ബെ്ളിപട്ട കാര്യ 8:8 - സാമി സേദി

⁸ റണ്ടാവാദ് ദൂദാന് കൊമ്പൂദുഗാട്ടി തീ കത്തുവ ദൊഡ്ഡ മലെന പാസെ ഇര്‌ക്കുവ എന്തോ ജാദിന കഡാല്‌ക്ക് എ്റിന്താര്. അദുക്കുള മൂറുലു ഒന്റു ബാഗ കഡാല് സോരെ ആറ്റ്.

ബെ്ളിപട്ട കാര്യ 8:8 ပူးပေါင်းရင်းမြစ်များ

മര്‌ക്കോസു 11:23

നിമ്മ ആരാറ്റ മനേസ്സ്‌ല് സന്തേഗപഡാദെ നാന് സൊല്ലുവാദ് നഡാക്ക്‌മ് എന്റ് നമ്പിക്കോഡ ഈ മലെന <പ്‌ഡാങ്കി പോയി കഡാല്‌ക്ക് ബീ്ഗ്> എന്റ് സൊന്ന അദ് അദേപാസെ നഡാക്ക്‌മ് എന്റ് നാന് സത്ത്യമായിമ് നിമാക്ക് സൊന്റെ.

ബെ്ളിപട്ട കാര്യ 8:7

ഒണ്ണാവാദ് ദൂദാന് കൊമ്പൂദുഗാട്ടി സോരെ കലാന്ത കല്ല് മഗേമ് തീയിമ് ഉണ്ടായി അദ് ബൂമിക്ക് അഡിത്ത്‌ദ്. മൂറുലു ഒന്റു ബാഗ ബൂമി ബെന്ത് ബൂദ്യാറ്റ്, മരഗാള്‌ല് മൂറുലു ഒന്റു ബാഗ ബെന്ത് കരിന്ത്‌ദ്, പച്ചെ പുല്ലുഗാള് ഒട്ടുക്കു ബെന്ത് കരിന്ത്‌ദ്.

ബെ്ളിപട്ട കാര്യ 11:6

എനാക്ക് സൊല്ല്യ ഇര്‌ക്കുവാദ്‌ന അവാര് സൊല്ലുവ കാലാത്ത്‌ല് മഗെ അഡിക്കാദിര്‌ക്ക്യ ബേ്ണ്ടി ബാന്‌ന അഡേക്ക്യ അവാര്‌ക്ക് അദിഗര ഇര്‌ക്ക്‌ന്റ്. നീര്‌ന സോരെ മാഡ്യാമ്, തമ്മ ആസെപഡ്‌ഗാട്ട്യെല്ല എല്ലാ ദിന്‌സ് കജട്ടഗാള്‌ന ബരിസ്സി ബൂമിന ദെ്ണ്ടിക്ക്യാമ് അവാര്‌ക്ക് അദിഗര ഇര്‌ക്ക്‌ന്റ്.

ബെ്ളിപട്ട കാര്യ 9:15

അദുക്കുള അയി ദൂദനാമ്‌ന ഉക്കി ബ്‌ട്ടാര്. മന്‌സാര്‌ഗാള്‌ല് മൂറുലു ഒന്റു ബാഗന കൊന്റു തള്ള്യ ഉള്ള അയി ഗളിഗേക്ക്‌മ്, അയി നാള്‌ക്ക്‌മ്, അയി മാസാക്ക്‌മ്, അയി ബര്‌സ്സാക്ക്‌മ് ബേ്ണ്ടി ഒരിക്കി ബെത്തിന്തവാര്‌ത്തെ അവാര്.

ബെ്ളിപട്ട കാര്യ 9:18

അദ്‌ഗാള് ബായിലിന്ത് കഡാന്ത തീ, പൊഗെ, ഗെന്തഗ ഈ മൂറുമു മന്‌സാര്‌ഗാള്‌ക്ക് തട്ട്‌നാദ്‌നാലെ മന്‌സാര്‌ഗാള്‌ല് മൂറുലൊന്റു ബാഗ ആള്‌ഗാള് സത്ത് കൊട്ടുനാര്.

ബെ്ളിപട്ട കാര്യ 12:4

അയി പാമ്പ് തന്ന് ബാല്‌ല് ബാന്‌ല ബെ്ള്ളിഗാള്‌ല് മൂറുലു ഒന്റു ബാഗന ഒഡുക്കി എ്ഡ്‌ത്ത് ബൂമിക്ക് എ്റിന്ത്‌ദ്. അയി പെ്ണ്ണ്‌പ്‌ളെ പ്‌ള്ളെ്ഡ്‌ക്കുവ ഗളിഗേല് താനെ പ്‌ള്ളെന നുങ്ക്യ ബേ്ണ്ടി അയി പാമ്പ് അവാള് മുന്നുക്കു നിന്റിന്ത്‌ദ്.