റോമഗാറാര് 1:17 - സാമി സേദി

¹⁷ ബേ്റൊന്റുനാലെമല്ലാദെ നമ്പിക്കെനാലെ താനെത്തെ ആള്‌ഗാള്‌ന സാമി തന്ന് കണ്ണ്‌ക്ക് നേര്‌മെഗാറാര് മാഡ്‌ന്റാന് എന്റ് ഈ നല്ല സേദില് കാട്ടി തന്ത്‌റ്‌ന്റാന്. <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്.>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റല്ല.

റോമഗാറാര് 1:17 ပူးပေါင်းရင်းမြစ်များ

ഓഗന്നാന് 3:36

മഗാന്‌ന നമ്പ്‌ന്റവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്ക്‌മ്. ആന മഗാന് പേസ് കേ്ള്‌ക്കത്തവാര്‌ക്ക് എന്നാല്‌ക്ക്‌മ് ഇര്‌ക്കുവ പെ്ളേപ്പ് കെ്ഡേക്കമാട്ട. അവാര് ഒന്റേപെ്ട്ട് സാമി ദെ്ണ്ടണേക്ക് ആളായി തള്ള്‌നാര്.>>

റോമഗാറാര് 10:3

സാമി നേര്‌മെഗാറാര് മാഡുവാദ്‌ന പറ്റി അവാര് തെര്യാത്തവാര് ആനാദ്‌നാലെ തമ്മ ഗേവ കാര്യന ബെത്ത് നേര്‌മെഗാറാര് ആയ അവാര് ഓരാഡ്‌നാര്. അത്തെ സാമി നേര്‌മെഗാറാര് മാഡുവാദ്‌ക്ക് അവാര് കെ്ട്ട്‌പഡാലെ.

റോമഗാറാര് 3:21

ആന സാമി സട്ടപഡി അല്ലാദെ താനെ സാമി മന്‌സാര്‌ഗാള്‌ന നേര്‌മെഗാറാര് മാഡ്‌ന്റാന് എന്നുവാദ് ഇന്നാല് ബെ്ളിപട്ട്‌റ്‌ന്റ്. മോസെ ബെത്ത സാമിസട്ട ഇദ് നേര്‌ത്തെ എന്റ് സൊന്റു, സാമിദാസ്‌ഗാള്‌മ് ഇദ് നേര്‌ത്തെ എന്റ് സൊന്റാര്.

റോമഗാറാര് 3:22

ഏസ്സ് ക്‌റ്‌സ്‌ത്ത്‌ന നമ്പുവ നമ്പിക്കേന ബെത്ത് സാമി എല്ലാ ആള്‌ഗാള്‌നാമ് നേര്‌മെഗാറാര് മാഡ്‌ന്റാന്. ക്‌റ്‌സ്‌ത്ത്‌ന നമ്പ്‌ന്റവാര്‌ക്ക്‌ത്തെ സാമി ഇത്തെ ഗേവാദ്. ഈ കാര്യാത്ത്‌ല് സാമി എഗുദാരെന്റൊ എഗുദാരല്ലത്തവാരെന്റൊ പ്‌റ്‌ത്ത് നോഡുവാദില്ലെ.

റോമഗാറാര് 3:3

എഗുദാര്‌ല് ലേസ ആള്‌ഗാള് നമ്പാത്താദ്‌നാലെ സാമിമ് താന് സൊന്ന ബാക്ക്‌ന തവാറ്‌സി നമ്പ്യ മുഡ്യാത്താവാന് ആവാന?

റോമഗാറാര് 9:30

അദ്‌നാലെ നമ്മ ഇദ്‌ന പറ്റി എന്തെന്റ് സൊല്ല്യാമ്? നേര്‌മെഗാറാരായി നഡാക്ക്യ നോഡാത്ത എഗുദാരല്ലാത്ത ജാദിഗാള് നേര്‌മെഗാറാര് ആനാര്. അദ് എത്തെന്റ് സൊന്ന നമ്പിക്കെനാലേത്തെ.

2 കൊരിന്ത്യഗാറാര് 3:9

പള്യ ഒപ്പന്ത ആള്‌ഗാള്‌ന കുറ്റഗാറാര് എന്റ് ബിദിക്ക്‌ന്റ്. അദ്‌ക്ക് മദ്‌പ്പ് ഇര്‌ക്ക്‌ന്റ്. ആന പുദ്യ ഒപ്പന്ത ആള്‌ഗാള്‌ന നേര്‌മെഗാറാര് മാഡ്‌ന്റ്. അദ് എത്ത്‌റാഗോ മദ്‌പ്പുള്ളാദ്‌ത്തെ.

2 കൊരിന്ത്യഗാറാര് 5:21

ക്‌റ്‌സ്‌ത്ത് പാവ ഇല്ലത്തവാന് ആയിന്താന്. നമ്മ ഗേന്ത പാവഗാള്‌നെല്ല സാമി അയാള് തലേക്ക് ഏ്റ്‌സ്‌നാന്. അത്തെ അയാളോഡ രാജി കൂഡിര്‌ക്കുവ പേര്‌ല് സാമി നമാന നേര്‌മെ ഉള്ളവാര് ആയി സേത്തി ബെക്ക്‌ന്റാന്.

ഗലാത്ത്യഗാറാര് 3:11

മോസെ ബെത്ത സാമി സട്ടാത്ത്‌ല് സൊല്ലിര്‌ക്കുവ കാര്യഗാള്‌ന ഗേവാദ്‌നാലെ ആര്‌മ് നേര്‌മെഗാറാന് ആവാദില്ലെന്റ് സൊക്കാന തെരിമ്. എന്ത്‌ക്കെന്റ് സൊന്ന, <<സാമി കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്>> എന്റ് സാമി സൊല്ലുസുലാക്കാത്ത്‌ല് എ്ള്‌ദിര്‌ക്ക്‌ന്റ്.

പിലിപ്പ്യഗാറാര് 3:9

അത്തെ എനാക്ക് ക്‌റ്‌സ്‌ത്തോഡ ഒന്റായിര്‌ക്ക്യ മുഡിമ്. മോസെ ബെത്ത സാമി സട്ടപഡി നഡാന്ത് കൊണ്ടു നേര്‌മെഗാറാനായ നാന് നോഡമാട്ടെ. അദ്‌ക്ക് ബദ്‌ല ക്‌റ്‌സ്‌ത്ത്‌ന നമ്പി നേര്‌മെഗാറാന് ആവാദ് എനാക്ക് മദി. ക്‌റ്‌സ്‌ത്ത്‌ന നമ്പ്‌ന്റവാര്‌നാത്തെ സാമി നേര്‌മെഗാറാര് മാഡുവാദ്.

എവുറായാര് 10:38

ആന എന്ന് കണ്ണ്‌ക്ക് നേര്‌മെഗാറാന് ആയിര്‌ക്ക്‌ന്റവാന് നമ്പിക്കെനാലെ പെ്ളേക്കുവാന്. ആരാറ്റ പിന്ന്‌കാല് മെ്ട്ടി പോന അയാള്‌ന നാന് പിര്യപഡമാട്ടെ.>>