ബെ്ളിപട്ട കാര്യ 4:8 - സാമി സേദി8 നാക്ക് ഉജുരുകെ്ളെഗാള്‌ക്ക്‌മ് ആറാറ് ഇ്റാക്കെഗാള് ഇന്ത്‌ദ്. അദ്‌ഗാള്‌ക്ക് ഉള്ളുക്കുമു ബെ്ളിഗേമ് കണ്ണ്‌ഗാള് തുമ്പിന്ത്‌ദ്. ഇന്തിന്തവാന്‌മ് ഇന്നാല് ഇര്‌ക്ക്‌ന്റവാന്‌മ് ഇന്നി ബര്യ ഇര്‌ക്ക്‌ന്റവാന്‌മ് ആന എല്ലാ ബിലാമ് ഇര്‌ക്കുവ ആണ്ടവാനാന സാമി മ്‌ഗ്‌ന്ത സുത്താപ്പുള്ളവാന്, മ്‌ഗ്‌ന്ത സുത്താപ്പുള്ളവാന്, മ്‌ഗ്‌ന്ത സുത്താപ്പുള്ളവാന് എന്റ് അദ്‌ഗാള് റാവുപഗാല് എ്ളേക്കാദെ സൊല്ലി കൊണ്ടേ ഇന്ത്‌ദ്. အခန်းကိုကြည့်ပါ။ |
ബെ്ളിപട്ട കാര്യ 4:8
42 ပူးပေါင်းရင်းမြစ်များ
ആസ്യ നാഡ്‌ല ഏസ്സ്‌ഗാറാര് ഏ്ള് കൂട്ടാക്ക് ഓഗന്നാന് എ്ള്‌ദുവ എ്ള്‌ത്ത്. ഇന്നാല് ഇര്‌ക്ക്‌ന്റവാന്‌മ് ഇന്തിന്തവാന്‌മ് ഇന്നി ബര്യ ഇര്‌ക്ക്‌ന്റവാന്‌മ് ആന സാമിമ്, അയാള് കുറിഞ്ചി മുന്നുക്കു നില്ലുവ ഏ്ള് നിഗാല്‌ഗാള്‌മ്, താന് സൊല്ലുവാദ് സത്ത്യത്തെ എന്റ് നമ്പ്യ മുഡിന്റവാന്‌മ്, സത്തവാര് പട്ട്‌ലിന്ത് മുദാല് ഉജുര്‌ളാഗ്‌നവാന്‌മ് ഉലഗാത്ത്‌ല രാജാവുഗാള്‌ന ആള്‌ന്റവാന്‌മ് ആന ഏസ്സ് ക്‌റ്‌സ്‌ത്ത്‌മ് നിമാക്ക് പ്‌ണ്ണ്യാമ് ഗേഡൊ, നിമാന നിമ്മ്‌ദ്യായിമ് ബെക്കുഡൊ. അയാള് നമാന സീവാന്‌പട്ട്‌മ് താന് സൂസുന സോരെനാലെ നമ്മ് പാവഗാള്‌ന തീത്ത് ബ്‌ഡിസിമ് ഇര്‌ക്ക്‌ന്റാന്.
സാമി ഗിലാസഗാറാന് ആന മോസെ പാട്ട്‌മ് കൊറ്യാഡ് കുട്ടി പാട്ട്‌മ് അവാര് പാഡ്‌നാര്. അദ് ഇത്തേത്തെ, എല്ലാ ബിലാമ് ഇര്‌ക്കുവ ആണ്ടവാനാന സാമ്യെ, നീ ഗേന്ത കാര്യഗാള് മ്‌ഗ്‌ന്താദ്‌മ് അദിസ്യമാനാദ്‌മ്‌ത്തെ, ഉലഗാത്ത്‌ല് ഇര്‌ക്കുവ എല്ലാ ആള്‌ഗാള്‌ത്ത്‌മ് രാജാവെ, നീ ഗേവ കാര്യഗാള് നേര്‌മെ ഉള്ളാദ്‌മ് സത്ത്യമുള്ളാദ്‌മ്‌ത്തെ.
ബൂമില് ഇര്‌ക്കുവ എല്ലാ ആള്‌ഗാള്‌നാമ് സോലുസ്യ ബേ്ണ്ടി അയാള് ബായിലിന്ത് ഉരുക്കിര്‌ക്കുവ ബാള് ബെ്ളിഗെ കഡാക്ക്‌ന്റ്. <<അയാള് അവാര്‌ന ഇര്‌മ്പ് ബഡി എ്ഡ്‌ത്ത് ആളുവാന്.>> അയാള് മുന്തിരി സാര മെ്ട്ടി പെജേന്ത് എ്ഡ്‌ക്കുവ കുയിക്ക് മുന്തിരിന ഇക്കി മെ്ട്ടി പെജേവാന്. എല്ലാ ബിലാമ് ഇര്‌ക്കുവ സാമി മൊനേന കാട്ടുവാദ്‌ത്തെ അയി കുയി.
<<പിലദല്‌പ്യ പട്ടണാത്ത്‌ലിര്‌ക്കുവ ഏസ്സ്‌ഗാറാര് കൂട്ടാത്ത്‌ല ദൂദാന്‌ക്ക് എ്ള്‌ദ്‌ഡൊ: സുത്താപ്പിര്‌ന്റവാന്‌മ് സത്ത്യമുള്ളവാന്‌മ് ആനവാന് സൊല്ലുവാദ് ഇദ്‌ത്തെ. അദിഗരാന കാട്ടുവ ദാവീദ് ത്‌റാപ്പ് കയി അയാള് കയില് ഇര്‌ക്ക്‌ന്റ്. അയാള് ബാസന ത്‌റാന്തദാന ആര്‌ക്ക്‌മ് അദ്‌ന അഡേക്ക്യ മുഡ്യ. അയാള് അയി ബാസന അഡേത്തദാന ആര്‌ക്ക്‌മ് ത്‌റാക്ക്യ മുഡ്യ.
കുറിഞ്ചില് നാക്ക് ഉജുരുകെ്ളെഗാള്‌ക്ക് നഡ്‌ക്കേമ്, ഇരുവത്തിനാല് മൂപ്പനാമ്‌ഗാള്‌ക്ക് നഡ്‌ക്കേമ് ഒന്റു കൊറ്യാഡ് കുട്ടി നിന്റ്‌റ്‌ക്കുവാദ്‌ന നാന് കണ്ടേന്. അദ്‌ന കണ്ട അറ്‌ത്ത് കൊന്റു ബെത്ത്‌റ്‌ക്കുവ പാസെ ഇര്‌ക്ക്‌ന്റ്. അദ്‌ക്ക് ഏ്ള് കൊമ്പുമു ഏ്ള് കണ്ണ്‌മ് ഇന്ത്‌ദ്. ബൂമിക്ക് എല്ലാ സാരിമ് സാമി സൊല്ലി ബ്‌ട്ട്‌റ്‌ക്കുവ സാമി നിഗാല്‌ഗാള്‌ത്തെ അയി കണ്ണ്‌ഗാള്.
ကြော်ငြာတွေ