ബെ്ളിപട്ട കാര്യ 9:20 - സാമി സേദി

²⁰ ഈ തീയിമ്, പൊഗേമ്, ഗെന്തഗാമ് തട്ടി സാഗാദെ മിച്ച ഇന്ത ആള്‌ഗാള് തമ്മ കയില് കുമ്മുഡുവ ജാദിഗാള് മാഡുവാദ്‌ന തള്ളി സാമിസാരി തിര്‌ഗാലെ. അദ്‌താനേമല്ല, പൊന്നുലുമു, ബെ്ള്ളില്‌മ്, ബെ്ങ്കലാല്‌മ്, കല്ല്‌ല്‌മ്, മരാത്ത്‌ല്‌മ് ഉണ്ടാക്ക്‌ന കാണ്യാമ് കേ്ള്‌ക്ക്യാമ് അലിങ്ക്യാമ് മുഡ്യാത്ത സെലെഗാള്‌ന കുമ്മുഡുവാദ്‌നാമ് കെ്ട്ടജാദിഗാള്‌ന കുമ്മുഡുവാദ്‌നാമ് അവാര് തള്ളാലെ.

ബെ്ളിപട്ട കാര്യ 9:20 ပူးပေါင်းရင်းမြစ်များ

മത്തായി 21:32

എന്ത്‌ക്കെന്റ് സൊന്ന ഓഗന്നാന് നേര്‌മോഡ പെ്ളേക്കുവാദ് എത്തെ എന്റ് സൊല്ലികൊണ്ടു നിമ്മ് പട്ട്‌ക്ക് ബന്താന്. നിമ്മ അയാള്‌ന നമ്പാലെ. ആന കന്ത്യ കെ്ട്ടുവ കാസ് പിരിക്ക്‌ന്റവാര്‌മ് ബേസ്യാഡ്‌ന്റവാര്‌മ് അയാള്‌ന നമ്പ്‌നാര്. അദ്‌ന കണ്ട് ഗുഡി നിമ്മ മനേസ്സ് മാറി അയാള്‌ന നമ്പാലെ.>>

അപ്പോസുത്തലാര് 17:29

അത്തെ നമ്മ സാമി പ്‌ള്ളെഗാള് ആയിര്‌ക്കുവാദ്‌നാലെ സെലെഗാള് സാമി എന്റ് നമ്മ എന്നാല്‌ക്ക്‌മ് നെനേക്ക ബേ്ഡ. മന്‌സാന് തന്ന് കയിനാലേമ് ബുദ്ദിനാലേമ് പൊന്നുലുമു ബെ്ള്ളില്‌മ് കല്ല്‌ല്‌മ് ഉണ്ടാക്ക്‌നാദ്‌ത്തെ സെലെഗാള്.

അപ്പോസുത്തലാര് 19:26

ആന മന്‌സാന് കയില് മാഡ്‌നാദ് സാമിഗാള് അല്ല എന്റ് പവുലോസു എന്റവാന് സൊല്ലുവാദ്‌ന നിമാക്ക് താനെ കാണ്യാമ് കേ്ള്‌ക്ക്യാമ് മുഡിമ്. അത്തെ സൊല്ലി അയാള് എപസോസുല പട്ടണാത്ത്‌ല് താനെ അല്ല ആസ്യ നാഡ്‌ല് ഒട്ടുക്കുമു എഞ്ചോ ആള്‌ഗാള്‌ക്ക് സൊല്ലി അദ് നേര്‌ത്തെ എന്റ് അവാര്‌ന നമ്പ്യ ബെത്ത്‌റ്‌ന്റാന്.

അപ്പോസുത്തലാര് 7:41

അയി ഗളിഗേല്‌ത്തെ അവാര് ഒന്റു ഓരി കന്റ് സെലെന മാഡി അദ്‌ക്ക് പലി കൊഡുത്താദ്, അത്തെ അവാര് തമ്മ് കയില് മാഡ്‌ന ഓരി കന്റ് സെലേല് നോമ്പി ഗേന്ത് കൂത്താഡ്‌നാര്.

2 കൊരിന്ത്യഗാറാര് 12:21

എമ്മ ഈ ഗഡി ബര്‌ഗാട്ടി നിമ്മ് മുന്നുക്കു ബെത്ത് സാമി എനാന മാനഗെ്ഡ്‌സുവാനൊ എന്റ്‌മ് നാന് അഞ്ച്‌ന്റെ. കെ്ട്ട പെ്ളേപ്പ്, ബേസ്യാഡി നഡാക്കുവാദ്, കാമാക്ക് കണ്ണില്ലാദെ കണ്ടപഡിക്ക് നഡാക്കുവാദ്‌ഗാള്‌ക്കെല്ല സിക്കി സാമിസാരി തിര്‌ഗാദെ ഇര്‌ക്ക്‌ന്റവാര്‌ന പറ്റി ദുക്കപഡുവ ഗെദി ബരുമൊ എന്റ്‌മ് നാന് അഞ്ച്‌ന്റെ.

1 തിമിത്തോസു 4:1

ഇന്നി ബരുവ കാലാത്ത്‌ല് ഒന്റൊന്റാള്‌ഗാള് അവാര്‌ക്ക് ഏസ്സോഡിര്‌ക്കുവ നമ്പിക്കേന ബ്‌ട്ട്‌തള്ളി പൊയി സൊല്ലി സദിക്കുവ നിഗാല്‌ഗാള് സൊല്ലുനാമ് സെയിത്താന് പഡുസുവ കാര്യഗാള്‌നാമ് നമ്പുവാരെന്റ് സാമിനിഗാല് സൊക്കാന സൊല്ലുന്റു.

ബെ്ളിപട്ട കാര്യ 15:1

നാന് മേലോഗാത്ത്‌ല് ദൊഡ്ഡാദ്‌മ് അദിസ്യപഡുവാദ്‌മ് ആന ബേ്റൊന്റു അഡ്യാള കണ്ടേന്. ഏ്ള് ദൂദനാമ് കഡേസി ബ്‌ഡുവ ഏ്ള് ദൊഡ്ഡ ദെ്ണ്ടണെഗാളോഡ ബന്റാര്. എന്ത്‌ക്കെന്റ് സൊന്ന അദോഡ സാമി മൊനെ തീന്ത്‌ദ്.

ബെ്ളിപട്ട കാര്യ 16:8

നാലാവാദ് ദൂദാന് തന്ന് സട്ടിന നേരാക്ക് ഊറ്റുനാന്. അദുക്കുള നേരാക്ക് ഇര്‌ക്കുവ മ്‌ഗ്‌ന്ത സൂഡുലു മന്‌സാര്‌ഗാള്‌ന സുട്ടു തള്ള്യ നേരാക്ക് അദിഗര കെ്ഡേത്ത്‌ദ്.

ബെ്ളിപട്ട കാര്യ 9:19

എന്ത്‌ക്കെന്റ് സൊന്ന കുദുറെഗാള് സക്‌തി കുദുറെഗാള് ബായില്‌മ് ബാല്‌ല്‌മ്‌ത്തെ ഇര്‌ക്കുവാദ്. കുദുറെ ബാല്‌ഗാള് തലെ ഇര്‌ക്കുവ പാമ്പ്‌ഗാള്‌ന പാസെത്തെ. അയി ബാല്‌ഗാള്‌ല്‌ത്തെ കുദുറെഗാള് ഗായ മാഡുവാദ്.

ബെ്ളിപട്ട കാര്യ 9:21

തമ്മ കൊലെ ഗേന്താദ്‌നാമ്, പണ്ടിത്തപാഡ ഗേന്താദ്‌നാമ്, കണ്ടപഡിക്ക് നഡാന്ത് ബേസ്യാഡുവാദ്‌നാമ്, ത്‌റ്‌ഡ്‌നാദ്‌നാമ് തപ്പ് എന്റ് തെരിന്ത് അദ്‌ഗാള്‌ന തള്ളി അവാര് സാമിസാരി തിര്‌ഗാലെ.