ബെ്ളിപട്ട കാര്യ 5:11 - സാമി സേദി

¹¹ പ്‌റ നാന് നോഡുഗാട്ടി, കുറിഞ്ചിക്ക്‌മ് ഉജുരുകെ്ളെഗാള്‌ക്ക്‌മ് മൂപ്പനാമ്‌ഗാള്‌ക്ക്‌മ് സുറ്റീല് മൊത്തന ദൂദനാമ് ജദ്ദനാമ് നാന് കേ്ട്ടേന്. അവാര് എ്ണ്ണ്‌സി തീര്‌ക്ക്യ മുഡ്യാത്ത അളാവുലു ആയിര കണാക്ക് ഇന്താര്.

ബെ്ളിപട്ട കാര്യ 5:11 ပူးပေါင်းရင်းမြစ်များ

എവുറായാര് 12:22

ആന നിമ്മ ബന്ത്‌റ്‌ക്കുവാദ് സീയോനു മലെ പട്ട്‌ക്ക്‌മ് ഉജുരുള്ള സാമി പട്ടണമാന മേലോഗാത്ത്‌ല എര്‌സലേമ് പട്ട്‌ക്ക്‌മ് എ്ണ്ണ്‌സ്യ മുഡ്യാത്ത ദൂദാര്‌ഗാള് പിര്യാത്തോഡ കൂഡുവ പട്ട്‌ക്ക്‌മ്‌ത്തെ.

ജൂദാന് 1:14

ആദി മന്‌സാന് ആദാമ്‌ലിന്ത് ഏ്ളാവാദ് തലെകെ്ട്ട്‌ല് പ്‌റാന്ത ആനോക്കു ഇവാര്‌ന പറ്റി സൊല്ലിര്‌ക്കുവാദ് എന്തെന്റ് സൊന്ന: <<ഇദാ, ആണ്ടവാന് എ്ണ്ണ്‌സ്യ മുഡ്യാത്ത ദൂദാര്‌ഗാളോഡ ബന്റാന്.

ബെ്ളിപട്ട കാര്യ 19:6

പിന്നെ ദൊഡ്ഡ ഒന്റു കൂട്ട ആള്‌ഗാള് ആലാക്കുവ ജദ്ദന പാസേമ് ദൊഡ്ഡ നീര് ആലാത്ത് ബരുവ ജദ്ദന പാസേമ് സെര്യാന ഒന്റു ഇ്ഡി ബെ്ട്ടുവ ജദ്ദന പാസേമ് നാന് കേ്ട്ടേന്, <<ആലേലൂയ! എല്ലാ ബിലാമ് ഇര്‌ക്കുവ നമ്മ് ആണ്ടവാനാന സാമി ആള്‌ന്റാന്.

ബെ്ളിപട്ട കാര്യ 4:4

അയി കുറിഞ്ചിക്ക് സുറ്റുമു ബേ്റെ ഇരുവത്തിനാല് കുറുഞ്ചിഗാള്‌മ് ഇന്ത്‌ദ്. ബെ്ള്ളെ ഉഡുപ്പുഗാള് ഇക്കിമ് പൊന്നു ഗിര്യാഡന ഇക്കിമ് ഇര്‌ക്കുവ ഇരുവത്തിനാല് മൂപ്പനാമ് അദ്‌ല് കുക്കാന്തിന്താര്.

ബെ്ളിപട്ട കാര്യ 4:6

അയി കുറിഞ്ചി മുന്നുക്കു കന്നാഡിന പാസെ ഉള്ള കഡാല്‌മ് ഇന്ത്‌ദ്. അദ് പള്‌ങ്ക്‌ന പാസെ തെങ്ക്‌തെങ്ക ഇന്ത്‌ദ്. അദ്‌ല് നഡ്‌ക്കെ, അയി കുറുഞ്ചിക്ക് സുറ്റുമു നാക്ക് ഉജുരുകെ്ളെഗാള് ഇന്ത്‌ദ്. അദ്‌ഗാള്‌ക്ക് മുന്നുക്കുമു പിന്ന്‌ക്ക്‌മ് മൊത്തന കണ്ണ്‌ഗാള് ഇന്ത്‌ദ്.

ബെ്ളിപട്ട കാര്യ 5:14

അയി നാക്ക് ഉജുരുകെ്ളെഗാള്‌മ് <<ആമേന്>> എന്റ് സൊല്ലുറ്റു. അദുക്കുള മൂപ്പനാമ് സഡങ്ക ബ്‌ന്ത് കുമ്മുഡുനാര്.

ബെ്ളിപട്ട കാര്യ 5:6

കുറിഞ്ചില് നാക്ക് ഉജുരുകെ്ളെഗാള്‌ക്ക് നഡ്‌ക്കേമ്, ഇരുവത്തിനാല് മൂപ്പനാമ്‌ഗാള്‌ക്ക് നഡ്‌ക്കേമ് ഒന്റു കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടേന്. അദ്‌ന കണ്ട അറ്‌ത്ത് കൊന്റു ബെത്ത്‌റ്‌ക്കുവ പാസെ ഇര്‌ക്ക്‌ന്റ്. അദ്‌ക്ക് ഏ്ള് കൊമ്പുമു ഏ്ള് കണ്ണ്‌മ് ഇന്ത്‌ദ്. ബൂമിക്ക് എല്ലാ സാരിമ് സാമി സൊല്ലി ബ്‌ട്ട്‌റ്‌ക്കുവ സാമി നിഗാല്‌ഗാള്‌ത്തെ അയി കണ്ണ്‌ഗാള്.

ബെ്ളിപട്ട കാര്യ 5:8

അദ്‌ന എ്ഡ്‌ത്താദ്‌മ് ഇരുവത്തിനാല് മൂപ്പനാമ്‌ഗാള്‌മ് അയി നാക്ക് ഉജുരുകെ്ളെഗാള്‌മ് അയി കൊറ്യാഡ് കുട്ടി മുന്നുക്കു സഡങ്ക ബ്‌ന്താര്. അവാര് ഒന്റൊന്റാള് കയില് ബീ്ണേമ്, സാമിഗാറാര്‌ത്ത് പരേസ എന്നുവ ഗമ്‌ഗമ ബാഡെ അഡിക്കുവ തുമ്മ തുമ്പിര്‌ക്കുവ പൊന്നു സട്ടിഗാള്‌മ് ഇന്ത്‌ദ്.

ബെ്ളിപട്ട കാര്യ 7:11

എല്ലാ ദൂദനാമ്‌ഗാള്‌മ് കുറിഞ്ചിക്ക്‌മ് മൂപ്പനാമ്‌ഗാള്‌ക്ക്‌മ് അയി നാക്ക് ഉജുരുകെ്ളെഗാള്‌ക്ക്‌മ് സുറ്റീല് നിന്റിന്താര്. അവാര് കുറുഞ്ചിക്ക് മുന്നുക്കു സഡങ്ക ബ്‌ന്ത്: ഇത്തെ സൊല്ലി സാമിന കുമ്മുഡുനാര്,

ബെ്ളിപട്ട കാര്യ 9:16

കുദുറെ പട്ടളഗാറാര് കണാക്ക് ഇരുവാദ് കോഡി എന്റ് നാന് കേ്ട്ടെ.