ബെ്ളിപട്ട കാര്യ 7:1 - സാമി സേദി

¹ അദ്‌ക്ക് പ്‌റ ബൂമില് നാക്ക് മൂലേല് നാക്ക് ദൂദനാമ് നിന്റ്‌റ്‌ക്കുവാദ്‌നാമ്, ബൂമിക്കൊ കഡാല്‌ക്കൊ മരഗാള്‌ക്കൊ കാറ്റ് അഡിക്കാദിര്‌ക്ക്യ ബൂമില നാക്ക് സാരില കാറ്റ്‌ന അവാര് തഡ്‌ത്ത് ബെത്ത്‌റ്‌ക്കുവാദ്‌നാമ് നാന് കണ്ടെ.

ബെ്ളിപട്ട കാര്യ 7:1 ပူးပေါင်းရင်းမြစ်များ

മത്തായി 24:31

മന്‌സാനായി പ്‌റാന്തവാന് തന്ന് ദൂദാര്‌ഗാള്‌ന ദൊഡ്ഡ ആലാപ്പോഡ ഊദുവ കൊമ്പൂദത്തോഡ സൊല്ലി ബ്‌ഡുവാന്. അവാര് സാമി തെരിന്തെ്ഡ്‌ത്തവാര്‌ന ബൂമിക്ക് നാക്ക് സാരിന്ത്‌മ് എല്ലാ എ്ഡെഗാള്‌ലിന്ത്‌മ് കൂട്ടി ഒന്റുക്കു സേത്തുവാര്.>>

മര്‌ക്കോസു 13:27

പ്‌റസാരി അയാള് തന്ന് ദൂദാര്‌ഗാള്‌ന ബൂമിക്ക് സുറ്റുമു സൊല്ലി ബ്‌ട്ട് നാക്ക സാരിന്ത്‌മ് സാമി തെരിന്തെ്ഡ്‌ത്തവാര്‌ന ഒന്റുക്കു സേത്തുവാന്.>>

ബെ്ളിപട്ട കാര്യ 20:8

അദുക്കുള ഈ സെയിത്താന് ബൂമിക്ക് നാക്ക സാരി ഇര്‌ക്കുവ ഗോഗു, മാഗോഗു എന്റ് സൊല്ലുവ എല്ലാ ആള്‌ഗാള്‌നാമ് ഏമാത്ത്യ പോവാന്. കഡാലോരാത്ത്‌ല മണാല്‌ഗാള്‌ന പാസെ എ്ണ്ണ്‌സ്യ മുഡ്യാത്തളാവുക്കു ഇര്‌ക്കുവ അവാര്‌ന ജുദ്ദ ഗേയ ബേ്ണ്ടി ഒന്റായി കൂട്ടി ബരുസ്സുവാന്.

ബെ്ളിപട്ട കാര്യ 6:6

അദുക്കുള അയി നാക്ക് ഉജുരുകെ്ളെഗാള്‌ക്ക്‌മ് നഡ്‌ക്കെ ഇന്ത് ഒന്റു ജദ്ദന പാസെ നാന് കേ്ട്ടെ: <<ഒന്റു ദിനാറ്‌ക്ക് ഒന്റുപഡി ഗോദിമ്പെ, ഒന്റു ദിനാറ്‌ക്ക് മൂറു പഡി ബാറ്‌ലി. ആന എ്ണ്ണെനാമ് ഊറബെത്ത മുന്തിരി സാരനാമ് കെ്ഡ്‌സ ബേ്ഡ.>>

ബെ്ളിപട്ട കാര്യ 7:3

<<നമ്മ് സാമി ഗിലാസഗാറാര് നെറ്റിക്ക് എമ്മ മുദ്ദുറെ കുത്തി തീര്‌ക്ക മാട്ട്‌ക്ക് ബൂമിക്ക്‌മ് സമ്‌ത്ത്‌റാക്ക്‌മ് മരഗാള്‌ക്ക്‌മ് നിമ്മ കേ്ഡ് ബര്‌സ്സ ബേ്ഡ>> എന്റ് ദൊഡ്ഡാദ്‌ക്ക് ബ്ളിത്ത് സൊന്നാന്.

ബെ്ളിപട്ട കാര്യ 8:7

ഒണ്ണാവാദ് ദൂദാന് കൊമ്പൂദുഗാട്ടി സോരെ കലാന്ത കല്ല് മഗേമ് തീയിമ് ഉണ്ടായി അദ് ബൂമിക്ക് അഡിത്ത്‌ദ്. മൂറുലു ഒന്റു ബാഗ ബൂമി ബെന്ത് ബൂദ്യാറ്റ്, മരഗാള്‌ല് മൂറുലു ഒന്റു ബാഗ ബെന്ത് കരിന്ത്‌ദ്, പച്ചെ പുല്ലുഗാള് ഒട്ടുക്കു ബെന്ത് കരിന്ത്‌ദ്.

ബെ്ളിപട്ട കാര്യ 9:14

കൊമ്പൂദുവ ജാദിന പ്‌ഡിത്തിന്ത ആറാവാദ് ദൂദാന്‌ക്ക്, <<ഊപ്‌റട്ടീസ് എന്നുവ പെര്‌വാനില് കെ്ട്ടി ബെത്ത്‌റ്‌ക്കുവ നാക്ക് ദൂദനാമ്‌നാമ് ഉക്കി ബ്‌ഡ്‌ഡൊ>> എന്റ് സൊല്ലുവ ജദ്ദത്തെ ആയിന്ത്‌ദ് അദ്.

ബെ്ളിപട്ട കാര്യ 9:4

ബൂമില പുല്ലുഗാള്‌ക്കൊ, സെ്ഡികൊഡിഗാള്‌ക്കൊ, മരമട്ടെഗാള്‌ക്കൊ കേ്ഡ്‌പാഡ് ഒന്റുമു മാഡദേന് എന്റ്‌മ് നെറ്റിക്ക് സാമി മുദ്ദുറെ കുത്താത്ത മന്‌സാര്‌ഗാള്‌ന താനെത്തെ കൊഡിമെപഡുസുഡൊ എന്റ്‌മ് അദ്‌ഗാള്‌ക്ക് കല്‌പനെ കെ്ഡേത്ത്‌ദ്.