാറാര് 1:9

അദ്‌നാലെ ഈ കാര്യഗാള്‌ന കേ്ട്ട നാള്‌ലിന്തേ സാമി പിര്യാന പറ്റി തെരിവ അറുവുലു നിമ്മ ദൊഡ്ഡവാരായ ബേ്ണ്ടിമ് നിമ്മ് നിഗാല് കുട്ടിക്ക് ബേ്ഡ്‌മാന എല്ലാ അറുവുലു നിമ്മ ദൊഡ്ഡവാരായ ബേ്ണ്ടിമ് എമ്മ ഒപ്പ പരേസ്‌ന്റേമ്.

കൊലേസ്യഗാറാര് 3:10

ഏസ്സ്‌ന ഉജുര്‌ളാക്ക്‌ഗാട്ടി തന്ന് നാഡ്‌ല് പെ്ളേക്കുവാദ്‌ക്ക് തഗ്‌ന്ത ഉരുവാത്ത്‌ല് നിമാനാമ് ഉജുര്‌ളാക്ക്‌നാന്. അദ്‌നാലെ അദ്‌ക്ക് തഗ്‌ന്ത ഗുണാത്ത്‌ല് നിമ്മ പെ്ളേന്.

കൊലേസ്യഗാറാര് 4:12

നിമ്മ് പട്ട്‌ലിന്ത് ഈങ്ക് ബന്ത എപ്പപ്‌റോസുമു നിമ്മ നലമായി ഇര്‌ക്ക്‌ന്റ്‌റ എന്റ് കേ്ള്‌ക്ക്‌ന്റാന്. സാമി മനേസ്സ്‌ലിര്‌ക്കുവ കാര്യഗാള്‌ന നിമ്മ തെരിന്ത് നിമ്മ ഏസ്സ്‌ന പാസെ ആഡൊ എന്റ് ഒപ്പ പരേസികൊണ്ടു ഏസ്സ് ക്‌റ്‌സ്‌ത്ത്‌ക്ക് ബേ്ണ്ടി നല്ല ഗിലാസ ഗേന്റാന്.

1 തെസെലോനിക്ക്യഗാറാര് 4:3

നിമ്മ സുത്താപ്പോഡ പെ്ളേക്കുവാദ്‌ത്തെ സാമിക്ക് മെച്ച്‌പ്‌ഡിത്ത കാര്യ. നിമ്മ കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ന തള്ളി പെ്ളേന്.

തീത്തോസു 3:5

നമാന കാപാറ്റ്‌നാന്. നമ്മ ഗേന്ത നല്ല കാര്യഗാള്‌നാലെ അല്ല, സാമിക്ക് ബേ്റ്‌വെന്താദ്‌നാലെത്തെ നമാന കാപാറ്റ്‌നാദ്. സാമി തന്ന് നിഗാല്‌ന ബെത്ത് നമാന പുദ്യ മന്‌സാന്‌മ് മാഡ്‌നാന്, നമ്മ് പാവാന തീത്ത് ബെ്ഡിപ്പ് മാഡി നമാക്ക് മറ്‌പ്‌റാപ്പ്‌മ് തന്താന്.

ആക്കോവു 1:27

ദബാരിഗാള്‌ക്ക്‌മ് മ്‌ണ്ടേസ്യാര്‌ക്ക്‌മ് കജട്ട ബര്‌ഗാട്ടി അവാര്‌ന കയി താങ്കുവാദ്‌മ് ഈ ലോഗാത്ത്‌ലിര്‌ക്കുവ ആഗാത്ത കാര്യഗാളൊന്റുമു ഗേഗാദെ തനാന താനെ സൂസാരിക്കുവാദ്‌മ്‌ത്തെ സാമി കണ്ണ്‌ക്ക് മെച്ച്‌പ്‌ഡിത്ത ബക്‌തി.

ആക്കോവു 4:4

ഈ ഉലഗാത്ത്‌ല് പെ്ളേക്കുവ പെ്ളേപ്പ്‌ക്ക് ആസെപഡ്‌ന്റവാര് ബേസ്യാഡ്‌ന്റവാര്‌ന പാസെത്തെന്റ് നിമാക്ക് തെരിവാദില്ലേഗ? അദ്‌നാലെ ഉലഗാത്ത്‌ല പെ്ളേപ്പ്‌ക്ക് ആസെപഡ്‌ന്റവാര് സാമ്യോഡ പോട്ടിപ്‌ഡിക്ക്‌ന്റവാര് ആന്റാര്.

1 പത്ത്‌റോസു 1:14

മുന്നുക്കു സത്ത്യമാന സാമിന തെര്യാദിന്ത കാലാത്ത്‌ല് നിമാക്കിന്ത കെ്ട്ട ആസെഗാള്‌ന പാസെ പെ്ളേക്ക്യ ബേ്ണ്ടി നിമ്മ ആസെപഡാദേന്. അദ്‌ക്ക് ബദ്‌ല നിമാന ബ്‌ളിത്ത സാമി പച്ചെപാലഗാന് ആയിര്‌ക്കുവ പാസെ നിമ്മ സൊല്ലുപേസ് കേ്ള്‌ക്ക്‌ന്റവാരായി നിമ്മ ഗേവ എല്ലാ കാര്യഗാള്‌ല്‌മ് നിമ്മ പച്ചെപാലഗനാമായി ഇര്‌ന്.

1 പത്ത്‌റോസു 1:18

നിമ്മ് പാട്ടിപാട്ടനാമ് ബെത്ത സട്ട്‌മെ്ട്ട്‌പഡി പെ്ളേത്തിന്ത അര്‌ത്തില്ലാത്ത പെ്ളേപ്പ്‌ലിന്ത് നിമാന തിരിക്കി എ്ഡ്‌ക്ക്യ ബെലെ കൊഡുത്താദ് പൊന്നൊ ബെ്ള്ള്യൊ അത്തെ ഇര്‌ക്കുവ അളിന്ത് പോവ ജാദിഗാള്‌ന ബെത്തല്ല.

1 പത്ത്‌റോസു 2:3

എന്ത്‌ക്കെന്റ് സൊന്ന ആണ്ടവാന് എത്ത്‌റ നല്ലവാന് എന്റ് നിമ്മ താനെ കണ്ട്‌റ്‌ക്ക്‌ന്റ്‌റല്ല.

1 പത്ത്‌റോസു 4:2

അദ്‌നാലെ ഇന്നി നിമ്മ ബൂമില് നിമ്മ് പിര്യാക്ക് പെ്ളേക്കാദെ നിമ്മ എത്തെ പെ്ളേക്കുഡൊ എന്റ് സാമി ആസെപഡ്‌ന്റാനൊ അദേപാസെ നിമ്മ പെ്ളേക്കുഡൊ.

2 പത്ത്‌റോസു 1:4

താന് തന്റെ എന്റ് സൊല്ലി ബാക്ക് തന്തിന്ത ബെലെ കൊഡുത്തു ഗെലിസ്യ മുഡ്യാത്ത മ്‌ഗ്‌ന്ത ദാനഗാള്‌മ് അദോഡൊപ്പ നമാക്ക് കെ്ഡേത്ത്‌റ്‌ക്ക്‌ന്റ്. ഈ കാര്യഗാള് നിമാന ഈ ഉലഗാത്ത്‌ല കെ്ട്ട കാര്യഗാള്‌ലിന്ത് തപ്പിസി കഡാക്ക്യാമ് സാമിക്കിര്‌ക്കുവ ഗുണാക്ക് പങ്ക്‌ഗാറാര്‌മ് മാഡ്‌ന്റ്.

2 പത്ത്‌റോസു 2:20

നമ്മ് ആണ്ടവാന്‌മ് കാപാറ്റ്‌ന്റവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ന തെരിന്ത അറുവുന ബെത്ത് ഉലഗാത്ത്‌ല് ഗേവ കെ്ട്ട കാര്യഗാള്‌ലിന്ത് തപ്പിസി കഡാന്തവാര് പിന്നേമ് അയി കെ്ട്ട കാര്യഗാള് ഗേവാദ്‌ക്ക് സിക്കി അഡിമെപട്ട് പോന ഇന്ന്യുള്ള അവാര് പെ്ളേപ്പ് മുദാല്‌ല പെ്ളേപ്പ്‌ന ബ്‌ഡ അപ്പാര മോസായിര്‌ക്ക്‌മ്.

1 ഓഗന്നാന് 3:13

അദ്‌നാലെ ഏസ്സ്‌ഗാറാരെ, ഉലഗാത്ത്‌ല് കയീന്‌ന പാസെ ഇര്‌ക്കുവ ആള്‌ഗാള് നിമാന തൊറേഗാട്ടി നിമ്മ അദിസ്യപഡബേ്ഡ.

1 ഓഗന്നാന് 5:19

സാമ്യോഡ എ്ണേവു ബെത്ത്‌റ്‌ക്കുവ നമ്മ സാമി പ്‌ള്ളെഗാളെന്റ്‌മ് സാമിന തെര്യാത്ത ഉലഗാത്ത്‌ല ആള്‌ഗാള് ഒട്ടുക്കു സെ്യ്‌ത്താന് കാല്‌കഡി ഇര്‌ന്റാര് എന്റ്‌മ് നമാക്ക് തെരിമ്.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 13:8

എന്നാല്‌ക്ക്‌മ് പെ്ളേക്ക്‌ന്റവാര് പേര് എ്ള്‌ദിര്‌ക്കുവ ബൊക്കുലു ഉലഗാന ഉണ്ടാക്കുവാദ്‌ക്ക് മുദാല് താനെ പേര് എ്ള്‌ദാത്ത ബൂമില് ഇര്‌ക്കുവ ആള്‌ഗാള് ഒട്ടുക്കു അദ്‌ന കുമ്മുഡുവാര്. അറ്‌ത്ത് കൊന്റ കൊറ്യാഡ് കുട്ടിത്ത്‌ത്തെ അയി ബൊക്കു.