റോമഗാറാര് 11:22 - സാമി സേദി

²² അദ്‌നാലെ സാമി എത്ത്‌റ ഗവഗാറാനെന്റ്‌മ് എത്ത്‌റ കഡ്‌പ്പുള്ളവാന് എന്റ്‌മ് ഇദ്‌ന ബെത്ത് കാണ്‌ല. തപ്പി പോനവാര്‌ക്ക് സാമി കഡ്‌പ്പുള്ളവാന്‌ത്തെ. ആന സാമി പഡുവ ഗവന നമ്പികൊണ്ടു ഇര്‌ക്ക്‌ന്റവാര്‌ന സാമി ഗവപഡ്‌ന്റാന്. അത്തെ ഇര്‌ക്കാദെ പോന സാമി നിനാനാമ് ബെ്ട്ടി തള്ളുവാന്.

റോമഗാറാര് 11:22 ပူးပေါင်းရင်းမြစ်များ

എവുറായാര് 3:14

എന്ത്‌ക്കെന്റ് സൊന്ന നമാക്ക് മുദാലിന്ത അദേ നമ്പിക്കേന കഡേസി മാട്ട്‌മ് ബ്‌ഡാദിന്തദാന നമ്മ ക്‌റ്‌സ്‌ത്തോഡ പങ്ക്‌ഗാറാര് ആല.

എവുറായാര് 3:6

ആന ക്‌റ്‌സ്‌ത്ത് സാമിബീ്ഡ്‌ന നോഡിനഡാത്തുവ കാര്യാത്ത്‌ല് ഒന്റു മഗാന്‌ന പാസെ നമ്പ്യ മുഡിന്റവാന് ആയിര്‌ക്ക്‌ന്റാന്. നമ്മ നമ്പിക്കേല് ദയിര ഉള്ളവാര്‌മ് നമ്മ നെഞ്ചഡെ ബെത്ത്‌റ്‌ക്കുവാദ്‌ല് പെരിമെ ഇര്‌ക്ക്‌ന്റവാര്‌മ് ആയിന്തദാന നമ്മാത്തെ അയാള് ബീ്ഡ്.

1 കൊരിന്ത്യഗാറാര് 15:2

നാന് നിമാക്ക് സൊന്ന അയി നല്ല സേദിന ഒറേപ്പായിമ് നമ്പ്‌നദാന നിമ്മ തപ്പിസി കഡാക്ക്‌ന്റ്‌റ്, നമ്പാദെ പോന നിമ്മ് നമ്പിക്കെ ബെ്റ്‌ദ്യായി തള്ള്‌മ്.

ഓഗന്നാന് 15:2

എന്നോഡിന്ത് മൊളേത്ത് കായി ബ്‌ഡാത്ത സില്ല്‌ഗാള്‌ന ഒട്ടുക്കുമു ദോട്ടഗാറാന് ബെ്ട്ടി തള്ള്‌ന്റാന്. കായി ബ്‌ഡുവ സില്ല്‌നെല്ലെ മൊത്തനാക്ക് കായി ബ്‌ഡ്യ ബേ്ണ്ടി അയാള് കപാത്ത് എ്ഡ്‌ത്ത് ബ്‌ഡ്‌ന്റാന്.

ബെ്ളിപട്ട കാര്യ 2:5

അദ്‌നാലെ നിനാക്ക് എന്നാലിന്ത് തപ്പ് ബന്ത്‌ദെന്റ് നെനേത്ത് നോഡി സാമി പട്ട്‌ക്ക് തിരിഗി ബന്ത് നീ മുദാല് ഗേന്തിന്ത അദേ കാര്യന താനെ ഗേഗ്. നീ അത്തെ ഗേഗാദെ പോന നാന് നിന്ന് പട്ട്‌ക്ക് ബന്ത് നിന്നോഡ ഇര്‌ക്കുവ നിലബ്‌ളാക്ക്‌ന അദ് ബെത്ത്‌റ്‌ക്കുവ പട്ട്‌ലിന്ത് എ്ഡ്‌ത്ത് തള്ളുവെ.

ഗലാത്ത്യഗാറാര് 6:9

അദ്‌നാലെ നിമ്മ നല്ല കാര്യഗാള് ഗേവാദ്‌ല് സോറ്റു പോഗാദേന്. അത്തെ സോറ്റു പോഗാദിന്ത സാമി ബെത്ത്‌റ്‌ക്കുവ ഗളിഗേക്ക് അദുക്കുള്ള കൂലി നിമാക്ക് കെ്ഡേക്ക്‌മ്.

റോമഗാറാര് 2:7

സോറ്റു പോഗാദിന്ത് നല്ല കാര്യഗാള് ഗേന്ത് മാനാമ് മദ്‌പ്പ്‌മ് അളിവില്ലാത്ത പെ്ളേപ്പ്‌മ് കെ്ഡേസ്യ നോഡുന്റവാര്‌ക്ക് സാമി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കൊഡുക്കുവാന്.

എവുറായാര് 10:23

നമ്മ എദ്‌ക്ക സൊല്ലുവ നമ്മ് നെഞ്ചഡേല് ഒറേത്ത് നില്ല്‌ഗാന്. എന്ത്‌ക്കെന്റ് സൊന്ന നമാക്ക് ബാക്ക് തന്ത്‌റ്‌ക്കുവ സാമി അദ്‌ന നഡാത്തി തരുവാന് എന്റ് സാമിന നമാക്ക് നമ്പ്യ മുഡിമ്.

അപ്പോസുത്തലാര് 14:22

അവാര് അദ്‌ല് ഏസ്സ് സൊല്ലുപഡി നഡാക്ക്‌ന്റവാര് നമ്പിക്കേന ഒറേപ്പ്‌സ്‌ന പ്‌റ നിമാക്ക് ഇര്‌ക്കുവ നമ്പിക്കേല് നേര്‌മോഡ ഇര്‌ക്കുഡൊ എന്റ് അവാര്‌ന ദയിരപഡ്‌സ്‌നാര്. <<നമ്മ പല ദിന്‌സ് കജട്ടഗാള്‌ന താങ്കിത്തെ സാമി ആളുവ നാഡ്‌ക്ക് പോഡൊ>> എന്റ്‌മ് അവാര്‌ന പഡ്‌സ്‌നാര്.

ഓഗന്നാന് 8:31

തനാന നമ്പ്‌ന എഗുദാര്‌ക്ക് ഏസ്സ്: <<നാന് പഡ്‌സ്‌ന കാര്യഗാള്‌ന കേ്ട്ട് നഡാന്തദാന നേര്‌മായിമ് നിമ്മാത്തെ എന്ന് സൊല്ലുപഡി നഡാക്ക്‌ന്റവാര് ആവുറു.

1 തെസെലോനിക്ക്യഗാറാര് 3:8

നിമ്മ ആണ്ടവാനോഡ ഒന്റായിന്ത് പെ്ളേക്കുവ പെ്ളേപ്പ്‌ല് നെലെനിന്റ്‌റ്‌ക്കുവാദ്‌ന കേ്ള്‌ക്കാട്ടി എമാക്ക് ഉജുരു ബന്ത്‌ദ്.

അപ്പോസുത്തലാര് 11:23

അയാള് ആങ്ക് എജ്ജി സാമി അവാര്‌ക്ക് കൊഡുത്ത്‌റ്‌ക്കുവ ബരഗാള്‌ന കണ്ട് പിര്യപട്ടാന്. നിമാക്ക് ഏസ്സോഡ ഇര്‌ക്കുവ നമ്പിക്കെ എന്നാല്‌ക്ക്‌മ് കമ്മി ആഗാദെ ഇര്‌ക്കുഡൊ എന്റ്‌മ്, മനേസ്സാറ ആണ്ടവാന്‌ക്ക് ബേ്ണ്ടി പെ്ളേക്കുഡൊ എന്റ്‌മ് അയാള് അവാര്‌ക്ക് സൊന്നാന്.

ലൂക്കോസു 8:15

ആന നല്ല മണ്ണ്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന നല്ല മനേസ്സോഡ കേ്ട്ട് അദേപാസെ നഡാക്കുവാദ്‌ത്തെ. അത്തെ അവാര് പൊറിമോഡിന്ത് സാമി സൊല്ലുസുലാക്ക പഡി പെ്ളേക്ക്‌ന്റാര്.>>

1 തെസെലോനിക്ക്യഗാറാര് 3:5

അദ്‌നാലെ നിമാന പറ്റ്യുള്ള സേദി തെര്യാദെ എനാക്ക് മുട്ടുമുട്ടാഗാട്ടി സാമിന നമ്പി പെ്ളേക്കുവ നിമ്മ് പെ്ളേപ്പ്‌ന പറ്റി തെര്യ ബേ്ണ്ടി നാന് ആള് ബ്‌ട്ടെ. എന്ത്‌ക്കെന്റ് സൊന്ന, സോദണെ ഗേന്റവാന് ഈ കൊഡിമേന ബെത്ത് നിമാന സോദണെ ഗേന്താനൊ, ഇല്ലെ എമ്മ പട്ടപാഡ് ബെ്റ്‌ദാറ്റൊ എന്റ് നാന് അഞ്ചിക്കെപട്ടെ.

1 ഓഗന്നാന് 2:19

അവാര് നമ്മ് കൂട്ടാത്ത്‌ലിന്ത് പോനവാര്‌ത്തെ. എന്ത്‌ക്കെന്റ് സൊന്ന അവാര് ഏസ്സ് ബെത്ത സട്ടപഡി നമ്മോഡ ആങ്കീങ്ക് സീവാന്‌ബെത്ത് നഡാക്കാലെ. അത്തെ സീവാന്‌ബെത്ത് നഡാന്തിന്തദാന അവാര് നമ്മൊപ്പ ഇന്ത്‌റ്‌ക്കുവാര്. അത്തെ അവാര് നമാന ബ്‌ട്ട് പ്‌റ്‌ന്ത് പോനാദ്‌നാലെ അവാര് സാമിപ്‌ള്ളെഗാള് അല്ല എന്റ് നമാക്ക് തെരിന്റ്.

റോമഗാറാര് 11:21

നാട്ടി ബളാത്ത്‌ന ഒലിവു താറ്‌ഗാള്‌നഗെ ബെ്റ്‌ദെ ബിഡാത്ത സാമി നിനാനാമ് ബെ്റ്‌ദെ ബ്‌ഡുവാന് എന്റ് നെനേക്കാദെ.