റോമഗാറാര് 11:14 - സാമി സേദി

¹⁴ എന്ത്‌ക്കെന്റ് സൊന്ന, ഇത്തെ ഗേവാദ്‌നാലെ എഗുദാര് ജാദിഗാള്‌ക്ക് കണ്ണ്‌കഡി ബരിസ്സി അവാര്‌ല് ലേസ ആള്‌ഗാള്‌ന കാപാറ്റുഡൊ എന്റ് നാന് നെനേക്ക്‌ന്റെ.

റോമഗാറാര് 11:14 ပူးပေါင်းရင်းမြစ်များ

റോമഗാറാര് 10:19

ആന ഇസ്‌റവേല്‌ഗാറാര്‌ക്ക് ഇദ് നെപ്പ്കെ്ഡേക്കാലെഗ എന്റ് നാന് ഒന്റു ഗുഡി കേ്ള്‌ക്ക്‌ന്റെ: <<ഒന്റു ജാദി എന്റ്‌ഗുഡി സൊല്ല്യ മുഡ്യാത്ത ആള്‌ഗാള്‌ന ബെത്ത് നാന് നിമാക്ക് കണ്ണ്‌കഡി ബരുസ്സുവെ, അറുവില്ലാത്ത ജാദിഗാള്‌ന ബെത്ത് നാന് നിമാക്ക് മൊനെ ബരുസ്സുവെ>> എന്റ് ഇദ്‌ന പറ്റി മോസെ മുദാല് താനെ സൊന്റാനല്ല.

റോമഗാറാര് 11:11

അന്നാപ്പ് അവാര് കാല് തട്ട്‌നാദ് ഒന്റേപെ്ട്ട് ബീ്യത്തേഗ? എന്റ് നാന് കേ്ള്‌ക്ക്‌ന്റെ, ഇല്ലെഗേ ഇല്ലെ. അവാര്‌ക്ക് തപ്പ് ബന്താദ്‌നാലെ സാമി എഗുദാരല്ലാത്ത ജാദിഗാള്‌ന കാപാറ്റ്‌നാന് എന്റ്‌ത്തെ. അവാര്‌ക്ക് കണ്ണ്‌കഡി ബര്‌സ്സ്യ ബേ്ണ്ടിത്തെ സാമി അത്തെ ഗേന്താദ്.

റോമഗാറാര് 9:3

എന്ന് കൂട്ടാരായിര്‌ക്കുവ അവാര്‌ക്ക് ബേ്ണ്ടി നാന് താനെ ക്‌റ്‌സ്‌ത്തോഡിന്ത് പ്‌റ്‌ന്ത് സാപ്പ പ്‌ഡിത്തവാനായ ആസെപട്ടിന്ത്‌റ്‌ക്കുവെ.

1 കൊരിന്ത്യഗാറാര് 1:21

തമാക്കിര്‌ക്കുവ അറുവുലുമു ബുദ്ദില്‌മ് ഉലഗാത്ത്‌ല ആള്‌ഗാള്‌ക്ക് സാമിന നെപ്പ്‌കെ്ഡേസ്യ മുഡ്യാമാട്ട എന്റ് സാമി തന്ന് അറുവുലുമു ബുദ്ദില്‌മ് മുഡിവെ്ഡ്‌ത്താന്. അദ്‌നാലെ ബുദ്ദിഗെ്ട്ട നായ എന്റ് ആള്‌ഗാള് നെനേക്കുവ സേദിന നമ്പുവ ആള്‌ഗാള്‌ന കാപാറ്റ്യ സാമിക്ക് പിര്യ പ്‌ഡിത്ത്‌ദ്.

1 കൊരിന്ത്യഗാറാര് 10:33

എനാക്ക് നല്ലാദ് കെ്ഡേക്കുവ കാര്യന പറ്റി നാന് നെനേക്കുവാദില്ലെ. അഡ്‌ത്തവാര്‌ക്ക് നല്ലാദ് കെ്ഡേക്കുവ കാര്യഗാള്‌നത്തെ നോഡുന്റെ. അത്തെ സാമി അവാര്‌ന കാപാറ്റ്യ ബേ്ണ്ടി നാന് എല്ലാ ദിന്‌സ്‌ല്‌മ് അവാര്‌ന പിര്യപഡ്‌സ്‌ന്റേനല്ല.

1 കൊരിന്ത്യഗാറാര് 7:16

പെ്ണ്ണെ, നിന്ന്‌നാലെ നിന്ന് ആളാന് ഏസ്സ്‌ന നമ്പ്‌നാലൊ? ആര്‌ക്ക് തെരിമ്? അദേപാസെ ആളാനെ, നിന്ന്‌നാലെ നിന്ന് പെ്ണ്ട് ഏസ്സ്‌ന നമ്പ്‌നാലൊ? ആര്‌ക്ക് തെരിമ്?

1 തിമിത്തോസു 1:15

ഇത്തെ ഒന്റു സൊല്ലു ഇര്‌ക്ക്‌ന്റ്: <<പാവ ഗേന്റവാര്‌ന കാപാറ്റ്യ ബേ്ണ്ടി ക്‌റ്‌സ്‌ത്ത് ഏസ്സ് ബൂമിക്ക് ബന്താന്.>> ഈ സൊല്ലു നേര്‌മ് നമ്പ്യ മുഡിവാദ്‌മ്‌ത്തെ. ആന അയി കുറ്റ ഗേന്തവാര്‌ല് മ്‌ഗ്‌ന്ത കുറ്റഗാറാന് നാന്‌ത്തെ.

1 തിമിത്തോസു 2:4

എന്ത്‌ക്കെന്റ് സൊന്ന എല്ലാ മന്‌സാര്‌ഗാള്‌നാമ് കാപാറ്റുഡൊ എന്റ്‌മ് എല്ലാ മന്‌സാര്‌ഗാള്‌മ് സത്ത്യാന തെരിഡൊ എന്റ്‌മ് സാമി ആസെപഡ്‌ന്റാന്.

1 തിമിത്തോസു 4:16

നിന്ന് പെ്ളേപ്പ്‌ല്‌മ് നീ പഡുസുവ കാര്യഗാള്‌ല്‌മ് നീ കാര്യഗാറാന് ആയിര്‌ക്കുഡൊ. നാന് നിനാക്ക് സൊന്ന കാര്യഗാള്‌നെല്ല നീ ഗേന്ത്‌കൊണ്ടേ ഇര്‌ക്കുഡൊ. അത്തെ ഗേന്തദാന നിനാനാമ് നീ പഡുസുവാദ്‌ന കേ്ള്‌ക്ക്‌ന്റവാര്‌നാമ് സാമി കാപാറ്റുവാന്.

2 തിമിത്തോസു 1:9

സാമി നമാന കാപാറ്റിമിര്‌ന്റാന്, കവാഡില്ലാദെ പെ്ളേക്ക്യ ബേ്ണ്ടി ബ്‌ളിത്ത്‌മിര്‌ന്റാന്. നമ്മ സാമിക്ക് ബേ്ണ്ടി എന്താറ്റൊന്റു കാര്യഗാള് ഗേന്താദ്‌നാലെ അല്ല സാമി ഇത്തെ ഗേന്താദ്. സാമി ഇത്തെ ഗേഡൊ എന്റ് മുന്നുക്കെ മുഡിവാക്കിന്താദ്‌നാലേമ് സാമി നമാന അത്ത്‌റാക്ക്‌മ് ഗവപട്ട് ഇന്താദ്‌നാലേമ്‌ത്തെ ഇത്തെ ഗേന്താദ്. തനാക്ക് നമ്മോഡിര്‌ക്കുവ ഈ ഗവാന ഏസ്സ് ക്‌റ്‌സ്‌ത്ത്‌ന തന്ത് നമാക്ക് കാട്ടുഡൊ എന്റ് എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് താനെ സാമി മുഡിവാക്കിന്താന്.

2 തിമിത്തോസു 2:10

അദ്‌നാലെ സാമി തെരിന്തെ്ഡ്‌ത്ത ആള്‌ഗാള് ക്‌റ്‌സ്‌ത്ത് ഏസ്സ്‌ന നമ്പി തപ്പിസി കഡാക്ക്യാമ് എന്നാല്‌ക്ക്‌മ് മദ്‌പ്പോഡാമ് അമ്‌സത്തോഡാമ് ഇര്‌ക്ക്യ നാന് ഈ കജട്ടഗാളെല്ല താങ്ക്‌ന്റേന്.

തീത്തോസു 3:5

നമാന കാപാറ്റ്‌നാന്. നമ്മ ഗേന്ത നല്ല കാര്യഗാള്‌നാലെ അല്ല, സാമിക്ക് ബേ്റ്‌വെന്താദ്‌നാലെത്തെ നമാന കാപാറ്റ്‌നാദ്. സാമി തന്ന് നിഗാല്‌ന ബെത്ത് നമാന പുദ്യ മന്‌സാന്‌മ് മാഡ്‌നാന്, നമ്മ് പാവാന തീത്ത് ബെ്ഡിപ്പ് മാഡി നമാക്ക് മറ്‌പ്‌റാപ്പ്‌മ് തന്താന്.

പിലെമോനു 1:12

നാന് ഉജുരുക്കുജുര സീവാന്‌ബെത്ത്‌റ്‌ക്കുവ ഈ ഒനേസിമോസുന നിന്ന് പട്ട്‌ക്ക് തിരിക്കി സൊല്ലി ബ്‌ഡ്‌ന്റെ.

എവുറായാര് 1:14

ആന ദൂദാര്‌ഗാളെല്ല സാമിക്ക് ഗിലാസ ഗേയ ബെത്ത്‌റ്‌ക്കുവ നിഗാല്‌ഗാള്‌ത്തെ. തപ്പിസി കഡാക്ക്യ പോന്റവാര്‌ന കയിതാങ്ക്യ സാമി അവാര്‌ന സൊല്ലി ബ്‌ഡ്‌ന്റാന്.

എവുറായാര് 2:3

അത്ത്യാന സാമി നമാന കാപാറ്റിര്‌ക്കുവ ദൊഡ്ഡ കാര്യന ഇന്നിമ് ദൊഡ്ഡ കാര്യല്ല എന്റ് ബെത്തദാന നമാക്ക് എത്തെ തപ്പിസി കഡാക്ക്യ മുഡിമ്? ആണ്ടവാന്‌ത്തെ നമാന കാപാറ്റുവാദ്‌ന പറ്റി മുദാല് സൊന്നാദ്. അദ്‌ന കേ്ട്ടവാര് ഇദ് സത്ത്യത്തെ എന്റ് നമാക്ക് കാട്ടി തന്ത്‌റ്‌ക്ക്‌ന്റാര്.

ആക്കോവു 5:20

അത്തെ നിമ്മ കയി താങ്ക്‌ഗാട്ടി അയാള് ഗേന്ത എല്ലാ കുറ്റ കൊറേവുനാമ് സാമി പൊറുത്തു കൊഡുക്കുവാന്. അദ്‌താനേമല്ല സാമി അയാള്‌ന നരഗാക്ക് ബ്‌ഡാദെ കാപാറ്റ്‌ന്റാന്.