റോമഗാറാര് 10:3 - സാമി സേദി

³ സാമി നേര്‌മെഗാറാര് മാഡുവാദ്‌ന പറ്റി അവാര് തെര്യാത്തവാര് ആനാദ്‌നാലെ തമ്മ ഗേവ കാര്യന ബെത്ത് നേര്‌മെഗാറാര് ആയ അവാര് ഓരാഡ്‌നാര്. അത്തെ സാമി നേര്‌മെഗാറാര് മാഡുവാദ്‌ക്ക് അവാര് കെ്ട്ട്‌പഡാലെ.

റോമഗാറാര് 10:3 ပူးပေါင်းရင်းမြစ်များ

ലൂക്കോസു 10:29

ആന അയാള് താന് നേര്‌മെഗാറാന്‌ത്തെ എന്റ് കാട്ട്യ ബേ്ണ്ടി <<ആര് എന്ന് എ്ണേവുഗാറാന്?>> എന്റ് ഏസ്സ്‌ന കേ്ട്ടാന്.

ലൂക്കോസു 16:15

അദുക്കുള ഏസ്സ് അവാര്‌ക്ക് ഇത്തെ സൊന്നാന്: <<നിമ്മ നിമാന താനെ മന്‌സാര് മുന്നുക്കു നേര്‌മെഗാറാര് മാഡി കാട്ട്‌ന്റ്‌റ്. ആന സാമിക്ക് നിമ്മ് മനേസ്സ്‌ന തെരിന്റ്. എന്ത്‌ക്കെന്റ് സൊന്ന മന്‌സാര് ദൊഡ്ഡാദെന്റ് നെനേക്കുവ കാര്യ സാമി കണ്ണ്‌ക്ക് സാത്ത്‌റത്തെ.

റോമഗാറാര് 1:17

ബേ്റൊന്റുനാലെമല്ലാദെ നമ്പിക്കെനാലെ താനെത്തെ ആള്‌ഗാള്‌ന സാമി തന്ന് കണ്ണ്‌ക്ക് നേര്‌മെഗാറാര് മാഡ്‌ന്റാന് എന്റ് ഈ നല്ല സേദില് കാട്ടി തന്ത്‌റ്‌ന്റാന്. <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്.>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

റോമഗാറാര് 10:2

സാമിന പറ്റ്യുള്ള കാര്യഗാള്‌ല് അവാര് സുറുസുറുപ്പുള്ളവാര്‌ത്തെ എന്റ് എനാക്ക് ഒറേപ്പായി സൊല്ല്യ മുഡിമ്. ആന നേര്‌മാന അറുവുന ബെത്തല്ല അവാര് അയി സുറുസുറുപ്പു കാട്ടുവാദ്.

റോമഗാറാര് 10:20

ആന ഏസ്സയ്യാവുമു: <<എനാന പരാക്കാത്തവാര് എനാന കണ്ട് പ്‌ഡിത്താര്. എനാന കേ്ള്‌ക്കത്തവാര്‌ക്ക് നാന് ബെ്ളിപട്ടെ>> എന്റ് ദയിരത്തോഡ സൊല്ലിര്‌ക്ക്‌ന്റാനല്ല.

റോമഗാറാര് 11:7

അദ്‌നാലെ എന്താറ്റ്? ഇസ്‌റവേല്‌ഗാറാര് നേര്‌മെഗാറാര് ആയ ഓരാഡി നോഡുനാര്, അവാര്‌ക്ക് മുഡ്യാലെ. ആന സാമി തെരിന്തെ്ഡ്‌ത്തവാര്‌ക്ക് അദ് കെ്ഡേത്ത്‌ദ്. മിച്ച ഇന്തവാര് മരനെഞ്ച്‌ഗാറാര് ആനാര്.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

റോമഗാറാര് 3:26

താന് നേര്‌മെഗാറാന് എന്റ്‌മ് ഏസ്സ്‌ന നമ്പ്‌ന്റവാന്‌ന താന് നേര്‌മെഗാറാന് മാഡ്‌ന്റാന് എന്റ്‌മ് ഈ കാലാത്ത്‌ല് കാട്ടി കൊഡുക്ക്യത്തെ സാമി അത്തെ ഗേന്താദ്.

റോമഗാറാര് 5:19

ഒരുത്താന് സാമി സൊല്ലുപഡിക്ക് നഡാക്കാത്താദ്‌നാലെ എഞ്ചോ ആള്‌ഗാള് പാവ ഗേന്റവാര് ആന പാസെ ഒരുത്താന് സാമി സൊല്ലുപഡിക്ക് നഡാക്ക്‌ന്റവാന് ആനാദ്‌നാലെ എഞ്ചോ ആള്‌ഗാള് നേര്‌മെഗാറാര് ആവാര്.

2 കൊരിന്ത്യഗാറാര് 5:21

ക്‌റ്‌സ്‌ത്ത് പാവ ഇല്ലത്തവാന് ആയിന്താന്. നമ്മ ഗേന്ത പാവഗാള്‌നെല്ല സാമി അയാള് തലേക്ക് ഏ്റ്‌സ്‌നാന്. അത്തെ അയാളോഡ രാജി കൂഡിര്‌ക്കുവ പേര്‌ല് സാമി നമാന നേര്‌മെ ഉള്ളവാര് ആയി സേത്തി ബെക്ക്‌ന്റാന്.

പിലിപ്പ്യഗാറാര് 3:9

അത്തെ എനാക്ക് ക്‌റ്‌സ്‌ത്തോഡ ഒന്റായിര്‌ക്ക്യ മുഡിമ്. മോസെ ബെത്ത സാമി സട്ടപഡി നഡാന്ത് കൊണ്ടു നേര്‌മെഗാറാനായ നാന് നോഡമാട്ടെ. അദ്‌ക്ക് ബദ്‌ല ക്‌റ്‌സ്‌ത്ത്‌ന നമ്പി നേര്‌മെഗാറാന് ആവാദ് എനാക്ക് മദി. ക്‌റ്‌സ്‌ത്ത്‌ന നമ്പ്‌ന്റവാര്‌നാത്തെ സാമി നേര്‌മെഗാറാര് മാഡുവാദ്.

2 പത്ത്‌റോസു 1:1

ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ഗിലാസഗാറാന്‌മ് ആന സീമോനു പത്ത്‌റോസു നമ്മ് സാമിമ് കാപാറ്റ്‌ന്റവാന്‌മ് ആന ഏസ്സ് ക്‌റ്‌സ്‌ത്ത്‌ത്ത് നേര്‌മെനാലെ എമാക്ക് ബന്ത ദൊഡ്ഡ നമ്പിക്കേന പാസെ നമ്പിക്കെ ബന്ത്‌റ്‌ക്കുവ നിമാക്ക് എ്ള്‌ദുവ എ്ള്‌ത്ത്.