റോമഗാറാര് 12:1 - സാമി സേദി1 അദ്‌നാലെ ഏസ്സ്‌ഗാറാരെ, സാമിക്ക് നമ്മോഡിര്‌ക്കുവ ഗവാന ബെത്ത് നോഡി നാന് നിമാക്ക് ബുദ്ദി സൊല്ലി പഡുസുവാദ് എന്തെന്റ് സൊന്ന: സാമിക്ക് മെച്ച്‌പ്ഡിത്ത്‌റ്‌ക്കുവാദ്‌മ് സാമിക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ക്കുവാദ്‌മാന ഉജുരുള്ള പലി മാഡി നിമാന സാമിക്ക് ഒപ്പിസി കൊഡുനു. ഇദ്‌ത്തെ നേര്‌മാന സാമി കുമ്മുഡ. အခန်းကိုကြည့်ပါ။ |
റോമഗാറാര് 12:1
49 ပူးပေါင်းရင်းမြစ်များ
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്‌നാദ്‌. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
നിമാക്ക് അത്ത്‌റ നെപ്പ്‌കെ്ഡേസ്യ മുഡ്യാത്താദ്‌നാലെ പൊദുവുലു മന്‌സാന്‌ക്ക് തെരിവ ദിന്‌സ്‌ല് നാന് നിമാക്ക് ഇത്തെ സൊന്റെ, നിമ്മ ഒന്റു കാലാത്ത്‌ല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന മാനതാന ഇല്ലാത്ത കാര്യഗാള്‌ക്ക്‌മ് കെ്ട്ട കാര്യഗാള്‌ക്ക്‌മ് ഒപ്പിസി കൊഡുത്തു കൊണ്ടു കെ്ട്ട കാര്യഗാള് ഗേന്തിന്ത്‌റ്. ആന അദേപാസെ ഇന്നാല് നിമ്മ് സരിഗലാത്ത്‌ല ഒന്റൊന്റു ബാഗഗാള്‌ന സുത്താപ്പുള്ളാദ് മാഡ്യ ബേ്ണ്ടി നേര്‌മെ ഉള്ള കാര്യഗാള്‌ക്ക് അഡിമെ മാഡി ഒപ്പിസി കൊഡുനു.
ആന എനാക്ക് എന്ത് ബന്താല്‌മ് നാന് നാണഗെ്ഡമാട്ടെ. നാന് ഒപ്പ നല്ല ദയിരത്തോഡത്തെ ഇര്‌ക്കുവെ. നാന് ഉജുരോഡിന്തദാന മുന്നുക്കുല പാസെ ഇന്നാല്‌മ് നാന് ഗേവ എല്ലാ കാര്യാത്ത്‌ല്‌മ് ക്‌റ്‌സ്‌ത്ത്‌ന ഉജാത്തി കാട്ടുവെ. സാവദാന നാന് ക്‌റ്‌സ്‌ത്ത്‌ക്ക് ബേ്ണ്ടി സാവാദ്‌നാലെ ക്‌റ്‌സ്‌ത്ത് പേര്‌ക്ക്‌ത്തെ പെരിമെ കെ്ഡേക്ക്‌മ്. ഇദ്‌ത്തെ നാന് ഒപ്പ ആസെപഡുവാദ്‌മ് നെഞ്ചഡെ ബെത്ത്‌റ്‌ക്കുവാദ്‌മ്.
എന്ന് സിലാവുക്കു ബേ്ണ്ടി നിമ്മ എപ്പറത്തോസു കയിക്ക് കൊഡുത്തു ബ്‌ട്ടാദ്‌ന അയാള് എനാക്ക് എ്ഡ്‌ത്തന്ത് തന്താന്. അദ് എനാക്ക് എക്കസക്കാമ് എന്ന് സിലാവു കളിന്തല്ലാദെ മിച്ചാമ് ഇര്‌ക്ക്‌ന്റ്. നിമ്മ കൊഡുത്തു ബ്‌ട്ടാദ് സാമിക്ക് ഗമ്‌ഗമ ബാഡെ അഡിക്കുവ ഒന്റു പലിന പാസെത്തെ. സാമി അദ്‌ന പിര്യപിര്യാത്ത് തങ്കാരിത്ത്‌റ്‌ന്റാന്.
ഏസ്സ്‌ഗാറാരെ, കഡേഗല നാന് ഒന്റുഗുഡി സൊല്ലുവാദ് എന്തെന്റ് സൊന്ന: സാമി മെച്ചുവാദ്‌ക്ക് തഗ്‌ന്ത ദിന്‌സ്‌ല് എത്തെ പെ്ളേക്കുഡൊ എന്നുവാദ്‌ന നിമ്മ എമ്മോഡിന്ത് പഡിത്ത്‌റ്‌ന്റ്‌റ്. അദേപാസെത്തെ നിമ്മ ഇന്നാല് പെ്ളേക്ക്‌ന്റ്‌റ്. ആന ഇന്നിമ് സേത്തി സേത്തി സാമിക്ക് മെച്ച്‌പ്‌ഡിക്കുവാദ്‌ക്ക് തഗ്‌ന്ത ദിന്‌സ്‌ല് നിമ്മ പെ്ളേക്കുഡൊ എന്റ് ആണ്ടവാന് ഏസ്സ് അദിഗരാത്ത്‌ല് എമ്മ നിമാക്ക് ബുദ്ദി സൊല്ലി ബേ്ണ്ടി കൊള്ളുന്റേമ്.
ကြော်ငြာတွေ