റോമഗാറാര് 10:12 - സാമി സേദി12 ഈ കാര്യാത്ത്‌ല് എഗുദാരെന്റൊ എഗുദാര് അല്ലാത്ത ജാദിഗാളെന്റൊ ബിത്ത്യാസില്ലെ, എല്ലാവാര്‌ക്ക്‌മ് ആണ്ടവാന് ഒരുത്താന്‌ത്തെ. തനാന ബേ്ണ്ട്‌വ ഏവാന്‌ക്ക്‌മ് കൊഡുക്ക്യ ആണ്ടവാനായിര്‌ക്കുവ സാമി സമ്പോത്ത ബെത്ത്‌റ്‌ന്റവാന്‌ത്തെ. အခန်းကိုကြည့်ပါ။ |
റോമഗാറാര് 10:12
33 ပူးပေါင်းရင်းမြစ်များ
കൊരിന്ത്യ പട്ടണാത്ത്‌ല ഏസ്സ്‌ഗാറാര് കൂട്ടാക്ക് എ്ള്‌ദുവ എ്ള്‌ത്ത്. ക്‌റ്‌സ്‌ത്ത് ഏസ്സ്‌ന ബെത്ത് സാമി നിമാന സുത്താപ്പുള്ളവാര് മാഡി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റാന്. ഉലഗാത്ത്‌ല് എല്ലാ സാരിമ് ഏസ്സ് ക്‌റ്‌സ്‌ത്ത്‌ന പരേസുവ എല്ലാ ആള്‌ഗാളോഡൊപ്പത്തെ സാമി നിമാനാമ് തനാക്ക് സുത്താപ്പുള്ളവാര് ആയിര്‌ക്ക്യ ബേ്ണ്ടി തെരിന്തെ്ഡ്‌ത്താദ്. ഈ ഏസ്സ് ക്‌റ്‌സ്‌ത്ത് നമ്മ് ആണ്ടവാന്‌മ് അവാര് ആണ്ടവാന്‌മ്‌ത്തെ.
ആന അളാവുക്കു മീ്റി സീവാന് പട്ട സാമി തന്ന് സൊല്ലുപഡിക്ക് നഡാക്കാദെ പാവ ഗേന്ത് കൊണ്ടു സത്തവാര്‌ന പാസെ ആയിന്ത നമാന ക്‌റ്‌സ്‌ത്തോഡൊപ്പ ഉജുരുളാക്ക്‌നാന്. സാമി നമാക്ക് പ്‌ണ്ണ്യ ഗേന്ത് സാമി മൊനേക്ക് ആളായിന്ത നമാന അദ്‌ലിന്ത് കാപാറ്റ്‌നാന്. അദ്‌നാലെ സാമി നമ്മോഡ ബെത്തിന്ത മൊനേന ബ്‌ഡ സാമി നമാന പട്ട ഗവാത്തെ എത്ത്‌റാഗോ ദൊഡ്ഡാദ്.
അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.
ကြော်ငြာတွေ