റോമഗാറാര് 1:1 - സാമി സേദി1 സാമി തന്ന് മഗാന്‌മ് നമ്മ് ആണ്ടവാന്‌മാന ഏസ്സ് ക്‌റ്‌സ്‌ത്ത്‌ന പറ്റി മുന്തെ കാലാത്ത്‌ലെ ആള്‌ഗാള്‌ക്ക് ബാക്ക് കൊഡുത്തിന്ത നല്ല സേദിന സാമി സൊല്ലുസുലാക്കാത്ത്‌ല് സാമി സാമിദാസ്‌ഗാള് എ്ള്‌ദി ബെത്ത്‌റ്‌ന്റാര്. အခန်းကိုကြည့်ပါ။ |
റോമഗാറാര് 1:1
73 ပူးပေါင်းရင်းမြစ်များ
എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.
അത്തെ സാമിക്ക് ബേ്റ്‌വെന്താദ്‌നാലെത്തെ എഗുദാരല്ലാത്ത ജാദിഗാള് പട്ട്‌ല് സാമിന പറ്റി സൊല്ലുവ നല്ല സേദിന സൊല്ല്യ ബേ്ണ്ടി സാമി എനാന ക്‌റ്‌സ്‌ത്ത് ഏസ്സ്‌ക്ക് ഗിലാസഗാറാന് മാഡ്നാദ്. സാമിനിഗാല് സുത്താപ്പ് മാഡ്‌നാദ്‌മ് സാമിക്ക് മെച്ച്‌പ്‌ഡിത്താദ്‌മ് ആന നേര്‌സെ മാഡി അവാര്‌ന സാമി പട്ട്‌ക്ക് എ്ഡ്‌ത്ത് പോയാത്തെ നാന് പൂസാരിന പാസെ ഈ ഗിലാസ ഗേന്ത് കൊണ്ട്‌റ്ക്കുവാദ്.
ഗലാത്ത്യ നാഡ്‌ല ഏസ്സ്‌ഗാറാര് കൂട്ടഗാള്‌ക്ക്, അപ്പോസുത്തലാന് പവുലോസു എന്നുവ നാന് എ്ള്‌ദുവ എ്ള്‌ത്ത്. ഈ എ്ള്‌ത്ത്‌ല് എ്ള്‌ദിര്‌ക്കുവ കാര്യഗാള്‌ക്ക് ഇദ്‌ല് എന്നൊപ്പ ഇര്‌ക്കുവ ഏസ്സ്‌ഗാറാര്‌മ് ഒത്തുപട്ട്‌ര്‌ന്റാര്. നല്ല സേദിന സൊല്ല്യ ബേ്ണ്ടി എനാന അപ്പോസുത്തലാനായി തെരിന്തെ്ഡ്‌ത്ത് ബെത്താദ് ഏസ്സ് ക്‌റ്‌സ്‌ത്ത്‌മ് ഏസ്സ് ക്‌റ്‌സ്‌ത്ത്‌ന ഉജുര്‌ളാക്ക്‌ന അപ്പാനായിര്‌ക്കുവ സാമിമ്‌ത്തെ. അല്ലാദെ മന്‌സാനല്ല.
അദ്‌താനേമല്ല, പെരിഗി കൊണ്ട്‌റ്‌ക്കുവ തന്ന് സരിഗലായിര്‌ക്കുവ ഏസ്സ്‌ഗാറാര് കൂട്ടാത്ത്‌ല ആള്‌ഗാള് സാമി മഗാനായിര്‌ക്കുവ ഏസ്സ്‌ന പറ്റി നലമായി തെരിന്ത്, സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ന്റവാരായി പെ്ളേക്കുവ പെ്ളേപ്പ്‌ല് ഒറേപ്പിര്‌ക്ക്‌ന്റവാരായിമ്, സാമിന നമ്പി നഡാക്കുവ പെ്ളേപ്പ്‌ല് ഒത്തിമോഡ ഇര്‌ക്ക്‌ന്റവാരായിമ്, ഏസ്സ് ക്‌റ്‌സ്‌ത്ത്‌ന പാസെ ആഗമാട്ട്‌ക്ക് നമ്മ് കൂട്ടാത്ത്‌ല് ലേസ ആള്‌ഗാള്‌ന ഏസ്സ് ക്‌റ്‌സ്‌ത്ത്‌ന തെര്യാദിര്‌ക്കുവ എ്ഡെഗാള്‌ക്ക് പോയി അപ്പോസുത്തലാര് ഗിലാസ ഗേയാമ്, ബേ്റെ ലേസ ആള്‌ഗാള്‌ന സാമി സൊല്ലുവാദ്‌ന സൊല്ലുവ സാമിദാസ്‌ഗാള് ഗിലാസ ഗേയാമ്, ബേ്റെ ലേസ ആള്‌ഗാള്‌ന ഏസ്സ്‌ന പറ്റി സൊല്ലുവ നല്ല സേദിന സൊല്ലുവ ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ഗാറാര് കൂട്ടന നഡാത്തുവ മാട്ട്യാന് ഗിലാസ ഗേയാമ് ബേ്റെ ലേസ ആള്‌ഗാള്‌ന ഏസ്സ്‌ന പറ്റ്യുള്ള സത്ത്യാന ഏസ്സ്‌ഗാറാര് കൂട്ടാക്ക് പഡിസി കൊഡുക്കുവ ഗിലാസ ഗേയാമ് എ്ഡ്‌ത്ത് ബെത്ത്‌റ്‌ന്റാന്.
എമ്മ നിമ്മ് പട്ട്‌ക്ക് സാമി ഗിലാസാന ഗേയ ബരുവാദ്‌ക്ക് മുദാല് പിലിപ്യ പട്ടണാത്ത്‌ല് ഗേന്ത ഗിലാസഗാള്‌നാമ് എമ്മ പട്ട കജട്ടഗാള്‌നാമ് മാനകേ്ഡ്‌നാമ് പറ്റി നിമ്മ കേ്ട്ട്‌റ്‌ക്ക്‌ന്റ്‌റല്ല. അയി കജട്ടഗാള്‌ല് എമ്മ സോറ്റു പോഗാദിര്‌ക്ക്യ സാമി സക്‌തി തന്താദ്‌നാലെത്തെ എമ്മ നിമ്മ് പട്ടണാത്ത്‌ല് ബന്ത് അയി സാമിന പറ്റി സൊല്ലുവ നല്ല സേദിന നിമാക്ക് സൊല്ല്യ എമാക്ക് ദയിര കെ്ഡേത്താദ്.
ക്‌റ്‌സ്‌ത്ത് ഏസ്സ്‌ന നമ്പുവാദ്‌നാലെ എനാക്ക് സൊന്ത മഗാനായിര്‌ക്കുവ തിമിത്തോസെ, നമാന കാപാറ്റുവ സാമിമ്, നമ്മ നെഞ്ചഡെ ബെത്ത്‌റ്‌ക്കുവ ക്‌റ്‌സ്‌ത്ത് ഏസ്സ്‌മ് തന്ത അദിഗര കണാക്ക്‌ല് ക്‌റ്‌സ്‌ത്ത് ഏസ്സ് അപ്പോസുത്തലാന് ആയിര്‌ക്കുവ പവുലോസു എ്ള്‌ദുവാദ്. നമ്മ് അപ്പാന് സാമിമ് നമ്മ് ആണ്ടവാന് ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന ഗവാമ് പഡുഡൊ, നിനാന നിമ്മ്‌ദ്യായിമ് ബെക്കുഡൊ.
എനാന പാസെ ഏസ്സ്‌ന നമ്പ്‌ന്റവാന്‌മ് എനാക്ക് നേര്‌മായി മഗാന്‌മ് ആയിര്‌ക്കുവ തീത്തോസെ, സാമി ഗിലാസഗാറാന്‌മ് ഏസ്സ് ക്‌റ്‌സ്‌ത്ത് അപ്പോസുത്തലാന്‌മ് ആയിര്‌ക്കുവ പവുലോസു എന്നുവ നാന് നിനാക്ക് എ്ള്‌ദുവാദ്. സാമി തെരിന്തെ്ഡ്‌ത്ത ആള്‌ഗാള് ഏസ്സ്‌ന ഒറേപ്പായി നമ്പ്യാമ് സാമി പിര്യാക്ക് പെ്ളേക്ക്യ ബേ്ണ്ടി ക്‌റ്‌സ്‌ത്ത്‌ന പറ്റി പഡുസുവ സത്ത്യമാന കാര്യഗാള്‌ന അവാര്‌ക്ക് സൊക്കാന സൊല്ലി കൊഡുക്ക്യാമ് സാമി എനാന അപ്പോസുത്തലാനായി സൊല്ലി ബ്‌ട്ട്‌റ്‌ന്റാന്. എല്ലാദ്‌നാമ് ദ്‌ട്ട്‌സുവാദ്‌ക്ക് മുദാല് സാമി തന്റെ എന്റ് ബാക്ക് തന്ത്‌റ്‌ക്കുവ എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന കെ്ഡേക്ക്‌മ് എന്നുവ ഒറേപ്പ് ഈ സത്ത്യമാന കാര്യഗാള്‌ലിന്ത് കെ്ഡേക്ക്‌ന്റ്. അദ് തന്റെന്റ് സൊന്ന സാമി താന് സൊന്ന ബാക്ക്‌ന തവാറ്‌സമാട്ടാന്. സാമി മുഡിവു മാഡിന്ത അദേ ഗളിഗേക്ക് താനെ ഈ സത്ത്യമാന കാര്യഗാള്‌ന സൊല്ലി തന്ത് എദ്‌ക്ക മാഡ്‌നാന്. ഈ സത്ത്യമാന കാര്യഗാള്‌ന സൊല്ലി കൊഡുക്ക്യ നമാന കാപാറ്റുവ സാമി എനാക്ക് സൊല്ലിര്‌ക്ക്‌ന്റാന്. നമ്മ് അപ്പാന് സാമിമ് നമാന കാപാറ്റുവ ക്‌റ്‌സ്‌ത്ത് ഏസ്സ്‌മ് നിനാക്ക് പ്‌ണ്ണ്യാമ് ഗേഡൊ, നിനാന നിമ്മ്‌ദ്യായിമ് ബെക്കുഡൊ.
ကြော်ငြာတွေ