ബെ്ളിപട്ട കാര്യ 6:12 - സാമി സേദി

¹² കൊറ്യാഡ് കുട്ടി ആറാവാദ് മുദ്ദുറെന ത്‌റാക്കാട്ടി ദൊഡ്ഡൊന്റു ബൂമി കുലുക്ക ഉണ്ടാറ്റ്. നേര കറ്‌ത്ത കമ്പ്‌ളി പാസെ കറ്‌ത്ത കറ്‌ത്താമ് നിലാവു സോരെ സോര്യാമ് ആറ്റ്.

ബെ്ളിപട്ട കാര്യ 6:12 ပူးပေါင်းရင်းမြစ်များ

മത്തായി 11:21

<<കോരസീന് പട്ടണഗാറാരെ, അവ്വോ, നിമാക്ക് കജട്ടാത്തെ. ബേദ്‌സയിദ പട്ടണഗാറാരെ, അവ്വോ, നിമാക്ക് കജട്ടാത്തെ. നിമ്മ് പട്ട്‌ല് ഗേന്ത അദിസ്യഗാള്‌ന സോരു പട്ടണാത്ത്‌ല്‌മ് സീദോനു പട്ടണാത്ത്‌ല്‌മ് ഗേന്തിന്തദാന അദ്‌ലവാര് തമ്മ സാമിസാരി തിര്‌ഗ്‌നേമ് എന്റ് കാട്ട്യ ബേ്ണ്ടി അവാര് എന്നലോ താനെ സാക്ക്‌ന കെ്ട്ടി ബൂദിന ഉരുവുക്കു അട്ടി ദുക്കപട്ട് സാമിസാരി തിരിഗിര്‌ക്കുവാര്.

മത്തായി 24:29

<<അയി കാലാത്ത്‌ല കജട്ടഗാള് തീന്താദ്‌മ് അന്നാല് താനെ, <നേര ഇ്റ്‌ണ്ട് പോമു, നിലാവു ബെ്ള്‌സ അദിഗ നാള് അഡിക്കമാട്ട, ബാന്‌ലിന്ത് ബെ്ള്ളിഗാള് അലേന്ത് കൊണ്ടു ഇര്‌ക്കുവു, ബാന്‌ല് ഇര്‌ക്കുവാദ് ഒട്ടുക്കു അദ്‌റ്‌സിതള്ളുവു.>

മത്തായി 24:7

ഒന്റൊന്റു ജാദിഗാള് ആങ്കീങ്ക് ജുദ്ദ ഗേവാര്. ഒന്റൊന്റു നാഡ്‌ഗാള് ആങ്കീങ്ക് ജുദ്ദ ഗേവാര്. പഞ്ചാമ് ബൂമികുലുക്കാമ് പല എ്ഡേക്ക്‌റാഗ നഡാക്ക്‌മ്.

മത്തായി 27:45

ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്.

മത്തായി 27:54

നൂറു പട്ടളഗാറാര് തലെവാന്‌മ് അയാളോഡൊപ്പ ഏസ്സ്‌ക്ക് കാവ ഇന്തവാര്‌മ് ബൂമി അദ്‌റ്‌ന്താദ്‌നാമ് അദ്‌ല് നഡാന്ത കാര്യഗാള്‌നാമ് ഒട്ടുക്കു കണ്ട് സെരിക്ക്‌മ് അഞ്ചിക്കെപട്ട്: <<നേര്‌മായിമ് ഇയാള് സാമിമഗാന് ആയിന്താന്>> എന്റ് സൊന്നാര്.

മത്തായി 28:2

അദുക്കുള സട്ടന ബൂമി ദൊഡ്ഡാദ്‌ക്ക് അദ്‌റ്‌ന്ത്‌ദ്. എന്ത്‌ക്കെന്റ് സൊന്ന, ആണ്ടവാന് ദൂദാന് മേലോഗാത്ത്‌ലിന്ത് ഇ്റാഗി ബന്ത് കല്ലളേക്ക് അഡേത്തിന്ത കല്ല്‌ന ഉറുട്ടി ജറേത്ത് അദ്‌കുദ്ദാക്ക് കുക്കാന്തിന്താന്.

മര്‌ക്കോസു 15:33

ഉച്ചി ആഗാട്ട്യെല്ല നാഡൊട്ടുക്കു ഇ്റ്‌ട്ട്‌കെ്ട്ട്‌റ്റ്. പ്‌റ മൂറു മണി മാട്ട്‌ക്ക് ഇ്റ്‌ട്ട് കെ്ട്ടിന്ത്‌ദ്.

ബെ്ളിപട്ട കാര്യ 11:13

അയി ഗളിഗേല് താനെ ദൊഡ്ഡൊദ്‌ക്ക് ബൂമി കുലുങ്കുറ്റു. പട്ടണാത്ത്‌ല് പത്ത്‌ല് ഒന്റു ബാഗ ഇ്ഡിന്ത് ബ്‌ന്ത്‌ദ്, ഏ്ളായിര ആള്‌ഗാള് സത്ത് തള്ള്‌നാര്. മിച്ച ഇന്തവാര് അഞ്ചിക്കെപട്ട് മേലോഗ സാമിക്ക് മദ്‌പ്പ് കൊഡുത്താര്.

ബെ്ളിപട്ട കാര്യ 16:18

അദുക്കുള മിച്ചുവ ബെ്ള്‌സഗാള്‌മ്, ഓസെഗാള്‌മ്, ഇ്ഡി ബെ്ട്ടുവ ജദ്ദഗാള്‌മ് ബന്ത്‌ദ്. എത്ത്‌റാഗോ ദൊഡ്ഡാദ്‌ക്ക് ബൂമിമ് കുലുങ്കുറ്റു. ബൂമില് മന്‌സാര് ഉണ്ടാന കാലാത്ത്‌ലിന്ത് ഇന്നമാട്ട്‌ക്ക് ഇത്ത്‌റ ദൊഡ്ഡാദ്‌ക്ക് ബൂമി കുലുങ്കാലെ.

ബെ്ളിപട്ട കാര്യ 16:8

നാലാവാദ് ദൂദാന് തന്ന് സട്ടിന നേരാക്ക് ഊറ്റുനാന്. അദുക്കുള നേരാക്ക് ഇര്‌ക്കുവ മ്‌ഗ്‌ന്ത സൂഡുലു മന്‌സാര്‌ഗാള്‌ന സുട്ടു തള്ള്യ നേരാക്ക് അദിഗര കെ്ഡേത്ത്‌ദ്.

ബെ്ളിപട്ട കാര്യ 8:12

നാലാവാദ് ദൂദാന് കൊമ്പൂദുഗാട്ടി മൂറുലു ഒന്റു ബാഗ നേരനാമ് നിലാവുനാമ് ബെ്ള്ളിഗാള്‌നാമ് അദ് കേ്ഡ് ബര്‌സ്സ്‌റ്റ്. അദ്‌നാലെ അദ്‌ഗാള്‌ക്ക് ഇര്‌ക്കുവ ബെ്ള്‌സാത്ത്‌ല് മൂറുലു ഒന്റു ബാഗ ഇ്റ്‌ട്ടാറ്റ്. അദേപാസെ പഗാല് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ജാമാക്ക് അഡിക്കുവ ബെ്ള്‌സാത്ത്‌ല് മൂറുലു ഒന്റു ബാഗാമ് ഇല്ലാദാറ്റ്.

ബെ്ളിപട്ട കാര്യ 8:5

പ്‌റ ദൂദാന് അയി തുമ്മ പൊഗേസുവ ദൊഡ്ഡ തൊട്ടിക്ക് മദ്‌ല്‌ല തീ കെ്ണ്ടന തുമ്പിസി ബൂമിക്ക് എ്റിന്താന്. അദുക്കുള ഇ്ഡി ബെ്ട്ടുവ ജദ്ദഗാള്‌മ്, ഓസെഗാള്‌മ്, മിച്ചുവ ബെ്ള്‌സഗാള്‌മ് ബന്ത്‌ദ്, ബൂമിമ് കുലുങ്കുറ്റു.