റോമഗാറാര് 12:11 - സാമി സേദി

¹¹ നിമ്മ കള്ള ബീ്ഗാദെ സുറുസുറുപ്പോഡ ഇന്ത് ആണ്ടവാന് സൊല്ലുവ കാര്യഗാള്‌ന ബക്‌ത്യോഡാമ് മനേസ്സാറാമ് ഗേന്.

റോമഗാറാര് 12:11 ပူးပေါင်းရင်းမြစ်များ

മത്തായി 24:12

കെ്ട്ട കാര്യഗാള് പെ്ര്‌ഗുവാദ്‌നാലെ എഞ്ചോ ആള്‌ഗാള്‌ക്കിര്‌ക്കുവ സീവാന് കൊറേന്ത് പോമു.

മത്തായി 25:26

അദുക്കുള അയി പണ്ണാഡി: <കേ്ഡ്‌ഗെ്ട്ടവാന്‌മ് കള്ളപ്‌ട്ടാന്‌മ് ആന ഗിലാസഗാറാ, നാന് എനാത്തല്ലത്താദ്‌ന എ്ഡ്‌ക്ക്‌ന്റവാന്‌മ്, നാന് ബെ്ളേക്കത്താദ്‌ന അറ്‌ത്തെ്ഡ്‌ക്ക്‌ന്റവാന്‌മ് എന്റ് നിനാക്ക് തെരിന്ത്‌ദ്.

അപ്പോസുത്തലാര് 18:25

അയാള് ആണ്ടവാന് പഡ്‌സ്‌നാദ്‌ന പറ്റി നലമായി പഡിത്തിന്താന്. ഏസ്സ്‌ന പറ്റി നേരാന കാര്യഗാള്‌ന അയാള് സുഡാരത്തോഡ സൊല്ലിമ് പഡിസിമ് ഗേന്താന്. ആന അയാള്‌ക്ക് നീര്‌ക്ക് മുളുഗുസുവാദ്‌ന പറ്റി തെരിന്തിന്താദ് ഓഗന്നാന് നീര്‌ക്ക് മുളുഗുസുനാദ്‌ന പറ്റി താനെത്തെ.

അപ്പോസുത്തലാര് 20:19

ലേസ എഗുദാര് എനാന കൊല്ല്യ സട്ട കെ്ട്ട്‌നാര്. അദ്‌നാലെ നാന് മ്‌ഗ്‌ന്ത കജട്ട പട്ടേന്. അയി ഗളിഗേല് നാന്‌ത്തെ ദൊഡ്ഡവാന് എന്റ് കാട്ടാദെ മ്‌ഗ്‌ന്ത കണ്ണനീരോഡ എന്ന് ആണ്ടവാന് ഗിലാസഗാറാനായി എന്ന് ഗിലാസാന ഗേന്തേന്.

1 കൊരിന്ത്യഗാറാര് 7:22

എന്ത്‌ക്കെന്റ് സൊന്ന ഏസ്സ്‌ഗാറാന് ആന ഒന്റു അഡിമെ ആണ്ടവാന് ഏസ്സ് കണ്ണ്‌ക്ക് അഡിമ്യല്ല. അദേപാസെ ആണ്ടവാന് ബ്‌ളിക്കാട്ടി അഡിമെ അല്ലത്തവാന് ആന ഏസ്സ്‌ഗാറാന് ഇന്നാല് ക്‌റ്‌സ്‌ത്ത്‌ക്ക് അഡിമേത്തെ.

എപസോസുഗാറാര് 4:28

നീ ത്‌റ്‌ട്ടാനായിന്തദാന ത്‌റ്‌ഡുവാദ്‌ന തെ്റിന്ത് തള്ളുഡൊ. അത്തെ ത്‌റ്‌ഡുവാദ്‌ന തെ്റിന്ത് ഏ്ളെമോളേക്ക് ഗുഡി ദാന ഗേയ കെ്ഡേക്കുവാദ്‌ക്കഞ്ച്‌ക്ക്‌മ് നീ നിന്ന് കയില് താനെ പാഡ്‌പട്ട് ഉണ്ടാക്കുഡൊ.

കൊലേസ്യഗാറാര് 4:1

പണ്ണാഡിഗാളെ, നിമാക്ക്‌മ് മേലോഗാത്ത്‌ല് ആണ്ടവാനായിര്‌ക്കുവ പണ്ണാഡി ഇര്‌ക്ക്‌ന്റാന് എന്റ് തെരിന്ത് നിമ്മ് ഗിലാസഗാറാരോഡ നേര്‌മോഡാമ് നായത്തോഡാമ് നഡാന്ത്‌പ്‌ഡിത്ത് ഗേന്.

1 തിമിത്തോസു 5:13

അവാര്‌ന ഈ കൂട്ടാക്ക് സേത്ത്‌നദാന അവാര് കള്ള ബ്‌ന്ത് നേര മാഡി നഡാക്കുവാര്. അദ് താനേമല്ല ബീ്ഡ് ബീ്ഡ പോയി ബേ്റെ ആള്‌ഗാള് കാര്യാക്ക് തലെ ഇക്കി നൊണ്ടു സൊല്ലിമ് നഡാക്കുവാര്.

എവുറായാര് 12:28

അദ്‌നാലെ ഗ്‌ഡ്‌ഗ്‌ഡ ആഡ്‌സ്യ മുഡ്യാത്ത ഒന്റു രാജ്യ നമാക്ക് കെ്ഡേക്കുവാദ്‌നാലെ സാമിക്ക് നമ്മ നണ്ണ്യുള്ളവാര് ആയിര്‌ക്കുഡൊ. അദ്‌താനേമല്ല, സാമിക്ക് മെച്ച്‌പട്ട ദിന്‌സ്‌ല് സാമിന നമ്മ കുമ്മുഡുഡൊ. സാമിക്ക് അഞ്ചിമ് മദ്‌പ്പ് കൊഡുത്തുമു സാമിന കുമ്മുഡുഡൊ.

ആക്കോവു 5:16

അദ്‌നാലെ നിമ്മ് നോയി തീരുഡെന്റദാന മുദാല് നിമ്മ ഗേന്ത കുറ്റനെല്ല ആങ്കീങ്ക് സൊല്ലി തീത്ത് രാജി കൂഡുഡൊ. എന്റിന്ത് ഒരുത്താന് ഇന്ന്യൊന്റൊരുത്താന്‌ക്ക് ബേ്ണ്ടി പരേസുഡൊ. അന്നാപ്പ് സാമി നിമ്മ് നോയിന തെ്ള്‌സുവാന്. കുറ്റകൊറേവില്ലത്തവാന് മനേസ്സാറ പരേസുവ പരേസ നേര്‌മായി പലിക്ക്‌മ്.

1 പത്ത്‌റോസു 1:22

നിമ്മ സത്ത്യാക്ക് കെ്ട്ട്‌പട്ട് നഡാക്കുവാദ്‌നാലെ ഇന്നാല് നിമ്മ നിമാന താനെ സുത്താപ്പുള്ളവാര് മാഡ്‌ന്റ്റ്. അദ്‌നാലെ നിമ്മ ഏസ്സ്‌ന നമ്പിര്‌ന്റവാരോഡ മനേസ്സാറ സീവാന്‌ബെത്ത് കൊണ്ടുമു ആങ്കീങ്ക് ഉജുരുക്കുജുര സീവാന്‌ബെത്ത് കൊണ്ടുമു നഡാന്.

1 പത്ത്‌റോസു 4:8

നിമ്മ ആങ്കീങ്ക് ഉജുരുക്കുജുര സീവാന്‌ബെത്ത് നഡാക്ക്‌ന്റവാര് ആയിര്‌ന്. അദ്‌ത്തെ എല്ലാദ്‌ക്ക്‌മ് ബ്‌ഡ മുക്ക്യമാന കാര്യ. എന്ത്‌ക്കെന്റ് സൊന്ന നിമ്മ അത്തെ സീവാന്‌ബെത്ത് നഡാക്കാട്ടി സീവാന്‌ബെത്ത് നഡാക്ക്‌ന്റവാര് എത്ത്‌റ ദൊഡ്ഡ പാവ ഗേന്താല്‌മ് അദ്‌ന നിമാക്ക് പൊറുക്ക്യ മുഡിമ്.

ബെ്ളിപട്ട കാര്യ 2:4

എന്റാല്‌മ് നിനാന പറ്റി ഈ കുറ്റ എനാക്ക് സൊല്ല്യ ഇര്‌ക്ക്‌ന്റ്, നീ എനാന മുദാല് സീവാന്‌ബെത്തിന്ത പാസെ ഇന്നാല് സീവാന് ബെക്കാലെ.