ബെ്ളിപട്ട കാര്യ 7:16 - സാമി സേദി

¹⁶ ഇന്നി അവാര്‌ക്ക് പജി പ്‌ഡിക്കമാട്ട, നീരറാക്കെ എ്ഡ്‌ക്കാമ് മാട്ട, ബെക്കെ സൂഡൊ പൊക്കുസുവ ബേ്റെ എന്താറ്റ സൂഡൊ അവാര്‌ക്ക് തട്ടാമ് മാട്ട.

ബെ്ളിപട്ട കാര്യ 7:16 ပူးပေါင်းရင်းမြစ်များ

മത്തായി 13:21

എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അയാള് അദിഗ കാല നെലെനില്ലമാട്ടാന്. അയി സേദിനാലെ കജട്ടാഗൊ കൊഡിമേഗൊ ബന്തദാന അയാള് സട്ടന പിന്ന്‌കാല് മെ്ട്ട്‌ന്റാന്.

മത്തായി 13:6

ആന ബേര് ഇ്റാഗ്യ മുഡ്യാത്തനാലെ നേര കഡാന്ത് ബെക്കെകാല് തട്ട്‌ഗാട്ട്യെല്ല അയി പയിര്‌ഗാള് ഉണാന്ത് തള്ള്‌ട്ട്.

മത്തായി 5:6

നീദിക്ക് ബേ്ണ്ടി മ്‌ഗ്‌ന്ത ആസെപഡ്‌ന്റവാര് ബാഗ്യകേ്ട്ടവാര്, എന്ത്‌ക്കെന്റ് സൊന്ന സാമി അവാര്‌ക്ക് മദി ബരമാട്ട്‌ക്ക് നീദ്യുള്ള കാര്യഗാള് ഗേന്ത് കൊഡുക്കുവാന്.

മര്‌ക്കോസു 4:17

എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അവാര് അദിഗ കാല നെലെനില്ലമാട്ടാര്. അയി സേദിനാലെ കജട്ടാഗൊ കൊഡിമേഗൊ ബന്തദാന അവാര് സട്ടന പിന്ന്‌കാല് മെ്ട്ടുവാര്.

മര്‌ക്കോസു 4:6

ആന ബേര് ഇ്റാഗ്യ മുഡ്യാത്തനാലെ നേര കഡാന്ത് ബെക്കെകാല് തട്ട്‌ഗാട്ട്യെല്ല അയി പയിര്‌ഗാള് ഉണാന്ത് തള്ള്‌ട്ട്.

ലൂക്കോസു 1:53

പജിര്‌ന്റവാര്‌ക്ക് സാമി ബേ്ഡ്‌മാനാദ് കൊഡുത്തു മദിബര്‌സ്‌നാന്. സമ്പോത്ത പെ്ളേപ്പ്‌ഗാറാര്‌ക്ക് ഒന്റുമു കൊഡുക്കാദെ ബെ്റ്‌ദെ ബ്‌ട്ടാന്.

ലൂക്കോസു 6:21

ഇന്നാല് പജി ക്‌ഡാക്കുവ നിമ്മ ബാഗ്യകേ്ട്ടവാര്. എന്ത്‌ക്കെന്റ് സൊന്ന ബേ്റ്‌പ്‌ഡിക്ക മാട്ട്‌ക്ക് നിമാക്ക് തിന്ന്യ കെ്ഡേക്ക്‌മ്. ഇന്നാല് കേ്യിവ നിമ്മ ബാഗ്യകേ്ട്ടവാര്. എന്ത്‌ക്കെന്റ് സൊന്ന നിമ്മ പിര്യപിര്യാത്ത് ഇര്‌ക്കുവുറു.

ഓഗന്നാന് 4:14

ആന നാന് കൊഡുക്കുവ നീര്‌ന കുഡിക്ക്‌ന്റവാന്‌ക്ക് എന്നാല്‌ക്ക്‌മ് നീരറാക്കെ എ്ഡ്‌ക്കമാട്ട. അയി നീര് അയാള് കുളാക്കിന്ത് ഉറാത്തെ പൊട്ടി എന്നാല്‌ക്ക്‌മ് ഇര്‌ക്കുവ പെ്ളേപ്പ്‌ന തരുവ പട്ട്‌ക്ക് എ്ഡ്‌ത്ത് പോയി എത്ത്‌സ്‌മ്>> എന്റ് സൊന്നാന്.

ആക്കോവു 1:11

നേര കഡാന്ത് ബെക്കെ മുറ്റുഗാട്ടി പൂവെല്ല കൊട്ടി അദ്‌ക്കിര്‌ക്കുവ അളാഗെല്ല മായിന്ത് പോന്റു. അദ്‌താനേമല്ല പുല്ലു മഗെഗളിഗേക്ക് ദള്‌ദളാമ് ഇര്‌ക്ക്‌ന്റ്, ബേസഗേക്ക് അദ് കരിഗിമ് പോന്റു. അദേപാസെത്തെ പണന നമ്പി പെ്ളേക്ക്‌ന്റവാന് പെ്ളേപ്പ്‌മ് കെ്ട്ട് പോന്റു.

ബെ്ളിപട്ട കാര്യ 21:4

അവാര് കണ്ണ്‌ല കണ്ണ നീര്‌നെല്ല സാമി തെനേക്കുവാന്. ഇന്നി സാവോ, ദുക്കാഗൊ, കേ്സ്യൊ, ബിജാഗൊ, ഇര്‌ക്കമാട്ട. എന്ത്‌ക്കെന്റ് സൊന്ന മുദാല് ഇന്താദ് ഒട്ടുക്കു കാണദ്യാറ്റ്.>>