റോമഗാറാര് 1:21 - സാമി സേദി

²¹ അവാര് സാമിന തെരിന്ത് ഗുഡി സാമിക്ക് സാമ്യെന്നുവ മദ്‌പ്പ് കൊഡുക്കാദേമ് നണ്ണി സൊല്ലാദേമ് ഇന്താര്. അല്ലാദെ താനെ അവാര് ബുദ്ദിബോദ ഇല്ലാത്ത നെനേവുഗാറാര്‌മ് നല്ലാദ് കെ്ട്ടാദ് എന്തെന്റ് തെര്യാത്ത മനേസ്സ്‌ഗാറാര്‌മ് ആയി തള്ള്‌നാര്.

റോമഗാറാര് 1:21 ပူးပေါင်းရင်းမြစ်များ

2 തിമിത്തോസു 3:2

അയി കാലാത്ത്‌ല് ആള്‌ഗാള് അവനവാന് കാര്യഗാള്‌ന താനെ നോഡി നഡാക്ക്‌ന്റവാര്‌മ്, പണാക്ക് ബേ്ണ്ടി ആസെപഡ്‌ന്റവാര്‌മ്, ഏസ്സി നഡാക്ക്‌ന്റവാര്‌മ്, പെരിമെനായ സൊല്ലുന്റവാര്‌മ്, സാമിന കുറ്റ സൊല്ലുന്റവാര്‌മ്, അപ്പാനവ്വെ സൊല്ലുപഡിക്ക് നഡാക്കാത്തവാര്‌മ്, നണ്ണില്ലത്തവാര്‌മ്, സാമിന മദ്‌സാത്തവാര്‌മ്,

ബെ്ളിപട്ട കാര്യ 14:7

ദൂദാന് ദൊഡ്ഡാദ്‌ക്ക്, <<സാമിക്ക് അഞ്ചി നഡാന്, അയാള്‌ക്ക് മദ്‌പ്പ് കൊഡുനു. എന്ത്‌ക്കെന്റ് സൊന്ന അയാള് എല്ലാ ആള്‌ഗാള്‌നാമ് ദെ്ണ്ടിക്കുവ നാള് ബന്ത്‌റ്‌ക്ക്‌ന്റ്. ബാന്‌നാമ്, ബൂമിനാമ് കഡാല്‌നാമ്, നീര് ജെനിക്കുവ പണ്ണിഗാള്‌നാമ് ദ്‌ട്ട്‌സ്‌നവാന്‌ന കുമ്മുഡുനു>> എന്റ് സൊന്നാന്.

ഓഗന്നാന് 3:19

അവാര് ഗേവ കാര്യഗാള് കെ്ട്ടാദ് ആനാദ്‌നാലെ ബെ്ള്‌സ ഉലഗാക്ക് ബന്ത് ഗുഡി ബെ്ള്‌സാനബ്‌ഡ ഇ്റ്‌ട്ട്‌ന പിര്യപൊങ്കുനാര്. അദ്‌നാലെത്തെ സാമി അവാര്‌ന കുറ്റ ബിദിക്കുവാദ്.

ബെ്ളിപട്ട കാര്യ 15:4

ആണ്ടവാനെ, നിനാന അഞ്ചാത്തവാര് ആര് ഇര്‌ക്ക്‌ന്റാര്? നിന്ന് പേര്‌ന മദ്‌സാത്തവാര് ആര് ഇര്‌ക്ക്‌ന്റാര്? എന്ത്‌ക്കെന്റ് സൊന്ന നീ ഒരുത്താന് തനെത്തെ സുത്താപ്പുള്ളവാന്. നീ നേര്‌മ്യോഡ ഗേവാദ്‌ന എല്ലാവാര്‌മ് കണ്ടാദ്‌നാലെ ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌മ് നിന്ന് പട്ട്‌ക്ക് ബന്ത് നിനാന കുമ്മുഡുവാര്.

1 പത്ത്‌റോസു 2:9

നിമാന സാമി ഇ്റ്‌ട്ട്‌ക്ക് ഇര്‌ക്കുവ അദിഗരാത്ത്‌ലിന്ത് അദിസ്യപഡുവ തന്ന് ബെ്ള്‌സാക്ക് ബ്‌ളിത്ത് ബരിസ്സിര്‌ക്ക്‌ന്റാന്. എന്ത്‌ക്കെന്റ് സൊന്ന അയി സാമി ഗേന്ത് കൊണ്ട്‌റ്‌ക്കുവ നല്ല കാര്യഗാള്‌ന സൊല്ല്യത്തെ. ഇദ്‌ന സൊല്ല്യ ബേ്ണ്ടി സാമി തെരിന്തെ്ഡ്‌ത്ത ബമ്മേസാമ്, രാജാങ്ക പൂസാരി ഗിലാസ ഗേവ കൂട്ടാമ്, സാമിക്ക് പട്ട ജനഗാള്‌മ്, സാമിക്ക് സൊന്തഗാറാര്‌മ് ആയിര്‌ക്ക്‌ന്റവാര്‌ത്തെ നിമ്മ.

റോമഗാറാര് 11:10

അവാര് കണ്ണ് ഇ്റ്‌ട്ടൂറി കണ്ണ് കെ്ട്ട് തള്ളുഡൊ, കജട്ട പഡുവ പാഡ്‌നാലെ അവാര് ഇ്ഡ്‌പ്പ് മുറുന്ത് തള്ള്‌ഡൊ>> എന്റ് ദാവീദ്‌മ് സൊന്റാനല്ല.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

റോമഗാറാര് 1:19

എന്ത്‌ക്കെന്റ് സൊന്ന സാമിന പറ്റി തെരിവ കാര്യഗാളെല്ല അവാര്‌ക്ക് ബെ്ളിപട്ട്‌റ്‌ന്റ്. സാമി താനെത്തെ അദ്‌ന അവാര്‌ക്ക് അദ്‌ന ബെ്ളിപഡിസി കൊഡുത്താനല്ല.

റോമഗാറാര് 15:9

സാമി എഗുദാരല്ലാത്ത ജാദിഗാള്‌നാമ് ഗവപട്ട് അവാര്‌മ് സാമിക്ക് മദ്‌പ്പ് കൊഡുക്ക്യ ബേ്ണ്ടിത്തെ ക്‌റ്‌സ്‌ത്ത് ബന്താദ്. സാമി സൊല്ലുസുലക്കാത്ത്‌ല്: <<അദ്‌നാലെ എഗുദാരല്ലാത്ത ജാദിഗാള് പട്ട്‌ല് നാന് നിനാന ദൊഡ്ഡവാന് എന്റ് സൊല്ലുവെ, നാന് നിനാന പറ്റി പാട്ട് പാഡുവെ>> എന്റ് എ്ള്‌ദിര്‌ക്കുവ പാസെത്തെ.

അപ്പോസുത്തലാര് 26:18

നീ അവാര്‌ക്ക് സത്ത്യ എന്തെന്റ് കാട്ടി കൊഡുക്കുഡൊ. അത്തെ അവാര്‌ന ഇ്റ്‌ട്ട്‌ലിന്ത് ബെ്ള്‌സ സാരിമ് സെയിത്താന് അദിഗരാത്ത്‌ലിന്ത് സാമി സാരിമ് തിര്‌ക്കുഡൊ. അവാര് എനാന നമ്പുവാദ്‌നാലെ സാമി അവാര് പാവഗാള്‌ന പൊറുക്കുവാന്. അത്തെ സാമി തെരിന്തെ്ഡ്‌ത്തവാര് പട്ട്‌ല് അവാര്‌ക്ക് ഇര്‌ക്കുവ പങ്ക്‌മ് കെ്ഡേക്കുവു.> >>

1 പത്ത്‌റോസു 1:18

നിമ്മ് പാട്ടിപാട്ടനാമ് ബെത്ത സട്ട്‌മെ്ട്ട്‌പഡി പെ്ളേത്തിന്ത അര്‌ത്തില്ലാത്ത പെ്ളേപ്പ്‌ലിന്ത് നിമാന തിരിക്കി എ്ഡ്‌ക്ക്യ ബെലെ കൊഡുത്താദ് പൊന്നൊ ബെ്ള്ള്യൊ അത്തെ ഇര്‌ക്കുവ അളിന്ത് പോവ ജാദിഗാള്‌ന ബെത്തല്ല.