ബെ്ളിപട്ട കാര്യ 6:2 - സാമി സേദി

² നാന് നോഡുഗാട്ടി ഒന്റു ബെ്ള്ളെ കുദുറെന കണ്ടെ. കുദുറെ കുദ്ദാക്ക് ഇര്‌ക്ക്‌ന്റവാന് കയില് ഒന്റു ബില്ല് ഇന്ത്‌ദ്. അയാള്‌ക്ക് ഒന്റു ഗിര്യാഡാമ് കെ്ഡേത്ത്‌ദ്. അയാള് ഗെല്‌സ്‌വാന് ആയിമ് ഗെലിസ്യാമ് ബേ്ണ്ടിമ് പോനാന്.

ബെ്ളിപട്ട കാര്യ 6:2 ပူးပေါင်းရင်းမြစ်များ

മത്തായി 28:18

അദുക്കുള ഏസ്സ് അവാരര്‌ഗെ പോയി: <<മേലോഗനാമ് ബൂമിനാമ് ആള്‌വാദ്‌ക്കുള്ള എല്ലാ അദിഗരനാമ് എനാക്ക് തന്ത്‌റ്‌ക്ക്‌ന്റാന്.

1 കൊരിന്ത്യഗാറാര് 15:25

എല്ലാ പോട്ടിഗാറാര്‌നാമ് സോലുസി തന്ന് കാല്‌കഡി മാഡമാട്ട്‌ക്ക് ക്‌റ്‌സ്‌ത്ത് രാജാവായി ആളുഡല്ല.

ബെ്ളിപട്ട കാര്യ 11:15

ഏ്ളാവദ് ദൂദാന് കൊമ്പൂദുഗാട്ടി മേലോഗത്ത്‌ലിന്ത് ദൊഡ്ഡ ജദ്ദഗാള് ഉണ്ടാറ്റ്. <<നമ്മ് ആണ്ടവാന്‌ക്ക്‌മ് അയാള് ക്‌റ്‌സ്‌ത്ത്‌ക്ക്‌മ് ഉലഗ രാജ്യന ഒട്ടുക്കു ആള്‌വാദ്‌ക്കുള്ള അദിഗര ഇര്‌ക്ക്‌ന്റ്. അയാള് എന്നാല്‌ക്ക്‌മ് ആളുവാന്.>>

ബെ്ളിപട്ട കാര്യ 11:18

ബൂമില് ഇര്‌ക്കുവ എല്ലാ ജാദിഗാള്‌മ് മൊനേക്ക്‌പട്ടാര്. ആന നീ മൊനേക്ക്‌പഡുവ ഗളിഗേമ് ബന്തെജ്ജ്‌റ്റ്. സത്തവാര്‌ന ബിദിക്കുവാദ്‌ക്കുള്ള ഗളിഗേമ്, നിന്ന് ഗിലാസഗാറാരാന സാമിദാസ്‌ഗാള്‌ക്ക്‌മ്, സാമിഗാറാര്‌ക്ക്‌മ്, നിനാക്ക് അഞ്ചി നഡാക്കുവ ദൊഡ്ഡവാര്‌മ് സ്‌ന്നവാര്‌മ് ആന എല്ലാവാര്‌ക്ക്‌മ് കൂലി കൊഡുക്കുവാദ്‌ക്കുള്ള ഗളിഗേമ് ബൂമിന കെ്ഡ്‌സ്‌ന്റവാര്‌ന അളിക്കുവാദ്‌ക്കുള്ള ഗളിഗേമ് ബന്ത്‌റ്‌ക്ക്‌ന്റ്.

ബെ്ളിപട്ട കാര്യ 14:14

പ്‌റ നാന് നോഡുഗാട്ടി ബെ്ള്ളെ മഞ്ച്‌ന നാന് കണ്ടെ. അയി മഞ്ച് കുദ്ദാക്ക് <<മന്‌സാനായി പ്‌റാന്തവാന്‌ന പാസെ>> ഇര്‌ക്കുവ ഒരുത്താന് തലേല് പൊന്നു ഗിര്യാഡന ഇക്കിമ്, ഉരുക്കിര്‌ക്കുവ അരിവാള് കത്തിന കയില് പ്‌ഡിത്ത്‌മ് കുക്കാന്ത് ഇന്താന്.

ബെ്ളിപട്ട കാര്യ 15:2

തീ കലാന്ത ഒന്റു കന്നാഡി കഡാല്‌ന പാസെ ഇര്‌ക്കുവാദ്‌ന നാന് കണ്ടെ. ബേ്ണ്ട്‌നാമ്, അയി ബേ്ണ്ട് സെലെനാമ്, അയാള് പേര്‌ന കാട്ടുവ എ്ണ്ണനാമ് സോലുസുനവാര് അയി കഡാല്‌ക്ക് അര്‌ഗെ നിന്റിന്താര്. അവാര് തമ്മ് കയില് സാമി കൊഡുത്ത ബീ്ണെഗാള്‌നാമ് പ്‌ഡിത്തിന്താര്.

ബെ്ളിപട്ട കാര്യ 17:14

അവാര് കൊറ്യാഡ് കുട്ട്യോഡ ജുദ്ദ ഗേവാര്. ആന കൊറ്യാഡ് കുട്ടി അവാര്‌ന സോലുസുവാന്. എന്ത്‌ക്കെന്റ് സൊന്ന അയാള് ആണ്ട്‌റ്‌ന്റവാര്‌ഗാള്‌ക്ക് ആണ്ടവാന്‌മ് രാജാവുഗാള്‌ക്ക് രാജാവുമുത്തെ. അയാളോഡ ഇര്‌ക്ക്‌ന്റവാര് സാമി ബ്‌ളിത്തവാര്‌മ് തെരിന്തെ്ഡ്‌ത്തവാര്‌മ് നമ്പ്യ മുഡിന്റവാര്‌മ്‌ത്തെ>> എന്റ് സൊന്നാന്.

ബെ്ളിപട്ട കാര്യ 19:14

മേലോഗാത്ത്‌ല പട്ടളഗാറാര് ദഗദഗാത്ത് മിന്നുവ ബെ്ള്ളെ ഉഡുപ്പു ഇക്കി ബെ്ള്ളെ കുദുറെഗാള് കുദ്ദാക്ക് ഏ്റി അയാള് പിന്ന്‌ക്ക് പോനാര്.

ബെ്ളിപട്ട കാര്യ 3:21

നാന്‌മ് ഗെലിസി കഡാന്ത് എന്ന് അപ്പാന് കുക്കാന്ത്‌റ്‌ക്കുവ കുറിഞ്ചില് അപ്പാനോഡ കുക്കാന്ത്‌റ്‌ക്കുവ പാസെ താനെ ഗെലിസി കഡാക്ക്‌ന്റവാന്‌ന നാന് കുക്കാന്ത്‌റ്‌ക്കുവ കുറുഞ്ചില് എന്നൊപ്പ കുക്കാക്ക്യ ബെക്കുവെ.

ബെ്ളിപട്ട കാര്യ 9:7

ഈ മുട്ടിരിഗാള്‌ന നോഡുഗാട്ടി ജുദ്ദാക്ക് ബ്‌ഡ്യ ഒരിക്കി ബെത്ത്‌റ്‌ക്കുവ കുദുറെഗാള്‌ന പാസെത്തെ ഇന്ത്‌ദ്. ഈ മുട്ടിരിഗാള് തലെഗാള്‌ല് പൊന്നു ഗിര്യാഡന പാസെ എന്തോ ജാദി ഇന്ത്‌ദ്. അദ്‌ഗാള് മൂഞ്ചി മന്‌സാര് മൂഞ്ചിന പാസെ ഇന്ത്‌ദ്.