ബെ്ളിപട്ട കാര്യ 5:13 - സാമി സേദി13 മേലോഗാത്ത്‌ല്‌മ് ബൂമില്‌മ് ബൂമിക്കഡിമ് സമ്‌ത്ത്‌റാത്ത്‌ല്‌മ് ഇര്‌ക്കുവ എല്ലാ ഉജുരുകെ്ളെഗാള്‌മ് ഇത്തെ സൊല്ലുവാദ്‌ന നാന് കേ്ട്ടെ: <<കുറിഞ്ചില് കുക്കാക്ക്‌ന്റവാന്‌ക്ക്‌മ് കൊറ്യാഡ് കുട്ടിക്ക്‌മ് എന്നാല്‌ക്ക്‌മ് ഒഗെ, മാനാമ് പേര്‌പെരിമേമ് സക്‌തിമ് എന്നാല്‌ക്ക്‌മ് അവാര്‌ക്ക് ഇര്‌ക്കുഡൊ.>> အခန်းကိုကြည့်ပါ။ |
ബെ്ളിപട്ട കാര്യ 5:13
29 ပူးပေါင်းရင်းမြစ်များ
അദ് എത്തെന്റ് സൊന്ന ഏസ്സ് ക്‌റ്‌സ്‌ത്ത്‌ത്ത് അയി നല്ല സേദിന തള്ളാദെ കഡേസി മാട്ട്‌ക്ക് അദ്‌ന ഉറുദ്ദ്യായി നമ്പി പെ്ളേത്തദാന നിമാക്ക് സാമ്യോഡ എ്ണേവു ബെത്ത് നഡാക്ക്യ മുഡിമ്. അയി നല്ല സേദിന ഉലഗാത്ത്‌ല് ഇര്‌ക്കുവ ആള്‌ഗാള്‌ക്ക് ഒട്ടുക്കു ഇന്നാല് സൊല്ലുന്റാര്. അദേ സേദിന സൊല്ലുവ ഗിലാസനത്തെ പവുലോസു എന്നുവ നാന്‌മ് ഗേവാദ്.
നായ സൊല്ല്യ ബര കെ്ഡേസ്‌നവാന് സാമി സൊല്ലുസുലാക്കാത്ത്‌ല് എന്ത്‌ന സൊല്ലിര്‌ക്ക്‌ന്റൊ അദ്‌ന താനെത്തെ സൊല്ലുഡൊ. അഡ്‌ത്തവാര്‌ക്ക് ഉവഗര ഗേയ ബര കെ്ഡേസ്‌നവാന് സാമി കൊഡുത്ത സക്‌തിക്ക് തഗ്‌ന്ത പാസെ ഗിലാസ ഗേഡൊ. അത്തെ നിമ്മ ഗേവ എന്ത് കാര്യഗാള്‌മ് അദ്‌ന ഗേയ കയിതാങ്കുവ ഏസ്സ് ക്‌റ്‌സ്‌ത്ത് പേര്‌ല് സാമി ദൊഡ്ഡവാന് ആഡൊ. സാമി എന്നാല്‌ക്ക്‌മ് പേര്‌പെരിമേമ് എല്ലാദ്‌നാമ് ആളുവ അദിഗരാമ് ഉള്ളവാന് ആയിര്‌ക്കുഡൊ. ആമേന്.
കുറിഞ്ചില് നാക്ക് ഉജുരുകെ്ളെഗാള്‌ക്ക് നഡ്‌ക്കേമ്, ഇരുവത്തിനാല് മൂപ്പനാമ്‌ഗാള്‌ക്ക് നഡ്‌ക്കേമ് ഒന്റു കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടേന്. അദ്‌ന കണ്ട അറ്‌ത്ത് കൊന്റു ബെത്ത്‌റ്‌ക്കുവ പാസെ ഇര്‌ക്ക്‌ന്റ്. അദ്‌ക്ക് ഏ്ള് കൊമ്പുമു ഏ്ള് കണ്ണ്‌മ് ഇന്ത്‌ദ്. ബൂമിക്ക് എല്ലാ സാരിമ് സാമി സൊല്ലി ബ്‌ട്ട്‌റ്‌ക്കുവ സാമി നിഗാല്‌ഗാള്‌ത്തെ അയി കണ്ണ്‌ഗാള്.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ