റോമഗാറാര് 1:18 - സാമി സേദി

¹⁸ മന്‌സാര് ഗേവ എല്ലാ കെ്ട്ട കാര്യഗാള്‌നാമ് പാവഗാള്‌നാമ് നോഡി സാമി പഡുവ മൊനെ മേലോഗാത്ത്‌ലിന്ത് ബെ്ളിപഡ്‌ന്റ്. എന്ത്‌ക്കെന്റ് സൊന്ന അവാര് കെ്ട്ട കാര്യഗാള് ഗേന്ത് ആള്‌ഗാള് സാമിന പറ്റ്യുള്ള സത്ത്യ തെരിവാദ്‌ന മുഡാക്ക്‌ന്റാരല്ല?

റോമഗാറാര് 1:18 ပူးပေါင်းရင်းမြစ်များ

റോമഗാറാര് 1:19

എന്ത്‌ക്കെന്റ് സൊന്ന സാമിന പറ്റി തെരിവ കാര്യഗാളെല്ല അവാര്‌ക്ക് ബെ്ളിപട്ട്‌റ്‌ന്റ്. സാമി താനെത്തെ അദ്‌ന അവാര്‌ക്ക് അദ്‌ന ബെ്ളിപഡിസി കൊഡുത്താനല്ല.

റോമഗാറാര് 1:28

സാമിന പറ്റ്യുള്ള അറുവു കെ്ഡേസി നഡാക്കുവാദ്‌ല് ദൊഡ്ഡ കാര്യ ഒന്റുമില്ലെ എന്റ് നെനേക്കുവാദ്‌നാലെ ഗേയ പാങ്കില്ലാത്ത കാര്യഗാള് ഗേയ ബേ്ണ്ടി സാമി അവാര്‌ന കെ്ട്ട ബുദ്ദിഗാറാരായി പെ്ളേക്ക്യ ബ്‌ട്ടാന്.

റോമഗാറാര് 1:32

ഇത്തവ കാര്യഗാള് ഗേവ ഇത്തവാള്‌ഗാള് സാവുക്കു തഗ്‌ദ്യുള്ളവാര്‌ത്തെ എന്നുവ സാമിസട്ടന തെരിന്തിന്ത് ഗുഡി അവാര് ഇത്തവ കാര്യഗാള്‌ന ഗേവാദ് താനേമല്ല, ഇത്തവ കാര്യഗാള് ഗേന്റവാര്‌ന പിര്യാമ് പഡ്‌ന്റാര്.

റോമഗാറാര് 2:3

അത്തവ കാര്യഗാള് ഗേന്റവാര്‌ന കുറ്റാമ് ബിദിത്ത് അദേ കാര്യനത്തെ നീയിമ് ഗേന്റായി, അത്തെ ഗേവ നീ സാമി കുറ്റ ബിദിക്കുവ ബിദിലിന്ത് തപ്പിസി കഡാക്കുവായി എന്റ് നീ നെനേക്ക്‌ന്റായ?

റോമഗാറാര് 3:9

അദ്‌നാലെ എന്ത്? എഗുദാര് ജാദിക്ക് പട്ട നമ്മ എഗുദാരല്ലാത്ത ജാദിഗാള്‌ന ബ്‌ഡ ഉജാന്തവാര? ഇല്ലെഗേ ഇല്ലെ, എഗുദാര് ജാദിക്ക് പട്ടവാര്‌മ് എഗുദാര് അല്ലാത്ത ജാദിഗാള്‌മ് ഒന്റേ ഒപ്പ പാവാക്ക് അഡിമെഗാള്‌ത്തെ എന്റ് നമ്മ മുദാല് താനെ കാട്ട്‌നാമല്ല.

റോമഗാറാര് 4:15

മോസെ ബെത്ത സാമി സട്ടപഡി നഡാക്ക്യ മുഡ്യാത്താദ്‌നാലെ ആള്‌ഗാള് സാമിന മൊനെ ബര്‌സ്സ്‌ന്റാര്. ആന സട്ട ഇല്ലാത്ത എ്ഡേല് സട്ടപഡി നഡാക്കാലെ എന്നുവ കുറ്റാമില്ലെ.

റോമഗാറാര് 5:6

സാമി ആസെപഡി നഡാക്ക്യ മുഡ്യാദെ നമ്മ കുറ്റകൊറേവുള്ളവാര് ആയിര്‌ക്കാട്ടി താനെ ക്‌റ്‌സ്‌ത്ത് നമാക്ക് ബേ്ണ്ടി സാമി സൊന്ന ഗളിഗേല് താനെ സത്താന്.

റോമഗാറാര് 5:9

ക്‌റ്‌സ്‌ത്ത് നമാക്ക് ബേ്ണ്ടി സൂസുന സോരെനാലെ നമ്മ സാമി കണ്ണ്‌ക്ക് നേര്‌മെഗാറാര് ആനാമ്. അത്ത്യായിന്ത നേര്‌മെഗാറാര് ആന പ്‌റ സാമി മൊനേക്ക്‌പട്ട് ആള്‌ഗാള്‌ന ദെ്ണ്ടിക്കുവ ഗളിഗേല് ക്‌റ്‌സ്‌ത്ത് നമാന ഒറേപ്പായിമ് കാപാറ്റുവാന്.

റോമഗാറാര് 6:13

നിമ്മ സത്തിന്ത് ഉജുര്‌ളാഗ്‌നവാര് ആനാദ്‌നാലെ നിമ്മ് സരിഗലന സാമി ആസെപഡുവ കാര്യഗാള് ഗേയ ബേ്ണ്ടി സാമിക്ക് അഡിമെ മാഡി ബെയിന്. നിമ്മ് സരിഗല ആസെപഡുവ കെ്ട്ട കാര്യഗാള് ഗേന്ത് കൊണ്ടു നിമ്മ് സരിഗലന പാവാക്ക് അഡിമെ മാഡി ബെക്കാദേന്.

എപസോസുഗാറാര് 5:6

ഇത്തവാള്‌ഗാള് സൊല്ലുവ ബുദ്ദില്ലാത്ത നായഗാള്‌ന കേ്ട്ട് നിമ്മ ഏമാന്ത് പോഗാദേന്. എന്ത്‌ക്കെന്റ് സൊന്ന അവാര് സാമികാര്യഗാള്‌ക്ക് കെ്ട്ട്‌പട്ട് നഡാക്കാത്താദ്‌നാലെ സാമി മൊനേക്ക്‌പട്ട് അവാര്‌ന ദെ്ണ്ടിക്കുവാനല്ല?

കൊലേസ്യഗാറാര് 3:6

എന്ത്‌ക്കെന്റ് സൊന്ന ഇത്തവ കാര്യഗാള് ഗേന്ത് കൊണ്ടു സാമി സൊല്ലുപഡിക്ക് പെ്ളേക്കാത്ത ഇവാര്‌ന സാമി മൊനേക്ക്‌പഡ്‌ന്റാന്.

2 തെസെലോനിക്ക്യഗാറാര് 2:10

അത്തെ സത്ത്യമാന സേദിന നമ്പി തപ്പിസി കഡാക്ക്യ മനേസ്സിര്‌ക്കാത്തവാര്ന അയാള് സദിത്ത് പല കെ്ട്ട കാര്യഗാള്‌മ് ഗേന്ത് ഏമാത്തുവാന്.

2 തെസെലോനിക്ക്യഗാറാര് 2:6

അയാള് സമ്യ ആഗാത്ത മുദാല് ബരുവാദ്‌ന ഇന്നാല് തഡേന്ത്റ്‌ക്കുവാദ് എന്ത് എന്റ് നിമാക്ക് തെരിമ്.