റോമഗാറാര് 1:24 - സാമി സേദി

²⁴ അദ്‌നാലെ സാമി അവാര്‌ന തമ്മ് നെഞ്ച്‌ലിര്‌ക്കുവ കെ്ട്ട ആസെഗാള്‌ന ബെത്ത് അവനവാന് സരിഗലന ആങ്കീങ്ക് മാനഗെ്ഡിസ്യ ബേ്ണ്ടി മാനതാന ഇല്ലാത്ത കാര്യഗാള് ഗേയ ഒപ്പ്‌സി കൊഡുത്താന്.

റോമഗാറാര് 1:24 ပူးပေါင်းရင်းမြစ်များ

അപ്പോസുത്തലാര് 7:42

അദുക്കുള സാമി അവാര്‌ന തള്ള്നാന്. നേരനാമ്, ബെ്ള്ളിഗാള്‌നാമ്, നിലാവുനാമ് കുമ്മുഡി നഡാക്ക്യ അവാര്‌ന ബ്‌ട്ടാന്. സാമിദാസ് ബൊക്കുലു ഇത്തെ എ്ള്‌ദിര്‌ക്ക്‌ന്റ്: <ഇസ്‌റവേല് ജനഗാളെ! നാപ്പദ് ബര്‌സ്സ ബെ്ട്ടെകാഡ്‌ല് ബേ്ണ്ട്‌ഗാള്‌ന അറ്‌ത്ത് പലി കൊഡുത്താദ് എനാക്കല്ല?

അപ്പോസുത്തലാര് 14:16

മുന്തെ കാലാത്ത്‌ല് സാമി ആള്‌ഗാള്‌ന ഒട്ടുക്കു അവാര് ആസെപഡിക്ക് പെ്ളേക്ക്യ ബ്‌ട്ടിന്താന്.

മത്തായി 15:14

അവാര്‌ന പറ്റി നിമ്മ നെനേക്ക ബേ്ഡ. അവാര് കുറുഡാരായിര്‌ക്കുവ തലെവാര്‌ഗാള്‌ത്തെ. ഒന്റു കുറുഡാന് ബേ്റെ ഒന്റു കുറുഡാന്‌ക്ക് ബട്ടെ കാട്ടി പോന റാഡാള്‌മ് കുയിക്ക് ബീ്വാരല്ല>> എന്റ് സൊന്നാന്.

1 തെസെലോനിക്ക്യഗാറാര് 4:4

സാമിന തെര്യാത്ത എഗുദാരല്ലാത്ത ജാദിഗാള്‌ത്തെ കാമാക്ക് കണ്ണില്ലാദെ കണ്ടപഡിക്ക് പെ്ളേക്കുവാദ്. നിമ്മ അത്തെ പെ്ളേക്കാദേന്. നിമ്മ ഒന്റൊന്റാള്‌മ് മാനമര്യാദോഡാമ് സുത്താപ്പോഡാമ് പെ്ളേത്ത് അവനവാന്‌ന സൂസാരിത്ത് ബെക്ക്യ പഡിത്ത്‍റ്ക്കുഡൊ.

1 കൊരിന്ത്യഗാറാര് 6:18

അദ്‌നാലെ ബേസ്യാഡി നഡാക്കുവാദ്‌ന തെ്റിന്ത് തള്ള്‌ന്. മന്‌സാന് സരിഗലന കെ്ഡ്‌സുവ ഇത്ത്‌റ ദൊഡ്ഡ പാവ ബേ്റെ ഇല്ലെ. എന്ത്‌ക്കെന്റ് സൊന്ന ബേസ്യാഡി നഡാക്കുവ പാവ നമ്മ് സിരിഗലാക്ക് താനെ ഗേവ പാവത്തെ.

1 കൊരിന്ത്യഗാറാര് 6:13

<<തീനി ബേ്റ്‌ക്ക്‌മ് ബേ്റ് തീനിക്ക്‌മ് ഉള്ളാദ്‌ത്തെ>> എന്റ് സിലപ്പ നിമ്മ സൊല്ലുവുറു. ആന സാമി ഇദ് റാഡ്‌നാമ് ഇല്ലാദെ മാഡുവാന്. സരിഗല ബേസ്യാഡി നഡാക്ക്യുള്ളാദല്ല, ആണ്ടവാന്‌ക്കുള്ളാദ്‌ത്തെ, ആണ്ടവാനൊ സരിഗലന പാദ്‌ഗാക്ക്‌ന്റവാന്‌ത്തെ.

റോമഗാറാര് 6:12

അദ്‌നാലെ അളിന്ത് പോവ നിമ്മ് സരിഗല ആസെപഡുവ കെ്ട്ട ആസെഗാള്‌ന ഗേന്ത് പാവാക്ക് അഡിമെഗാള് ആഗാദേന്.

എപസോസുഗാറാര് 2:3

അദുക്കുള നമ്മ് മനേസ്സ്‌ക്ക്‌മ് സരിഗലാക്ക്‌മ് പിര്യര്‌ക്കുവ കാര്യഗാള്‌ന ഗേന്ത് കൊണ്ടു നമ്മാമ് അഡ്‌ത്തവാര്‌ന പാസെ പാവ ഗേന്ത് കൊണ്ടു നഡാന്താമ്. അത്തെ ഗേന്ത് നഡാന്ത് നമ്മ സാമി മൊനേക്ക് ആളായിന്താമ്.