റോമഗാറാര് 10:9 - സാമി സേദി

⁹ ഏസ്സ്‌നത്തെ ആണ്ടവാന് എന്റ് ബായാറ സൊല്ലിമ് സാമി അയാള്‌ന സത്തവാര് പട്ട്‌ലിന്ത് ഉജുര്‌ളാക്ക്‌നാന് എന്റ് നെഞ്ച്‌ല്‌മ് നമ്പ്‌ന നീ തപ്പിസി കഡാക്കുവായി.

റോമഗാറാര് 10:9 ပူးပေါင်းရင်းမြစ်များ

ലൂക്കോസു 12:8

<<ആരാറ്റ <നാന് ഏസ്സ്‌ക്കുള്ളവാന്‌ത്തെ> എന്റ് ആള്‌ഗാള്‌ക്ക് എദ്‌ക്ക സൊന്നദാന മന്‌സാനായി പ്‌റാന്ത നാന്‌മ് സാമിദൂദാര്‌ഗാള് മുന്നുക്കു ബെത്ത് <അവാന് എനാക്കുള്ളവാന്‌ത്തെ> എന്റ് സൊല്ലുവെ എന്റ് നിമാക്ക് സൊന്റെ

ഓഗന്നാന് 9:22

എഗുദാര്‌ക്ക് അഞ്ചിത്തെ അവാന് അവ്വ്യപ്പാന് ഇത്തെ സൊന്നാദ്. എന്ത്‌ക്കെന്റ് സൊന്ന, ഏസ്സ്‌ന ക്‌റ്‌സ്‌ത്ത് എന്റ് സൊന്റവാര്‌നെല്ല എഗുദാര് പരേസുവ ബീ്ഡ്‌ക്ക് സേത്ത ബേ്ഡ എന്റ് എഗുദാര് മുദാല് താനെ സട്ട കെ്ട്ടിന്താര്.

അപ്പോസുത്തലാര് 16:31

<<ആണ്ടവാന് ഏസ്സ്‌ന നമ്പ്, എന്റദാന നിനാനാമ്, നിന്ന് ബീ്ഡ്‌ഗാറാര്‌നാമ് കാപാറ്റുവാന്>> എന്റ് അവാര് സൊന്നാര്.

അപ്പോസുത്തലാര് 2:24

ആന ഏസ്സ്‌ക്ക് ബന്ത സാവുലിന്ത് സാമി ഏസ്സ്‌ന ഉജുര്‌ളാക്ക്‌നാന്. സാവുക്കു ഇര്‌ക്കുവ അദിഗരാത്ത്‌ലിന്ത്‌മ് സാമി അയാള്‌ന ബ്‌ഡ്‌സ്‌നാന്. എന്ത്‌ക്കെന്റ് സൊന്ന സാവു അയാള്‌ന അഡിമെ മാഡി ബെക്ക്യ നോഡുറ്റു, ആന മുഡ്യാലെ.

അപ്പോസുത്തലാര് 2:32

ഈ ഏസ്സ്‌ന സാമി സാവുലിന്ത് ഉജുര്‌ളാക്ക്‌നാന്. ഏസ്സ് ഉജുരു ഇ്ളാഗ്‌നാദ്‌ന കണ്ട എമാക്ക് അദ്‌ന നിമാക്ക് സൊല്ലി തര്യ മുഡിവു.

അപ്പോസുത്തലാര് 8:36

അത്തെ അവാര് ബട്ടെമേലെ പോയി കൊണ്ടു ഇര്‌ക്കാട്ടി നീര് ഇര്‌ക്കുവ ഒന്റു എ്ഡേക്ക് എജ്ജ്‌നാര്. അദുക്കുള അയാള് പീലിപോസുക്കു <<ഇദാഗെ നീര് ഇര്‌ന്റ്. ഇന്നി നീര്‌ക്ക് മുളുഗുവാദ്‌ക്ക് എനാക്ക് എന്ത് തഡേസ?>> എന്റ് പീലിപോസുന കേ്ട്ടാന്.

റോമഗാറാര് 10:10

നെഞ്ച്‌ല് നമ്പുവാദ്‌നാലെത്തെ സാമി നമാന നേര്‌മെഗാറാര് മാഡ്‌ന്റാന്, ബായില് സൊല്ലുവാദ്‌നാലെത്തെ സാമി നമാന കാപാറ്റ്‌ന്റാന്.

റോമഗാറാര് 14:11

എന്ത്‌ക്കെന്റ് സൊന്ന, << <സത്ത്യമായിമ് നാന് ഉജുരുള്ള സാമി ആയിര്‌ക്കുവാദ്‌നാലെ എല്ലാ മന്‌സാര് കാല്‌മ് എന്ന് മുന്നുക്കു മണ്ടിഗലൂറുവു, എല്ലാ ആള്‌ഗാള് ബായിമ് നാന്‌ത്തെ സാമി എന്റ് സൊല്ലുമു> എന്റ് ആണ്ടവാന് സൊന്റാന്>> എന്റ് സാമി സൊല്ലുസുലാക്കാത്ത്‌ല് സൊല്ലിര്‌ക്ക്‌ന്റല്ല.

റോമഗാറാര് 14:9

സത്തവാര്‌ക്ക്‌മ് ഉജുരോഡ ഇര്‌ക്ക്‌ന്റവാര്‌ക്ക്‌മ് ആണ്ടവനായിര്‌ക്ക്യ ബേ്ണ്ടിത്തെ ക്‌റ്‌സ്‌ത്ത് സത്ത് ഉജുര്‌ളാഗ്‌നാദ്.

റോമഗാറാര് 4:24

നമ്മ ഗേന്ത പാവാനാലെ കൊല്ല്യ കൊഡുത്തവാന്‌മ് സാമി കണ്ണ്‌ക്ക് നമാന നേര്‌മെഗാറാര് മാഡ്യ ബേ്ണ്ടി സാമി ഉജുര്‌ളാക്കിര്‌ന്റവാന്‌മാന ഏസ്സ്‌ന നമ്പുവ നമാനാമ് നെനേത്ത്‌ത്തെ അത്തെ എ്ള്‌ദിര്‌ക്കുവാദ്.

റോമഗാറാര് 8:34

അന്നാപ്പ് ആര്‌ക്ക് അവാര്‌ന കുറ്റഗാറാര് എന്റ് ബിദിക്ക്യ മുഡിമ്? ക്‌റ്‌സ്‌ത്ത് ഏസ്സ് സത്തവാന്, സത്തിന്ത് ഉജുര്‌ളാഗി ഇര്‌ക്ക്‌ന്റവാന്‌ത്തെ. അയാള് സാമി ബല സാരി ഇന്ത്‌കൊണ്ടു നമാക്ക് ബേ്ണ്ടി ബേ്ണ്ട്‌ന്റാന്.

1 കൊരിന്ത്യഗാറാര് 12:3

അദ്‌നാലെ നിമ്മ ഈ കാര്യ തെരിന്ത്‌റ്‌ക്കുഡൊ: സാമിനിഗാല്‌ല് നായ നൊഡിന്റവാന് ആര്‌മ് <<ഏസ്സ് സാപ്പ പ്‌ഡിത്തവാന്>> എന്റ് സൊല്ലമാട്ടാന്. സാമി നിഗാല്‌ലല്ലാദെ <<ഏസ്സ് ആണ്ടവാന്‌ത്തെ>> എന്റ് സൊല്ല്യ ആര്‌ക്ക്‌മ് മുഡ്യാമാട്ട.

പിലിപ്പ്യഗാറാര് 2:11

അപ്പാന് സാമിന മദിസ്യ ബേ്ണ്ടി ക്‌റ്‌സ്‌ത്ത് ഏസ്സ്‌ത്തെ ആണ്ടവാനെന്റ് സാമി മുന്നുക്കു എല്ലാവാര്‌മ് തമ്മ് ബായാലെ സൊല്ലുവാര്.

1 പത്ത്‌റോസു 1:21

അയാള്‌നാലെത്തെ നിമ്മ സാമിന നമ്പ്‌ന്റ്‌റ്. സാമി ക്‌റ്‌സ്‌ത്ത്‌ന സത്തവാര് പട്ട്‌ലിന്ത് ഉജുര്‌ളാക്കി അയാള്‌ക്ക് മദ്‌പ്പ് കൊഡുത്ത്‌റ്‌ന്റാന്. അദ്‌നാലെ നിമ്മ സാമിന നമ്പ്‌ന്റവാര്‌മ് നെഞ്ചഡെ ബെത്ത്‌റ്‌ക്ക്‌ന്റവാര്‌മ് ആയിര്‌ക്ക്‌ന്റ്‌റ്.

1 ഓഗന്നാന് 4:15

അദ്‌നാലെ ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന സൊല്ലി നഡാക്ക്‌ന്റവാരോഡ സാമി എ്ണേവു ബെത്ത്‌റ്‌ക്ക്‌ന്റാന്. അദേപാസെ അയാള്‌മ് സാമ്യോഡ എ്ണേവു ബെത്ത്‌റ്‌ക്ക്‌ന്റാന്.

2 ഓഗന്നാന് 1:7

ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന സൊല്ലാദെ സാമിന പറ്റി ഉറുട്ടു സൊല്ലുവ എഞ്ചോ ആള്‌ഗാള് ഉലഗാത്ത്‌ല് തുമ്പിര്‌ന്റാര്. അത്തവാള്‌ഗാള് ക്‌റ്‌സ്‌ത്ത്‌ത്തെ എന്റ് സൊല്ലി നഡിക്ക്‌ന്റവാര്‌മ് ആള്‌ഗാള്‌ന ഏമാത്ത്‌ന്റവാര്‌മ്‌ത്തെ.