ബെ്ളിപട്ട കാര്യ 5:9 - സാമി സേദി9 അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി. အခန်းကိုကြည့်ပါ။ |
ബെ്ളിപട്ട കാര്യ 5:9
41 ပူးပေါင်းရင်းမြစ်များ
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
മുന്തെല കാലാത്ത്‌ല് സാമി സൊന്റെന്റ് സൊല്ലി ഉറുട്ടു സൊല്ലുവ സാമിദാസ്‌ഗാള്‌മ് ഇസ്‌റവേല്‌ഗാറാര് പട്ട്‌ല് ഇന്താര്. അദേപാസെ ഉറുട്ടു സൊല്ലി പഡ്‌സ്‌ന്റവാര്‌ഗാള് നിമ്മ് പട്ട്‌ലിന്ത്‌മ് ഉണ്ടാവാര്. അവാര് സത്ത്യ അല്ലാത്ത കെ്ഡ്‌സുവ കാര്യഗാള്‌ന സൂഗാന പഡുസുവാര്. പാവാക്ക് സിക്കിന്ത തമാന തിരിക്കി എ്ഡ്‌ത്ത പണ്ണാഡിന തള്ളി തമ്മ ബേഗ അളിന്ത് പോവാദ്‌ക്കുള്ള ബട്ടെ അവാര് താനെ മാഡ്‌ന്റാര്.
പ്‌റ നാന് നോഡുഗാട്ടി എത്ത്‌റാഗോ ഉജരാത്ത്‌ല് ബേ്റൊന്റു ദൂദാന് ബാന്‌ല് പറാക്കുവാദ്‌ന നാന് കണ്ടെ. എല്ലാ ജാദിഗാള്‌ക്ക്‌മ്, എല്ലാ കുലഗാള്‌ക്ക്‌മ്, എല്ലാ നായഗാറാര്‌ക്ക്‌മ്, എല്ലാ ബമ്മേസഗാറാര്‌ക്ക്‌മ് അത്തെ ബൂമില് ഇര്‌ക്കുവ എല്ലാ ആള്‌ഗാള്‌ക്ക്‌മ് എന്നാല്‌ക്ക്‌മ് ഇര്‌ക്കുവ നല്ല സേദിന അയാള്‌ക്ക് സൊല്ല്യ ഇന്ത്‌ദ്.
സാമി ഗിലാസഗാറാന് ആന മോസെ പാട്ട്‌മ് കൊറ്യാഡ് കുട്ടി പാട്ട്‌മ് അവാര് പാഡ്‌നാര്. അദ് ഇത്തേത്തെ, എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, നീ ഗേന്ത കാര്യഗാള് മ്‌ഗ്‌ന്താദ്‌മ് അദിസ്യമാനാദ്‌മ്‌ത്തെ, ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌ത്ത്‌മ് രാജാവെ, നീ ഗേവ കാര്യഗാള് നേര്‌മെ ഉള്ളാദ്‌മ് സത്ത്യമുള്ളാദ്‌മ്‌ത്തെ.
കുറിഞ്ചില് നാക്ക് ഉജുരുകെ്ളെഗാള്‌ക്ക് നഡ്‌ക്കേമ്, ഇരുവത്തിനാല് മൂപ്പനാമ്‌ഗാള്‌ക്ക് നഡ്‌ക്കേമ് ഒന്റു കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടേന്. അദ്‌ന കണ്ട അറ്‌ത്ത് കൊന്റു ബെത്ത്‌റ്‌ക്കുവ പാസെ ഇര്‌ക്ക്‌ന്റ്. അദ്‌ക്ക് ഏ്ള് കൊമ്പുമു ഏ്ള് കണ്ണ്‌മ് ഇന്ത്‌ദ്. ബൂമിക്ക് എല്ലാ സാരിമ് സാമി സൊല്ലി ബ്‌ട്ട്‌റ്‌ക്കുവ സാമി നിഗാല്‌ഗാള്‌ത്തെ അയി കണ്ണ്‌ഗാള്.
ကြော်ငြာတွေ