റോമഗാറാര് 11:12 - സാമി സേദി

¹² അവാര് തപ്പി പോനാദ്‌മ് അവാര്‌ക്ക് ബന്ത നജ്‌ട്ടാമ് ഉലഗാത്ത്‌ല ജനഗാള്‌ക്ക്‌മ് എഗുദാരല്ലാത്ത ജാദിഗാള്‌ക്ക്‌മ് നല്ലാദ് ബര്യ ബെത്ത്‌ദ്. അന്നാപ്പ് ഇസ്‌റവേല്‌ഗാറാര് ഒട്ടുക്കു സാമിക്ക് ബേ്ണ്ടി നിന്റിന്തദാന ഉലഗാക്ക് എത്ത്‌റാഗോ നല്ലാദ് ബന്ത്‌റ്‌ക്ക്‌മ്?

റോമഗാറാര് 11:12 ပူးပေါင်းရင်းမြစ်များ

അപ്പോസുത്തലാര് 3:21

എല്ലാദ്‌നാമ് നല്ലാദ് മാഡുവ കാല ബരമാട്ട്‌ക്ക് ഏസ്സ് മേലോഗാത്ത്‌ല്‌ത്തെ ഇര്‌ക്കുഡൊ എന്റ് സാമി മുന്തെ കാലാത്ത്‌ല് ഇന്ത തന്ന് ദാസ്‌ഗാള്‌ക്ക് സൊല്ലിന്താന്. അദ്‌ന അവാര് ആള്‌ഗാള്‌ക്ക് സൊല്ലിര്‌ന്റാര്.

റോമഗാറാര് 11:15

അവാര്‌ന തള്ള്‌നാദ്‌നാലെ ഉലഗാത്ത്‌ല ജനഗാള്‌ക്ക്‌മ് സാമിക്ക്‌മ് രാജി കൂഡ്യ മുഡിന്ത്‌ദ്. അത്ത്യായിന്ത സാമി ഇസ്‌റവേല്‌ഗാറാര്‌ന ഇന്നി സേത്തി ബെത്തദാന അദ് സത്തവാര് ഉജുര്‌ളാഗുവാദ്‌ക്ക് സമ എന്റല്ലാദെ ബേ്റെന്തെന്റ് സൊല്ല്യാമ്?

റോമഗാറാര് 11:25

ഏസ്സ്‌ഗാറാരെ, നിമ്മ ബുദ്ദിസാലിഗാളെന്റ് നിമാന പറ്റി നെനേക്കാദിര്‌ക്ക്യ ഈ കാര്യന തെര്യാദെ ഇര്‌ക്കദേന് എന്റ് നാന് ആസെപഡ്‌ന്റെ. എഗുദാരല്ലാത്ത ജാദിഗാള്‌ലിന്ത് സാമിസാരി ബന്റവാര് കണാക്ക് തെഗേഗ മാട്ട്‌ക്ക് ഇസ്‌റവേല്‌ഗാറാര്‌ല് ലേസ ആള്‌ഗാള് മരനെഞ്ച്‌ഗാറാര് ആയിര്‌ക്ക്‌ന്റാര്.

റോമഗാറാര് 11:33

അവ്വോ, സാമിക്കിര്‌ക്കുവ ഗവനാമ് അറുവുനാമ് ബുദ്ദിനാമ് ആര്‌ക്ക് കണാക്ക് മാഡ്യ മുഡിമ്? സാമി ബിദിക്കുവ ബിദിന ആര്‌ക്ക് സൊക്കാന സൊല്ല്യ മുഡിമ്? അയാള് എന്ത് ഗേന്റാന് എന്റ്‌മ് എത്തെ ഗേന്റാനെന്റ്‌മ് ആര്‌ക്ക് നെപ്പ്‌കെ്ഡേസ്യ മുഡിമ്?

റോമഗാറാര് 9:23

അദ്‌താനേമല്ല, സാമി തന്ന് ദൊഡ്ഡ മദ്‌പ്പ്‌ന കാട്ടി കൊഡുക്ക്യ ബേ്ണ്ടി ആസെപട്ടാന്. തന്ന് ദൊഡ്ഡ മദ്‌പ്പ്‌ക്ക് പങ്ക്‌ഗാറാരായ ബേ്ണ്ടി മുന്നുക്കു താനെ തെരിന്തെ്ഡ്‌ത്തവാര്‌മ് താന് ഗവ പട്ടവാര്‌മാന നമാക്ക്‌ത്തെ സാമി അയി മദ്‌പ്പ്‌ന കാട്ട്‌നാദ്.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

കൊലേസ്യഗാറാര് 1:27

ഏസ്സ് ക്‌റ്‌സ്‌ത്ത്‌നാലെ സാമ്യോഡ എ്ണേവ ബാഗ്യ ഈ ഉലഗാത്ത്‌ലിര്‌ക്കുവ എല്ലാ ജാദിഗാള്‌ക്ക്‌മ് കെ്ഡേക്കുവ ഈ സേദി ഇന്നമാട്ട്‌ക്ക് തെര്യാദിന്ത്‌ദ്. ആന ഏസ്സ്‌ഗാറാര് കൂട്ടാക്ക് അദ്‌ന ഇന്നാല് സൊല്ലി കൊഡുക്ക്യ സാമി ആസെപട്ടാന്. അദ്‌നാലെ ഏസ്സ്‌ന നമ്പി സാമിക്ക് എ്ണേവാദ് നിമാക്ക് കെ്ഡേത്ത ദൊഡ്ഡ ബാഗ്യത്തെ.