റോമഗാറാര് 10:10 - സാമി സേദി

¹⁰ നെഞ്ച്‌ല് നമ്പുവാദ്‌നാലെത്തെ സാമി നമാന നേര്‌മെഗാറാര് മാഡ്‌ന്റാന്, ബായില് സൊല്ലുവാദ്‌നാലെത്തെ സാമി നമാന കാപാറ്റ്‌ന്റാന്.

റോമഗാറാര് 10:10 ပူးပေါင်းရင်းမြစ်များ

മര്‌ക്കോസു 9:23

<<എനാക്ക് മുഡിമ് എന്റ് നീ സൊന്റായ!>><<നമ്പിക്കെ ഇര്‌ക്ക്‌ന്റവാന്‌ക്ക് എല്ലാമ് മുഡിവു>> എന്റ് ഏസ്സ് സൊന്നാന്.

ലൂക്കോസു 8:15

ആന നല്ല മണ്ണ്‌ക്ക് അലേന്ത ബെദെ എന്നുവാദ് സാമി സൊല്ലുസുലാക്കാന നല്ല മനേസ്സോഡ കേ്ട്ട് അദേപാസെ നഡാക്കുവാദ്‌ത്തെ. അത്തെ അവാര് പൊറിമോഡിന്ത് സാമി സൊല്ലുസുലാക്ക പഡി പെ്ളേക്ക്‌ന്റാര്.>>

അപ്പോസുത്തലാര് 8:37

<<നീ മനേസ്സാറ നമ്പുവദാന നീര്‌ക്ക് മുളുഗുല>> എന്റ് പീലിപോസു അയാള്‌ക്ക് സൊന്നാന്. <<ഏസ്സ് ക്‌റ്‌സ്‌ത്ത് സാമിമഗാന് എന്റ് നാന് നമ്പ്‌ന്റെ>> എന്റ് അയി പെ്ണ്ട്‌രിപെ്ണ്യാന് സൊന്നാന്.

റോമഗാറാര് 10:11

<<അയാള്‌ന നമ്പ്‌ന്റവാന് ആര്‌മ് നാണഗെ്ട്ട് പോഗമാട്ടാര്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

റോമഗാറാര് 10:9

ഏസ്സ്‌നത്തെ ആണ്ടവാന് എന്റ് ബായാറ സൊല്ലിമ് സാമി അയാള്‌ന സത്തവാര് പട്ട്‌ലിന്ത് ഉജുര്‌ളാക്ക്‌നാന് എന്റ് നെഞ്ച്‌ല്‌മ് നമ്പ്‌ന നീ തപ്പിസി കഡാക്കുവായി.

ഗലാത്ത്യഗാറാര് 2:16

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ അല്ല, ഏസ്സ് ക്‌റ്‌സ്‌ത്തോഡ ബെത്ത്‌റ്‌ക്കുവ നമ്പിക്കെനാലേത്തെ സാമി ഒരുത്താന്‌ന നേര്‌മെഗാറാനായി കണാക്ക് മാഡുവാദെന്റ് നമാക്ക് തെരിമ്. അദ്‌നാലെ മോസെ ബെത്ത്‌റ്‌ക്കുവ സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേഗാദെ ക്‌റ്‌സ്‌ത്ത് ഏസ്സ്‌ന നമ്പി നേര്‌മെഗാറാരായ ബേ്ണ്ടി നമ്മാമ് ക്‌റ്‌സ്‌ത്ത്‌ന നമ്പ്‌നാമ്. മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ സാമി ആര്‌നാമ് നേര്‌മെഗാറാരായി കണാക്ക്‌മാഡുവാദില്ല്യല്ല.

പിലിപ്പ്യഗാറാര് 3:9

അത്തെ എനാക്ക് ക്‌റ്‌സ്‌ത്തോഡ ഒന്റായിര്‌ക്ക്യ മുഡിമ്. മോസെ ബെത്ത സാമി സട്ടപഡി നഡാന്ത് കൊണ്ടു നേര്‌മെഗാറാനായ നാന് നോഡമാട്ടെ. അദ്‌ക്ക് ബദ്‌ല ക്‌റ്‌സ്‌ത്ത്‌ന നമ്പി നേര്‌മെഗാറാന് ആവാദ് എനാക്ക് മദി. ക്‌റ്‌സ്‌ത്ത്‌ന നമ്പ്‌ന്റവാര്‌നാത്തെ സാമി നേര്‌മെഗാറാര് മാഡുവാദ്.

എവുറായാര് 10:22

അദ്‌നാലെ കുറ്റ ഗേന്തെ എന്റ് മനേസ്സ്‌ല് ഇര്‌ക്കുവ നെനേവുഗാള്‌ലിന്ത് സുത്താപ്പായ ബേ്ണ്ടി ക്‌റ്‌സ്‌ത്ത് സോരെ തളിത്ത മനേസ്സോഡാമ്, തെങ്ക്‌തെങ്ക നീര്‌ല് കച്ച്‌ന സരിഗലോഡാമ്, കവാഡ് ഒന്റുമില്ലാത്ത മനേസ്സോഡാമ്, ഒറേത്ത നമ്പിക്കോഡാമ് നമ്മ സാമി പട്ട്‌ക്ക് പോഗാന്.

എവുറായാര് 3:12

അദ്‌നാലെ ഏസ്സ്‌ഗാറാരെ, നിമ്മ് കൂട്ടാത്ത്‌ല് ആര് നെഞ്ച്‌മ് കീ്ട്ട്‌ഗ ഇര്‌ക്കുവാദ്‌മ് നമ്പിക്കെ ഇല്ലാദെ ഇര്‌ക്കുവാദ്‌മ് ആഗാദിര്‌ക്ക്യ നിമ്മ നോഡുനു. അത്തെ ആഗാദിന്ത നിമ്മ ഉജുരുള്ള സാമിന തള്ളമാട്ട്‌റ്.

1 ഓഗന്നാന് 4:15

അദ്‌നാലെ ഏസ്സ് ക്‌റ്‌സ്‌ത്ത് മന്‌സാനായി പ്‌റാന്ത് ബന്ത് ഗേന്ത കാര്യഗാള്‌ന സൊല്ലി നഡാക്ക്‌ന്റവാരോഡ സാമി എ്ണേവു ബെത്ത്‌റ്‌ക്ക്‌ന്റാന്. അദേപാസെ അയാള്‌മ് സാമ്യോഡ എ്ണേവു ബെത്ത്‌റ്‌ക്ക്‌ന്റാന്.

ബെ്ളിപട്ട കാര്യ 2:13

നീ ഏദ്‌ല് ഇര്‌ക്ക്‌ന്റായി എന്റ്‌മ് അദ് സെയിത്താന് കുറിഞ്ചി എന്റ്‌മ് എനാക്ക് തെരിമ്. നീ എനാന കയി ബ്‌ഡാഗേ ഇല്ലെ. സെയിത്താന് ആളുവ നിമ്മ് പട്ട്‌ല് ബെത്ത് അന്തിപാസ്‌ന കൊന്റ കാലാത്ത്‌ല് ഗുഡി നിമ്മ് നമ്പിക്കേന തള്ളാഗേ ഇല്ലെ. നമ്പ്യ മുഡിന്റവാനാന അന്തിപാസ് എനാന പറ്റി സൊല്ലിന്തവാന്‌ത്തെ.