റോമഗാറാര് 10:1 - സാമി സേദി

¹ ഏസ്സ്‌ഗാറാരെ, ഇസ്‌റവേല്‌ഗാറാര് തപ്പിസി കഡാക്ക്യ ബേ്ണ്ടിത്തെ നാന് എന്ന് നെഞ്ച്‌ല് ആസെപഡുവാദ്‌മ് സാമിന ബേ്ണ്ടി കൊണ്ട്‌റ്ക്കുവാദ്‌മ്.

റോമഗാറാര് 10:1 ပူးပေါင်းရင်းမြစ်များ

ലൂക്കോസു 13:34

എര്‌സലേമെ, എര്‌സലേമെ, നീ സാമിദാസ്‌ഗാള്‌ന കൊന്റവാള്‌മ് നിന്ന് പട്ട്‌ക്ക് സൊല്ലി ബ്‌ട്ട സേദിഗാറാര്‌ക്ക് കല്ലെ്റിന്തവാള്‌മ്‌ത്തെ. കോയി തന്ന് കുഞ്ചിഗാള്‌ന ഇ്റാക്കെ കുളാക്ക് സേത്തി ബെക്കുവ പാസെ നിന്ന് ജനഗാള്‌ന സേത്തി ബെക്ക്യ എനാക്ക് എത്ത്‌റാഗോ മനേസ്സിന്ത്‌ദ്. ആന നിനാക്ക് മനേസ്സിര്‌ക്കാലെ.

ഓഗന്നാന് 5:34

നാന് ആര് എന്റ് മന്‌സാന് എനാന പറ്റി സൊല്ലുവ തേവി എനാക്കില്ലെ. അയാള് സൊന്നാദ്‌ന നമ്പി നിമ്മ തപ്പിസി കഡാക്ക്യ ബേ്ണ്ടിത്തെ നാന് ഇദ്‌ന നിമാക്ക് സൊല്ലി തരുവാദ്.

റോമഗാറാര് 10:2

സാമിന പറ്റ്യുള്ള കാര്യഗാള്‌ല് അവാര് സുറുസുറുപ്പുള്ളവാര്‌ത്തെ എന്റ് എനാക്ക് ഒറേപ്പായി സൊല്ല്യ മുഡിമ്. ആന നേര്‌മാന അറുവുന ബെത്തല്ല അവാര് അയി സുറുസുറുപ്പു കാട്ടുവാദ്.

റോമഗാറാര് 9:33

<<ഇദാഗെ, നാന് സീയോനുലു ബെജിക്കി ബീ്വ അറെനാമ് തഡേസ കല്ല്‌നാമ് ബെക്ക്‌ന്റെ, അയാള്‌ന നമ്പ്‌ന്റവാന് ആര്‌മ് നാണഗെ്ട്ട് പോഗമാട്ടാര്>> എന്റ് എ്ള്‌ദിര്‌ക്ക്‌ന്റല്ല.