റോമഗാറാര് 11:13 - സാമി സേദി

¹³ ആന എഗുദാരല്ലാത്ത ജാദിഗാളായിര്‌ക്കുവ നിമാക്ക് ഇന്നാല് ഇത്തെ സൊന്റെ. നിമാക്ക് അപ്പോസുത്തലാനായി ഗിലാസ ഗേവാദ്‌ന പറ്റി നാന് പെരിമെപഡ്‌ന്റെ.

റോമഗാറാര് 11:13 ပူးပေါင်းရင်းမြစ်များ

അപ്പോസുത്തലാര് 9:15

ആണ്ടവാന് അനനാസ്‌ക്ക് ഇത്തെ സൊന്നാന്. <<എന്റാല്‌മ് നീ പോഡൊ, സവുലുന നാന് എനാക്ക് ബേ്ണ്ടി ഗിലാസ ഗേയ തെരിന്തെ്ഡ്‌ത്ത്‌റ്‌ന്റേന്. നാന് ആര് എന്റ് രാജാവുഗാള്‌ക്ക്‌മ്, ബേ്റെ ജാദിഗാള്‌ക്ക്‌മ്, ഇസ്‌റവേല്‌ഗാറാര്‌ക്ക്‌മ് അയാള് സൊല്ലുവാന്.

1 തിമിത്തോസു 2:7

അദ്‌നാലെത്തെ നമ്പിക്കേന പറ്റി സൊല്ലുവ ഈ സത്ത്യ സേദിന എഗുദരല്ലാത്ത ജാദിഗാള്‌ക്ക് പഡിസ്യ അപ്പോസുത്തലാനായിമ് ബാത്ത്യാനായിമ് സാമി എനാന സൊല്ലി ബ്‌ട്ട്‌റ്‌ക്കുവാദ്. നാന് സൊല്ലുവാദ് പൊയ്യല്ല നേര്‌ത്തെ.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

ഗലാത്ത്യഗാറാര് 2:2

<<എര്‌സലേമ്‌ക്ക് പോഡൊ>> എന്റ് സാമി എന്ന് മനേസ്സ്‌ക്ക് സൊന്നാദ്‌നാലെത്തെ നാന് ആങ്ക് പോനാദ്. എഗുദാരല്ലാത്ത ജാദിഗാള് പട്ട്‌ല് നല്ല സേദി സൊല്ലുഗാട്ടി നാന് എന്തെല്ല കാര്യഗാള് സൊന്നേനെന്റ് അദ്‌ല് ഒന്റൊന്റായി സൊന്നെ. മുന്നുക്കുമു ഇന്നാല്‌മ് നാന് ഗേന്ത് കൊണ്ട്‌റ്ക്കുവാദ് ബീ്ണാലായിതള്ള്‌മെന്റ് അര്‌ക്കപട്ട് ഏസ്സ്‌ഗാറാര് കൂട്ട തലെവാര്‌ഗാള്‌ക്ക് താനെത്തെ ഇദ്‌ന സൊന്നാദ്.

അപ്പോസുത്തലാര് 22:21

ആന ആണ്ടവാന് എനാക്ക്: <പൊ! നാന് നിനാന ദൂരാത്ത്‌ല് ഇര്‌ക്കുവ എഗുദാരല്ലാത്ത ജാദിഗാള് പട്ട്‌ക്ക് സൊല്ലി ബ്‌ഡ്‌വെ> എന്റ് സൊന്നാന്.>>

അപ്പോസുത്തലാര് 13:2

അവാര് തീനി തിന്നാത്ത പരേസ പരേസി ആണ്ടവാന്‌ന കുമ്മുഡി കൊണ്ടിന്താര്. അദുക്കുള: <<നാന് ബറ്‌ണവാസ്‌നാമ് സവുലുനാമ് എന്ന് ഗിലാസാക്കായി ബ്‌ളിത്ത്‌റ്‌ന്റെ. അദ്‌നാലെ അദ്‌ക്ക് ബേ്ണ്ടി അവാര്‌ന എനാക്ക് അലാക്ക പ്‌റ്‌ത്ത് തരുഡൊ.>> എന്റ് സാമിനിഗാല് അവാര്‌ക്ക് സൊല്ലുറ്റു.